Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

6 ເດືອນຕົ້ນປີ ເມືອງໝື່ນ ເອົາໃຈໃສ່ພັດທະນາເສດຖະກິດສັງຄົມ

1 min read

6 ເດືອນຕົ້ນປີ ເມືອງໝື່ນ ເອົາໃຈໃສ່ພັດທະນາເສດຖະກິດສັງຄົມ ໂດຍອີງໃສ່ທ່າແຮງບົ່ມຊ້ອນ ແລະ ເງື່ອນໄຂການດຳລົງຊີວິດຂອງປະຊາຊົນ.


ໃນວາລະກອງປະຊຸມຄົບຄະນະບໍລິຫານງານພັກເມືອງໝື່ນ ຄັ້ງທີ 3 ສະໄໝທີ III ໃນວັນທີ 18 ມີຖຸນາ 2020 ຢູ່ທີ່ສະໂມສອນໃຫຍ່ຫ້ອງວ່າການປົກຄອງເມືອງໝື່ນ ແຂວງວຽງຈັນ ໂດຍການເປັນປະທານ ຂອງສະຫານ ພູວອນ ບຸນວິໄລ ກຳມະການພັກເເຂວງ,ເລຂາພັກເມືອງ ເຈົ້າເມືອງໆໝື່ນ ,ສະຫາຍໄດ້ໃຫ້ຮູ້ວ່າ: ຄະນະພັກ,ຄະນະນຳອົງການປົກຄອງເມືອງໝື່ນ ໄດ້ເອົາໃຈໃສ່ລະດົມ ໃຫ້ພໍ່ແມ່ປະຊົນໃຫ້ຫັນປ່ຽນແບບວິທີການຜະລິດເປັນສິນຄ້າ.

ຕາມກົນໄກເສດຖະກິດຕະຫຼາດ ຕາມທິດສັງຄົມນິຍົມ,ພ້ອມນັ້ນກໍ່ໄດ້ພັດທະນາພື້ນຖານໂຄ່ງລ່າງ ໃຫ້ມີຄວາມໂລ່ງລ່ຽນ,ນຳພາພໍ່ແມ່ປະຊາຊົນຮູ້ດຸ່ນດ່ຽງລາຍຮັບ-ລາຍຈ່າຍ ຄົວເຮືອນ ແລະ ເປັນເຈົ້າການແກ້ໄຂລຶບລ້າງຄວາມທຸກຍາກດ້ວຍຕົນເອງ ສ້າງຄວາມເຂັ້ມແຂງດ້ວຍຕົນເອງ ໂດຍບໍຍອມລໍຖ້າແຕ່ການຊ່ວຍເຫຼືອ , ປະຈຸບັນນີ້ເມືອງໝື່ນ ຍັງມີຄອບຄົວທຸກຍາກເຫຼືອ 60 ຄອບຄົວ, ເທົ່າກັບ 0,88% ຂອງຈຳນວນຄອບຄົວທັງໝົດ,ສົງເສີມໃຫ້ມີຄອບຄົວຕົວແບບເພີ່ມຂຶ້ນປະຈຸບັນມີ 33 ຄອບຄົວ,ກຸ່ມການຜະລິດ 8 ກຸ່ມ,ນຳໃຊ້ທຶນຂອງລັດພັດທະນາບ້ານ ດ້ວຍເງິນກອງທຶນຂອງໂຄງການຄຸ້ມຄອງປ່າໄມ້ແບບຍືນນານ ແລະ ທຶນຊ່ວຍເຫຼືອຈາກອົງການຈັດຕັ້ງສາກົນ ເພື່ອສົ່ງເສີມການລ້ຽງສັດ-ປູກພືດ,ປ່ອຍສິນເຊື່ອມູນຄ່າ 2,43 ຕື້ກວ່າກີບ.


ພ້ອມນັ້ນກໍ່ໄດ້ປັບປຸງກຸ່ມນຳໃຊ້ນ້ຳ 9 ໂຄງການ ແລະ ສ້ອມແປງຊົນລະປະທານທີ່ເປ່ເພ,ສົ່ງເສີມທຸລະກິດຂະໜາດນ້ອຍ,ຂະໜາດກາງໃຫ້ມີຄວາມເຂັ້ມແຂງ,ຈັດສັນອາຊີບ,ບ່ອນທຳການຜະລິດແບບຄົງທີ່ໃຫ້ປະຊາຊົນ,ຄຸ້ມຄອງແຫຼ່ງທຶນຊ່ວຍເຫຼືອ ຈາກພາຍໃນ ແລະ ຕ່າງປະເທດ.

ເພື່ອແກ້ໄຂຄວາມທຸກຍາກໂດຍບໍຫວັງຜົນກຳໄລ,ເອົາໃຈໃສ່ຊ່ວຍເຫຼືອຄອບຄົວທຸກຍາກຂາດເຂີນ ໃນເວລາເຈັບເປັນ ຫຼື ພົບຄວາມຫຍຸ້ງຍາກ ລະດົມທຶນ ແລະ ວັດຖຸອຸປະກອນ ເຄື່ອງອຸປະໂພກ ແລະ ບໍລິໂພກ ເພື່ອປ້ອງກັນຄວບຄຸມ ແລະ ແກ້ໄຂພະຍາດໂຄວິດ- 19 ຊ່ວຍເຫຼືອປະຊາຊົນໃນເວລາຖືກຜົນກະທົບຈາກໄພທຳມະຊາດ,ຄ້ມຄອງລາຄາສິນຄ້າຕາມທ້ອງຕະຫຼາດ ຊຸກຍູ້ການຈັດເກັບລາຍຮັບເຂົ້າງົບປະມານ ຄຸ້ມຄອງລາຍຈ່າຍຕາມລະບຽບການ,ປະຍັດລ່າຍຈ່າຍງົບປະມານຂອງລັດຢ່າງມີປະສິດທິຜົນ ມີວິໄນແຜນການ – ການເງິນຢ່າງເຂັ້ມງວດ,ບໍ່ສ້າງໜີ້ສິນຄຸມເຄືືອ ຫຼື ປະຕິບັດໂຄງການນອກແຜນ.

ຂ່າວ: ແຫວນຄຳ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031