Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສຳເລັດກອງປະຊຸມທາບທາມຢັັ່ງຫາງສຽງ ບຸກຄະລາກອນຂອງສະຫະພັນກຳມະບານແຂວງວຽງຈັນ ຮອບທີ I

1 min read

ສຳເລັດກອງປະຊຸມທາບທາມຢັັ່ງຫາງສຽງ
ບຸກຄະລາກອນຂອງສະຫະພັນກຳມະບານແຂວງວຽງຈັນ ຮອບທີ I


ເພຶ່ອປະຕິບັດຕາມມະຕິຕົກລົງຂອງຄະນະປະຈຳພັກແຂວງວຽງຈັນ ສະບັບເລກທີ 626/ຄປພ,ວຈ ລົງວັນທີ 01 ຕຸລາ 2019 ວ່າດ້ວຍ: ການແຕ່ງຕັ້ງຄະນະຮັບຜິດຊອບຊີ້ນຳການກະກຽມ ແລະ ດຳເນີນກອງປະຊຸມໃຫຍ່ຜູ້ແທນ ສະຫະພັນກຳມະບານແຂວງວຽງຈັນ ຄັ້ງທີ VII, ອີງຕາມ ການຄົ້ນຄ້ວາຕົກລົງເຫັນດີ ຂອງຄະນະປະທານ ສະຫະພັນກຳມະບານແຂວງ ຄັ້ງວັນທີ 20 ພຶດສະພາ 2020.

ວັນທີ 11 ມິຖຸນາ 2020 ທີ່ສະໂມສອນໃຫຍ່ຫ້ອງວ່າການປົກຄອງເມືອງວຽງຄຳ ໄດ້ເປີດກອງປະຊຸມທາບທາມ ຢັ່ງຫາງສຽງບຸກຄະລາກອນ ທີ່ຈະສະໝັກເປັນຄະນະບໍລິຫານງານ ສະຫະພັນກຳມະບານແຂວງວຽງຈັນ ສະ
ໄໝທີ VII ( ຮອບທີ I ) ຂື້ນຢ່າງເປັນທາງການ

ໂດຍການເປັນປະທານຂອງ ທ່ານ ຄຳພູທອນ ເທບສຸພົມ ກຳມະການພັກແຂວງ ປະທານສະຫະພັນກຳມະບານແຂວງວຽງຈັນ, ເປັນກຽດເຂົ້າຮ່ວມຂອງທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ປະທານແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນ, ມີທ່ານ ສອນໄຊ ຫລວງອາໄພ ຮອງຫົວໜ້າຄະນະຈັດຕັ້ງແຂວງວຽງຈັນ,

ມີຄະນະປະທານສະຫະພັນກຳມະບານເມືອງ, ມີຜູ້ແທນສົມບູນ ແລະ ແຂກຖືກເຊີນເຂົ້າຮ່ວມຈຳນວນ 128 ສະຫາຍ, ຍິງ 31 ສະຫາຍ. ທ່ານ ສອນໄຊ ຫລວງອາໄພ ໄດ້ໃຫ້ກຽດຂື້ນຜ່ານມາດຖານເງື່ອນໄຂ ຂອງຜູ້ທີ່ຈະລົງສະໝັກເຂົ້າຄັດເລືອກເປັນຄະນະບໍລິຫານງານ ສະຫະພັນກຳມະບານແຂວງວຽງຈັນ ທ່ານໃຫ້ຮູ້ວ່າ ຜູ້ທີ່ຈະເຂົ້າລົງສະໝັກໄດ້ນັ້ນຕ້ອງປະກອບມີ 5 ມາດຖານຫລັກ ຕາມທີ່ໄດ້ຕົກລົງກັນໃວ້ ແລະ ແນະນຳວິທີການປ່ອນບັດຢ່າງລະອຽດ, ເພຶ່ອເຮັດໃຫ້ກອງປະຊຸມຄັ້ງນີ້ມີຄວາມ ໝາຍຄວາມສຳຄັນຫຍິ່ງຂື້ນຈຶ່ງໄດ້ຮັບຟັງການໂອ້ລົມຂອງທ່ານ ທອງສະຫວັນ ວົງສຳພັນ ທ່ານໄດ້ຍົກໃຫ້ເຫັນບັນຫາຫລັກ ແມ່ນຄຸນທາດການເມືອງຕ້ອງມີຄວາມໜັກແໜ້ນ, ມີຄວາມຮັບຜິດຊອບສູງຕໍ່ໜ້າທີ່ວຽກງານ ໃຫ້ອີງໃສ່ຫລາຍບັນຫາທີ່ສຳຄັນຖືເອັາເລື່ອງສຸຂະພາບເປັນບັນຫາໜຶ່ງທີ່ສຳຄັນ, ເລື່ອງຄວາມຮູ້, ຄວາມສາມາດ, ຍົກເວັ້ນແນວຄິດອະຄະຕິໃສ່ກັນ ບໍ່ໃຫ້ເປັນການກົດໜ່ວງທ່ວງດຶງກັນ, ຮຽກຮ້ອງໃຫ້ມີຄວາມຮັບຜິດຊອບສູງ ຫລິ້ກລ່ຽງການມີບັດຕາຍ.

ຈົ່ງເລືອກເອົາຜູ້ທີ່ມີຄຸນທາດການເມືອງທີ່ໜັກແໜ້ນ ເອົາໃຈໃສ່ຕໍ່ໜ້າທີ່ວຽກງານ ມີຄວາມຮັບຜິດຊອບສູງ ຕໍ່ໜ້າທີ່ການເມືອງທີ່ຕົນເອງໄດ້ຮັບມອບໝາຍ ແລະ ເຮັດສຳເລັດຜົນເປັນຕົ້ນ, ກອງປະຊຸມໄດ້ດຳເນີນການປ່ອນບັດໂດຍມີຜູ້ລົງສະໝັກຈຳນວນ 43 ສະຫາຍ, ຍິງ 07 ສະຫາຍ, ໂດຍຂີດອອກ 06 ສະຫາຍ, ກອງປະຊຸມໄດ້ອັດລົງດ້ວຍຜົນສຳເລັດຕາມລະດັບຄາດໝາຍ.

ຂ່າວ: ໄຊປັນຍາ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031