Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ແນວລາວສ້າງຊາດເມືອງວັງວຽງສຳເລັດ ກອງປະຊຸມໃຫຍ່ ຄັ້ງທີ VII ຂອງຕົນ

1 min read

ແນວລາວສ້າງຊາດເມືອງວັງວຽງສຳເລັດ ກອງປະຊຸມໃຫຍ່ ຄັ້ງທີ VII ຂອງຕົນ

ກອງປະຊຸມໃຫຍ່ ຄັ້ງທີ VII ຂອງແນວລາວສ້າງຊາດເມືອງວັງວຽງ ໄດ້ໄຂຂຶ້ນ ແລະ ສຳເລັດລົງ ໃນວັນທີ 18 ມິຖຸນາ 2020 ນີ້, ຢູ່ທີ່ສະໂມສອນເມືອງດັ່ງກ່າວ ໂດຍໄດ້ຮັບກຽດຢ່າງສູງ ໃນການເຂົ້າຮ່ວມຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ກຳມະການສູນກາງແນວລາວສ້າງຊາດ ປະທານແນວລາວສ້າງຊາດແຂວງວຽງຈັນ, ທ່ານ ບຸນຈັນ ມາລາວົງ ເລຂາພັກເມືອງ ເຈົ້າເມືອງໆວັງວຽງ, ມີບັນດາທ່ານຮອງເລຂາພັກເມືອງ, ຄະນະພັກເມືອງ, ປະທານແນວລາວສ້າງຊາດເມືອງອ້ອມຂ້າງ, ຜູ້ແທນສົມບູນ, ກົມກອງ -ຫ້ອງການ, ເລຂາພັກບ້ານ, ປະທານແນວລາວສ້າງຊາດບ້ານ ພ້ອມທັງແຂກຖືກເຊີນເຂົ້າຮ່ວມທັງໝົດ 115 ທ່ານ,ຍິງ 6 ທ່ານ, ຜູ້ແທນສົມບູນ 104 ທ່ານ, ຍິງ 3 ທ່ານ, ພຣະສົງ 2 ອົງ.


ທ່ານ ບຸນປັນ ພົມມະວົງ ປະທານແນວລາວສ້າງຊາດເມືອງ ໄດ້ຂື້ນກ່າວໄຂກອງປະຊຸມ, ພ້ອມທັງຜ່ານບົດສະຫຼຸບລາຍງານການເມືອງທັງສອງພາກ, ບົດສຳຫຼວດການນຳພາລວມໃນການເຄື່ອນໄຫວວຽກງານແນວລາວສ້າງຊາດ ໃນໄລຍະ 5 ປີ ຜ່ານມາ.

ຜ່ານບົດສຳຫຼວດການນ້ຳພາລວມຂອງຄະນະກຳມະການແນມລາວສ້າງຊາດເມືອງ ຊຸດທີ VI. ຮັບຟັງການປະກອບຄຳເຫັນຂອງບັນດາພາກສ່ວນກ່ຽວຂ້ອງ ກອງປະຊຸມໄດ້ເຫັນດີເປັນເອກະສັນ ຮັບຮອງເອົາບົດລາຍງານການເມືອງທັງສອງພາກ ແລະ ບົດສຳຫຼວດການນຳພາລວມ ຂອງຄະນະກຳມະການແນວລາວສ້າງຊາດເມືອງວັງວຽງ.


ຈາກນັ້ນ, ຄະນະຊຸດເກົ່າກໍ່ໄດ້ຂື້ນກ່າວລາໜ້າທີ່. ກອງປະຊຸມຄັ້ງປະຖົມມະລຶກ ໄດ້ມີມະຕິແຕ່ງຕັ້ງ ຢ່າງເປັນທາງການ ສະຫາຍ ສີສຸພັນ ວັດທະນະວົງ ເປັນປະທານ, ສະຫາຍ ຄຳທິບ ສີຊົມພູ ແລະ ສະຫາຍ ຄຳຜາຍ ແກ້ວມະນີ ເປັນຮອງປະທານ ໃນພິທີ ຍັງໄດ້ເລືອກເອົາຄະນະກຳມະການແນວລາວສ້າງຊາດເມືອງ 43 ທ່ານ, ຍິງ 3 ທ່ານ, ພຣະສົງ 2 ອົງ.


ກອງປະຊຸມຍັງໄດ້ຮັບຟັງການໂອ້ລົມຂອງ ທ່ານ ປະທານແນວລາວສ້າງຊາດແຂວງວຽງຈັນ ເຊິ່ງທ່ານໄດ້ເນັ້ນໜັກເຖິງຫຼາຍບັນຫາທີ່ສຳຄັນໃຫ້ແກ່ຄະນະຊຸດໃໝ່ເປັນຕົ້ນ: ການສຶກສາອົບຮົມການເມືອງແນວຄິດ ດ້ວຍຫຼາຍຮູບຫຼາຍສີ, ຕ້ານ ແລະ ສະກັດກັ້ນທຸກປະກົດການຫຍໍ້ທໍ້ທີ່ເກີດຂື້ນໃນສັງຄົມ, ປັບປຸງກົງຈັກການຈັດຕັ້ງ ລະບອບ, ລະບຽບ ແບບແຜນໃນການນຳພາ, ເອົາໃຈໃສ່ຍົກສູງລະດັບຄວາມຮູ້ຄວາມສາມາດດ້ານທິດສະດີ ແລະ ວິຊາສະເພາະ, ຈັດຝຶກອົບຮົມວຽກງານຕ່າງໆໃນຂອບເຂດວຽກງານແນວລາວສ້າງຊາດ, ເສີມຂະຫຍາຍສິດເປັນເຈົ້າ.

ຊ່ວຍກັນປົກປັກຮັກສາສົ່ງເສີມຮີດຂອງປະເພນີອັນດີງາມທີ່ເອກະລັກຂອງແຕ່ເຜົ່າ ປະສານສົມທົບກັບອົງການພາຄີຕ່າງໆ ຊຸກຍູ້ຂະບວນການແຂ່ງຂັນຮັກຊາດ ແລະ ພັດທະນາ ບົນຈິດໃຈ 4 ບຸກທະລຸ ໃນການສ້າງຂະບວນການຕ່າງໆ ຕິດພັນກັບຂະບວນການສ້າງຄອບຄົວ ແລະ ບ້ານສາມັກຄີປອງດອງໃຫ້ມີປະສິດທິພາບຂື້ນກວ່າເກົ່າ ເພື່ອຂໍ່ານັບຮັບຕ້ອນວັນສຳຄັນຂອງຊາດ-ຂອງພັກ.

ຂ່າວ:ທັນວາ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930