Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໂພນໂຮງ ແຂວງວຽງຈັນລົງຊຸກຍູ້ຕິດຕາມການປະຕິບັດລາຍຮັບຫ້ອງການ ກຸ່ມເສດຖະກິດ

1 min read

ຄະນະຮັບຜິດຊອບ ປະຕິບັດລາຍຮັບເຂົ້າງົບປະມານ ເມືອງໂພນໂຮງ ແຂວງວຽງຈັນລົງຊຸກຍູ້ຕິດຕາມການປະຕິບັດລາຍຮັບຫ້ອງການ ກຸ່ມເສດຖະກິດ.


ໃນວັນທີ 17 ມິຖຸນາ2020 ນີ້ ຄະນະຮັບຜິດຊອບການປະຕິບັດລາຍຮັບເຂົ້າງົບປະມານ ເມືອງໂພນໂຮງ ແຂວງວຽງຈັນ ລົງຊຸກຍູ້ຕິດຕາມ ການປະຕິບັດລາຍຮັບເຂົ້າງົບປະມານ ຫ້ອງການ ກຸ່ມເສດຖະກິດຂອງເມືອງ ຂື້ນຢູ່ທີ່ ຫ້ອງປະຊຸມ ຫ້ອງການ ຊັບພະຍາກອນ ທຳມະຊາດ – ສິ່ງແວດລ້ອມ ເມືອງ

ໂດຍພາຍໃຕ້ການເປັນປະທານຂອງ ທ່ານ ສົມປະສົງ ສຸວົງຄຳຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆໂພນໂຮງ ,ມີຄະນະຮັບຊອບຂັ້ນເມືອງ,ມີບັນດາຫົວໜ້າຫ້ອງການ ,ໜ່ວຍງານປະຕິບັດລາຍຮັບແຕ່ລະຫ້ອງການກຸ່ມເສດຖະກິດເຂົ້າຮ່ວມ. ໃນການລົງຊຸກຍູ້ຕິດຕາມການປະຕິບັດລາຍຮັບເຂົ້າງົບປະມານບັນດາຫ້ອງການກຸ່ມເສດຖະກິດເທື່ອນີ້ກໍ່ເພື່ອເປັນການຊຸກຍູ້ສົ່ງເສີມ ທ່າແຮງດ້ານຕ່າງໆແຕ່ລະຫ້ອງການ ທີ່ເຄື່ອນໄຫວປະຕິບັດລາຍຮັບຂອງເມືອງໃຫ້ມີປະສິດທິ ພາບ, ຊອກເຫັນໄດ້ຂໍ້ສະດວກ-ຂໍ້ຫຍຸ້ງຍາກໃນການປະຕິບັດລາຍຮັບ ແນ່ໃສ່ເພື່ອປະຕິບັດລາຍຮັບແຕ່ລະຫ້ອງການທີ່ຮັບຕົວເລກປະຕິບັດໃຫ້ບັນລຸຕາມຄາດໝາຍ.

ທີ່ຫ້ອງການທີ່ປະຕິບັດລາຍຮັບກໍ່ໄດ້ລາຍງານໂດຍຫຍໍ້ໃນການປະຕິບັດລາຍຮັບ 6 ເດືອນຕົ້ນປີ ຫຼາຍໆຫ້ອງການຄາດວ່າຈະບໍ່ບັນລຸຕາມແຜນທີ່ວາງໄວ້ເປັນຕົ້ນວຽກງານການເງິນ ຕົວເລກທີ່ແຂວງມອບໃຫ້ປະຕິບັດແມ່ນ 5,766ຕື້ກີບ ຜ່ານການປະຕິບັດ 6 ເດືອນຕົ້ນປີປະຕິບັດໄດ້ 1,708,597,991 ກີບ ເທົ່າກັບ 33% ,ວຽກງານອຸດສາຫະກຳ-ການຄ້າ ປະຕິບັດໄດ້ 49,96%,ວຽກງານ ຊັບພະຍາກອນທຳມະຊາດ-ສິ່ງແວດລ້ອມ ປະຕິບັດໄດ້ 48,81% ຂອງແຜນ ແລະ ຫຼາຍໆ ຫ້ອງການປະຕິບັດບໍ່ບັນລຸຄາດໝາຍ ເນື່ອງຈາກວ່າສະພາບການຂອງໂລກ ກໍ່ຄື ປະເທດເຮົາ ໂດຍສະເພາະ ເມືອງໂພນໂຮງ ໄດ້ຮັບຜົນກະທົບຈາກພະຍາດລະບາດ ເຮັດໃຫ້ບັນດາຫົວໜ່ວຍທຸລະກິດ ໂຈະ ຫລື ປິດ ກິດຈະການ ເຮັດໃຫ້ການເກັບລາຍຮັບບໍ່ປົກກະຕິ ແລະບໍ່ໄດ້ຕາມແຜນ.

ໂອກາດດັ່ງກາວນີ້ ທ່ານ ເຈົ້າເມືອງໆໂພນໂຮງ ກໍ່ໄດ້ກ່າວສະແດງຄວາມຊົມເຊີຍຄະນະພັກ ຫ້ອງການຕ່າງໆທີ່ປະຕິບັດລາຍຮັບດ້ວຍຄວາມຮັບຜິດຊອບ ພ້ອມທັງເນັ້ນໜັກໃຫ້ແຕ່ລະຫ້ອງການຈົ່ງສືບຕໍ່ປະຕິບັດລາຍຮັບ 6 ເດືອນທ້າຍປີ ໃຫ້ໄດ້ຕາມແຜນ ເປັນຕົ້ນຕ້ອງຊອກທຸກທ່າແຮງແຕ່ລະຂະແໜງການ,ເອົາໃຈໃສ່ປຸກລະດົມໃຫ້ຜູ້ປະກອບການມີສ່ວນຮ່ວມ ການຄຸ້ມຄອງຂັ້ນບບ້ານ ຈົ່ງສືບຕໍ່ປະຕິບັດໃຫ້ບັນລຸຕາມຄາດໝາຍ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031