Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສໍາເລັດ ກອງປະຊຸມໃຫຍ່ຜູ້ແທນຄະນະພັກກອງບັນຊາການ ປກສ ແຂວງວຽງຈັນ ຄັ້ງທີ່ V.

1 min read

ສໍາເລັດ ກອງປະຊຸມໃຫຍ່ຜູ້ແທນຄະນະພັກກອງບັນຊາການ ປກສ ແຂວງວຽງຈັນ ຄັ້ງທີ່ V.


ວັນທີ 18 ມີຖຸນາ 2020 ຜ່ານມານີ້ ກອງບັນຊາການ ປກສ ແຂວງວຽງຈັນ ໄດ້ເປີດກອງປະຊຸມໃຫຍ່ຜູ້ແທນຄະນະພັກ ຄັ້ງທີ່ V ຂື້ນ ຢູ່ທີ່ສະໂມສອນກອງບັນຊາການທະຫານ ແຂວງວຽງຈັນ ໂດຍການເປັນປະທານຂອງສະຫາຍ ພົຈວ ປອ ທອງເຄນ ບຸນໝັ້ນ ຄະນະປະຈຳພັກແຂວງ, ເລຂາຄະນະພັກ ຫົວໜ້າກອງບັນຊາການ ປກສ ແຂວງວຽງຈັນ, ເປັນກຽດເຂົ້າຮ່ວມຂອງ ສະຫາຍ ຄໍາພັນ ສິດທິດໍາພາ ກໍາມະການສູນກາງພັກ ເລຂາພັກແຂວງ ເຈົ້າແຂວງ ປະທານປ້ອງກັນຊາດ-ປ້ອງກັນຄວາມສະຫງົບແຂວງວຽງຈັນ, ສະຫາຍ ພົຈວ ປອ ສຸວັນນີ ສີສຸພາບມີໄຊ ຮອງເລຂາຄະນະພັກ ກົມໃຫຍ່ການເມືອງ ກະຊວງປ້ອງກັນຄວາມສະຫງົບ ມີຕາງໜ້າຄະນະຮັບຜິດຊອບຈາກກະຊວງປ້ອງກັນຄວາມສະຫງົບ, ຄະນະຮັບຜິດຊອບຂັ້ນແຂວງ,ຄະນະພັກ-ຄະນະບັນຊາ, ແຂກຖືກເຊີນ ພ້ອມດ້ວຍຜູ້ແທນສົມບູນເຂົ້າຮ່ວມ.


ສະຫາຍ ພົຈວ ປອ ທອງເຄນ ບຸນໜັ້ນ ຄະນະປະຈໍາພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງວຽງຈັນ ໄດ້ຂື້ນຜ່ານຮ່າງບົດລາຍງານການເມືອງທັງ 2 ພາກ ໂດຍໄດ້ສັງເກດຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ່ IV ໃນໄລຍະ 5 ປີຜ່ານມາ ເຊິ່ງໄດ້ຍົກໃຫ້ເຫັນດ້ານດີ, ຜົນງານ-ດ້ານອອ່ນ ຂໍ້ຄົງຄ້າງ ແລະ ບົດຮຽນທີ່ທອດຖອນໄດ້ ຕະຫຼອດ ໄລຍະ 5 ຜ່ານປີຜ່ານມາ ຄະນະພັກ-ຄະນະບັນຊາ ພວກເຮົາໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດ ໃຫ້ແກ່ສະມາຊິກພັກພະນັກງານ-ນັກຮົບ ເປັນບັນຫາສໍາຄັນ ເອົາໃຈໃສ່ຄົ້ນຄວ້າເຊື່ອມຊື່ມກໍາແໜ້ນແນວທາງນະໂຍບາຍຂອງພັກ-ລະບຽບກົດໝາຍຂອງລັດ, ເອົາໃຈໃສ່ປັບປຸງກໍ່ສ້າງກໍາລັງໃຫ້ນັບມື້ໜັກແໜ້ນ, ເຂັ້ມແຂງ, ເຮັດວຽກງານວິຊາສະເພາະຕາມແຜນການ, ຕາມໂຄງການ, ຈັດຕັ້ງກໍາລັງກໍ່ສ້າງຮາກຖານການເມືອງ, ຕິດຕາມກໍາແໜ້ນສະພາບການເຄື່ອນໄຫວມ້າງເພທໍາລາຍຂອງສັດຕູ ແລະ ກຸ່ມຄົນບໍ່ດີ,ສະກັດກັ້ນ ແລະ ແກ້ໄຂປະກົດການຫຍໍ້ທໍ້ດ້ານຕ່າງໆ ເຮັດໃຫ້ພື້ນທີ່ແຂວງວຽງຈັນມີຄວາມສະຫງົບ ມີຄວາມປອດໄພໂດຍພື້ນຖານ.

ເອົາໃຈໃສ່ກໍ່ສ້າງກົມກອງເຂັ້ມແຂງ-ໝ່ວຍພັກຮູນໍາພາຮອບດ້ານຕິດພັນກັບການກໍ່ສ້າງໝ່ວຍພັກປອດໃສເຂັ້ມແຂງ, ໜັກແໜ້ນຢ່າງຕໍ່ເນື່ອງ ສາມາດກວດກາປະເມີນຜົນໜ່ວຍພັກໄດ້ 35 ໜ່ວຍ ຮອບທີ່ 01 ມີ 08 ໜ່ວຍ,ຮອບທີ່ 02 ມີ 11 ໜ່ວຍ ແລະ ຮອບທີ່ 3 ມີ 16 ໜ່ວຍ, ໄດ້ສຸມໃສ່ຂະຫຍາຍສະມາຊິກພັກຕາມຫຼັກການ ແລະ ທິດນຳຢ່າງເຂັ້ມງວດ, ຈັດຕັ້ງຮຽນສະໝັບສະໝູນໃຫ້ມະຫາຊົນກ້າວໜ້າໄດ້ 06 ຄັ້ງ ມີ 197 ສະຫາຍ, ເຂົ້າຮຽນລະບຽບພັກ 6 ຄັ້ງ ມີ 180 ສະຫາຍ, ຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ 165 ສະຫາຍ, ເລື່ອນສະມາຊິກພັກສຳຮອງຂື້ນສົມບູນ 189 ສະຫາຍ.


ໂອກາດນີ້ກອງປະຊຸມຍັງໄດ້ດຳເນີນການປ່ອນບັດເລືອກຕັ້ງເອົາຄະນະບໍລິຫານງານພັກກອງບັນຊາການ ປກສ ແຂວງວຽງຈັນ ຊຸດໃໝ່ ໂດຍມີຜູ້ເຂົ້າສະໜັກ 13 ສະຫາຍ ເລືອກເອົາ 11 ສະຫາຍ, ກອງປະຊຸມຄັ້ງປະຖົມມະລຶກໄດ້ເປັນເອກະສັນກັນເລືອກເອົາ ຄະນະປະຈຳພັກກອງບັນຊາການ 3 ສະຫາຍ , ເຊິ່ງເລືອກເອົາສະຫາຍ ພົຈວ ປອ ທອງເຄນ ບຸນໜັ້ນ ເປັນເລຂາຄະນະພັກກອງບັນຊາການ, ສະຫາຍ ຈະເລີນ ເລີດມຸງຄຸນ ເປັນຮອງເລຂາ, ເລືອກເອົາ ສະຫາຍ ພັທ ສົມຄິດ ດວງພະຈັນ ເປັນປະທານກວດກາພັກ, ສະຫາຍ ພັທ ຄໍາແຝງ ສີມູນ ແລະ ສະຫາຍ ພັທ ອໍານວຍ ໄຊຍະລາດ ເປັນຮອງປະທານກວດກາ ແລະ ອິກ 7 ສະຫາຍ ເປັນຄະນະ ເລືອກເອົາຜູ້ແທນສົມບຸນ ແລະ ສຳຮອງ 12 ສະຫາຍ, ໄປຮ່ວມກອງປະຊຸມໃຫຍ່ອົງຄະນະພັກແຂວງວຽງຈັນຄັ້ງທີ VI ຕື່ມອີກ.


ໂອກາດນີ້ ສະຫາຍ ຄໍາພັນ ສິດທິດໍາພາ ເລຂາພັກແຂວງ ເຈົ້າແຂວງໆວຽງຈັນ ໄດ້ໂອ້ລົມ ຕໍ່ກອງປະຊຸມໃນຊຸດນີ້ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານຫຼາຍດ້ານທີ່ບັນດາສະຫາຍຄະນະພັກ – ຄະນະບັນຊາ ປກສ ແຂວງ, ພະນັກງານສະມາຊິກພັກ ສາມາດຍາດມາໄດ້ໃນໄລຍະຜ່ານມາພ້ອມນັ້ນທ່ານຍັງໄດ້ຍົກໃຫ້ເຫັນສະພາບການຂອງໂລກ, ຂອງພາກພື້ນ, ຂອງປະເທດເຮົາ ແລະ ພາຍໃນແຂວງວຽງຈັນ.

ຕ້ອງເອົາໃຈໃສ່ຕໍ່ວຽກງານສຶກສາອົບຮົມການເມືອງ-ແນວຄິດ ໃຫ້ແກ່ພະນັກງານສະມາຊິກພັກ, ພະນັກງານສະມາຊິກພັກ ຢ່າງເປັນປົກະຕິ, ສ້າງຄວາມສາມັກຄີພາຍໃນຢ່າງແໜ້ນແຟ້ນ, ຕ້ອງມີຄວາມສະດຸ້ງໄວ, ເອົາໃຈໃສປັບປຸງແບບແຜນວິທີເຮັດວຽກ, ແບບແຜນວິທີນຳພາໃຫ້ສອດຄ່ອງກັບຕົວຈິງ, ເຮັດວຽກຕາມລະບອບລວມສູນປະຊາທິປະໄຕ ໂດຍຖືເອົາການຄົ້ນຄວ້າປຶກສາຫາລືຕົກລົງບັນຫາເປັນໝູ່ຄະນະ, ມອບວຽກໃຫ້ບຸກຄົນຮັບຜິດຊອບ, ມີການສຳຫຼວດກວດກາຢ່າງເປັນປົກະຕິ,

ແຕ່ລະຂັ້ນກໍ່ຕ້ອງເປັນແບບຢ່າງທີ່ດີໃຫ້ພະນັກງານສະມາຊິກພັກ, ມີຄຸນທາດການເມືອງໜັກແໜ້ນ, ມີທັດສະນະຄຸນສົມບັດດີ, ທັງເປັນທີ່ຍອມຮັບຂອງປະຊາຊົນ, ເພື່ອຜົນປະໂຫຍດຂອງປະຊາຊົນ ແລະ ຮັບໃຊ້ປະຊາຊົນຢ່າງແທ້ຈິງ ພ້ອມກັນສືບຕໍ່ຊີ້ນຳ-ນຳພາ ພະນັກງານ-ນັກຮົບ ຂອງຕົນເອົາໃຈໃສ່ຕໍ່ວຽກງານປ້ອງກັນສະກັດກັ້ນ ແລະ ແກ້ໄຂປະກົດການຫຍໍ້ທໍ້ທີ່ເກີດຂື້ນໃນສັງຄົມ ໃຫ້ໄດ້ຮັບຜົນສຳເລັດ ແລະ ມີຜົນງານຍິ່ງໃຫຍ່ຂຶ້ນກວ່າເກົ່າ .

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930