Thu. Jul 9th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແມດ ແຂວງວຽງຈັນ ໄດ້ໄຂກອງປະຊຸມໃຫຍ່ ອົງຄະນະພັກເມືອງ ຄັ້ງທີ IV ຂອງຕົນ.

1 min read

ກອງປະຊຸມໄດ້ໄຂໃນຂຶ້ນຕອນເຊົ້າ ວັນທີ 28 ພະຈິກ 2019 ນີ້ ໂດຍໄດ້ຮັບກຽດຢ່າງສູງ ແລະ ເຂົ້າຮ່ວມຂອງສະຫາຍ ຄຳພັນ ສິດທິດຳພາ ກຳມະການສູນກາງພັກ ເລຂາຄະນະບໍລິຫານງານພັກແຂວງ – ເຈົ້າແຂວງວຽງຈັນ ພ້ອມດ້ວຍ ຄະນະຮັບຜິດຊອບກອງປະຊຸມໃຫຍ່3ຂັ້ນຂອງແຂວງ, ເລຂາພັກເມືອງ-ເຈົ້າເມືອງທົ່ວແຂວງ, ພ້ອມດ້ວຍຜູ້ແທນສົມບູນ 101 ສະຫາຍ ຍິງ 5 ສະຫາຍ ເຊິ່ງຕາງໜ້າໃຫ້ສະມາຊິກພັກທົ່ວເມືອງແມດ 1.229 ສະຫາຍ.


ສະຫາຍ ລຳໄມ ກູດລາວົງ ກຳມະການພັກແຂວງ ເລຂາພັກເມືອງ – ເຈົ້າເມືອງໆ ໝື່ນ ໄດ້ກ່າວໄຂກອງປະຊຸມຢ່າງເປັນທາງວ່າ:

ກອງປະຊຸມໃຫຍ່ຜູ້ແທນອົງຄະນະພັກເມືອງແມດຄັ້ງທີ IV ໄດ້ໄຂຂຶ້ນໃນທ່າມກາງບັນຍາກາດທີ່ທັ່ວພັກ,ທົ່ວກອງທັບ,ທົ່ວປວງລາວທັງຊາດ ກໍ່ຄືທົ່ວແຂວງວຽງຈັນເວົ້າລວມ,ເວົ້າສະເພາະຢູ່ເມືອງແມດພວມສຸມໃສ່ຢ່າງເຄັ່ງຮ້ອນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ່ X ຂອງພັກ, ມະຕິກອງປະຊຸມໃຫຍ່ຜູ້ແທນອົງຄະນະພັກແຂວງຄັ້ງທີ V,

ຄຽງຄູ່ກັບການສ້າງຜົນງານເພື່ອຂຳ່ນັບຮັບຕ້ອນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ແລະ ກອງປະຊຸມໃຫຍ່ຜູ້ແທນອົງຄະນະພັກແຂວງຄັ້ງທີ VI ທີ່ຈະໄຂຂຶ້ນໃນຕໍ່ໜ້ານີ້ຢ່າງເປັນຂະບວນຟົດຟື້ນ ແລະ ສາມາດຍາດໄດ້ຜົນສຳເລັດຫຼາຍດ້ານ ອັນພົ້ນເດັ່ນແມ່ນໄດ້ຫັນເອົາພະນັກງານການນຳ, ພະນັກງານຫຼັກແຫຼ່ງ ລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ, ໄດ້ສຳເລັດກອງປະຊຸມໃຫຍ່ຂອງຄະນະພັກຮາກຖານ, ໜ່ວຍພັກໃນທົ່ວເມືອງ ແລະ ນຳພາປະຊາຊົນສ້າງແຜນພັດທະນາບ້ານ, ພັດທະນາຄອບຄົວ, ແກ້ໄຂປະກົດການຍໍ້ທໍ້ທີ່ເກີດຂຶ້ນໃນສັງຄົມ ອັນໄດ້ເຮັດໃຫ້ເມືອງແມດມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ, ປອດໄພ ແລະ ເປັນລະບຽບຮຽບຮ້ອຍດີຂຶ້ນກວ່າເກົ່າ, ພື້ນຖານໂຄງລ່າງໄດ້ຮັບການພັດທະນາຫຼາຍດ້ານ, ປົກປັກຮັກສາຮີດຄອງປະເພນີອັນດີງາມຂອງປະຊາຊົນບັນດາເຜົ່າ.


ໜ້າທີ່ອັນສຳຄັນຂອງກອງປະຊຸມຄັ້ງນີ້ ບັນດາຜູ້ແທນກອງປະຊຸມ ຈະໄດ້ພ້ອມກັນສຸມໃສ່ພິຈາລະນາຮັບຮອງເອົາບົດລາຍງານການເມືອງ, ແຜນພັດທະນາເສດຖະກິດ-ສັງຄົມ 5 ປີ (2019-2024), ຮັບຟັງການປະກອບຄຳຄິດຄຳເຫັນ ຈາກບັນດາພາກສ່ວນຕ່າງໆພາຍໃນເມືອງ, ບັນດາເມືອງອ້ອມຂ້າງ, ຄອບຄົວຕົວແບບ ແລະ ຜູ້ແທນກອງປະຊຸມ, ຈະໄດ້ຮັບຟັງບົດສຳຫຼວດການນຳພາລວມຂອງອົງຄະນະພັກເມືອງແມດຊຸດທີ III, ແລະ ໜ້າທີ່ສຳຄັນອັນໜຶ່ງອີກ ກອງປະຊຸມຈະໄດ້ພ້ອມກັນດຳເນີນການປ່ອນບັດເລືອກຕັ້ງເອົາຄະນະບໍລິຫານງານພັກຊຸດໃໝ່ ເພື່ອສືບຕໍ່ນຳພາຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງນີ້ໃຫ້ປະກົດຜົນເປັນຈິງ, ເລືອກເອົາຜູ້ແທນເພຶ່ອເປັນຕົວແທນຂອງອົງຄະນະພັກເມືອງ ໄປຮ່ວມກອງປະຊຸມໃຫຍ່ຜູ້ແທນອົງຄະນະພັກແຂວງຄັ້ງທີ VI,

ພິເສດກອງປະຊຸມໃຫຍ່ຄັ້ງນີ້ຍັງຈະໄດ້ຮັບກຽດຟັງການໂອ້ລົມຈາກ ສະຫາຍ ຄຳພັນ ສິດທິດຳພາ ກຳມະການສູນກາງພັກ ເລຂາຄະນະບໍລິຫານງານພັກແຂວງ – ເຈົ້າແຂວງວຽງຈັນ ເຊິ່ງຈະເປັນທິດຊີ້ນໍາ ທາງດ້ານແນວຄິດ-ທິດສະດີ, ພຶດຕິກຳຕົວຈິງ ໃຫ້ແກ່ຄະນະບໍລິຫານງານພັກເມືອງຊຸດໃໝ່ ແລະ ຜູ້ແທນກອງປະຊຸມ ໃນການປະຕິບັດໜ້າທີ່ວຽກງານ ກໍ່ຄືການຈັດຕັ້ງຜົນຂະຫຍາຍມະຕິກອງປະຊຸມໃຫຍ່ຄັ້ງນີ້ ໃຫ້ປະກົດຜົນເປັນຈິງ. ກອງປະຊຸມໃຫຍ່ຄັ້ງນີ້ຈະໄດ້ດຳເນີນໄປເປັນເວລາ 2 ວັນເຕັມ ຈຶ່ງຈະອັດລົງ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

July 2020
M T W T F S S
 12345
6789101112
13141516171819
20212223242526
2728293031