Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສິດເກົ່າໂຮງຮຽນ ມ.ສ ເມືອງເຟືອງ ຮ່ວມໃຈກັນປະກອບສ່ວນຊຸກຍູ້ໂຮງຮຽນ

1 min read

ເພື່ອເປັນການຕອບສະໜອງບຸນຄຸນ ສະຖານທີ່ເຄີຍສຶກສາຮ່ຳຮຽນ, ຄູ-ອາຈານ ທີ່ເຄີຍສິດສອນ ການສຶກສາ ໃຫ້ນ້ອງນັກຮຽນ ໃຫ້ມີຄວາມຮູ້, ຄວາມສາມາດ ຈົນກ້າວຂື້ນມີອາຊີບ, ມີວຽກເຮັດງານທຳ ທີ່ໝັ້ນຄົງ.


ມາໃນຕອນບ່າຍວັນທີ 18 ມີຖຸນາ 2020 ຜ່ານມານີ້ ນຳໂດຍ ທ່ານ ບຸນລາ ວົງຂຸນສີ ຄະນະປະຈຳພັກເມືອງ ຫົວໜ້າຫ້ອງການໂຄສະນາ-ອົບຮົມ ເມືອເຟືອງ.

ໃນນາມເປັນສິດເກົ່າ ທັງເປັນອາດີດຄູສອນຢູ່ໂຮງຮຽນແຫ່ງນີ້ ໄດ້ເຕົ້າໂຮມໝູ່ ຄູ່ ເພື່ອນມິດ ສະຫາຍດ້ວຍກັນ ຈຳນວນ 9 ທ່ານ ຮ່ວມໃຈກັນພັດທະນາ ສະຫຼະທຶນຮອນຕົນເອງ ເພຶ່ອປະກອບສ່ວນຊຸກຍູ້ຊີມັງ ຈຳນວນ 10 ໂຕນ ມີມູນຄ່າ 4.800.000 ກີບ ນຳມາມອບໃຫ້ ໂຮງຮຽນເພຶ່ອກໍ່ສ້າງກຳແພງ, ສະໂມສອນ ແລະຫ້ອງນ້ຳທີ່ບໍ່ທັນສຳເລັດ.


ທ່ານ ບຸນລາ ວົງຂຸນສີ ໄດ້ຕາງໜ້າໝູ່ຄະນະສິດເກົ່າຂື້ນກ່າວມອບ, ທ່ານ ນາງ ບຸນເຮືອງ ວິມົນຈິດ ຜູ້ອຳນວຍການໂຮງຮຽນ ມ.ສ ເມືອງເຟືອງ ໄດ້ກ່າວຮັບ ໂດຍຊ້ອງໜ້າ ທ່ານ ຄຳເພັດ ຈັນສົມພູ ເລຂາພັກເມືອງ ເຈົ້າເມືອງໆເຟືອງ, ມີບັນດາສິດເກົ່າ ແລະຄູ-ອາຈານ ພາຍໃນໂຮງຮຽນ ໄດ້ພ້ອມກັນເຂົ້າຮ່ວມ.


ທ່ານ ອາຈານ ບຸນເຮືອງ ວິມົນຈິດ ຍັງໄດ້ກ່າວຍ້ອງຍໍຊົມເຊີຍ ເປັນຢ່າງສູງ ທີ່ບັນດາສິດເກົ່າຍັງບໍ່ລືມບຸນຄຸນ ຄູ-ອາຈານທີ່ໄດ້ເຄີຍທຸ່ມເທສະຕິປັນຍາ ຕັ້ງໜ້າສິດສອນ ຈົນມີຄວາມຮູ້ ຄວາມສາມາດ ໃຫ້ນ້ອງນັກຮຽນ ມີຫຼາຍຄົນ ກໍ່ໄດ້ກາຍເປັນພະນັກງານ-ລັດຖະກອນ, ທະຫານ-ຕຳຫຼວດ, ນັກທຸລະກິດ, ພໍ່ຄ້າ-ຊາວຂາຍ ແລະອື່ນໆລ້ວນແຕ່ໄດ້ຜ່ານການສິດສອນຈາກຄູ-ອາຈານ.

ເພຶ່ອເປັນການຈາລຶກບຸນຄຸນ, ຍ້ອງຍໍສັນລະເສີນຕໍ່ສິດເກົ່າຮ່ວມໃຈພັດທະນາຄັ້ງນີ້ ຫົວໜ້າໂຮງຮຽນ ມ.ສ ເມືອງເຟືອງ ຕົກລົງມອບໃບຍ້ອງຍໍຈຳນວນ 9 ໃບໃຫ້ແກ່ຄະນະສິດເກົ່າຢ່າງສົມກຽດ, ພ້ອມທັງພ້ອມກັນຮ່ວມກິດຈະກຳແຂ່ງຂັນກິລາເພຶ່ອຮັດແໜ້ນຄວາມສາມັກຄີນຳກັນອີກດ້ວຍ.

ພາບ-ຂ່າວ: ຄຳລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930