Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໂພນໂຮງ ແຂວງວຽງຈັນ ຈັດພິທີ ມອບ-ຮັບ ແລະ ເປີດນຳໃຊ້ ໂຮງຮຽນປະຖົມສົມບູນຫົວເມືອງ ຫຼັງໃໝ່. 

1 min read

ເມືອງໂພນໂຮງ ແຂວງວຽງຈັນ ຈັດພິທີ ມອບ-ຮັບ ແລະ ເປີດນຳໃຊ້ ໂຮງຮຽນປະຖົມສົມບູນຫົວເມືອງ ຫຼັງໃໝ່. 


ພິທີມອບ-ຮັບ ແລະ ເປີດນຳໃຊ້ໂຮງຮຽນປະຖົມສົນບູນໂພນໂຮງຫົວເມືອງຫັຼງໃໝ່ ຈັດຂື້ນຢ່າງການໃນວັນທີ 21ມິຖຸນາ2020 ນີ້ ຢູ່ໂຮງຮຽນດັ່ງກ່າວ ໂດຍການເປັນກຽດເຂົ້າຮ່ວມຂອງທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີ ກະຊວງ ສຶກສາທິການ-ກິລາ 

,ມີ ຕ່າງໜ້າພະແນກສຶກສາທິການ-ກິລາແຂວງວຽງຈັນ,ອົງການປົກຄອງເມືອງໂພນໂຮງ,ຕ່າງໜ້າມູນນິທິສົ່ງເສີມການສຶກສາ,ຕ່າງໜ້າສິດເກົ່າ,ສະມາຄົມພໍ່ແມ່ນັກຮຽນ,ຄູອາຈານ ແລະນ້ອງນ້ອຍນັກຮຽນເຂົ້າຮ່ວມ. 


ໃນພິທີ ທ່ານ ລິນທອງ ພານຸວົງ ໄດ້ຕ່າງໜ້າໃຫ້ບັນດາສິດເກົ່າທີ່ໃຫ້ການສະໜອງທຶນກໍ່ສ້າງຂື້ນລາຍງານການລົງມືກໍ່ສ້າງ ພ້ອມທັງກ່າວມອບໃຫ້ຮູ້ວ່າ: ເພື່ອເປັນການສະແດງອອກເຖິງຄວາມຮູ້ບຸນຄຸນຕໍ່ສະຖາບັນອັນເກົ່າກໍ່ຄືໂຮງຮຽນແຫ່ງນີ້ບັນດາສິດ ຕະຫຼອດຮອດຄອບຄົວກໍ່ເຫັນໄດ້ຄວາມໝາຍຄວາມສຳຄັນ ຂອງການສຶກສາໂດຍສະເພາະການສົ່ງເສີມໃຫ້ຫລານນ້ອຍມີຄວາມສະດວກໃນການຮຽນ – ການສອນ ພ້ອມທັງເປັນການປະກອບສ່ວນພັດທະນາພື້ນຖານໂຄງລ່າງ ວຽກງານການສຶກສາຢູ່ເມືອງໂພນໂຮງໃຫ້ດີຂື້ນ.ໂຮງຮຽນຫັຼງໃໝ່ເປັນອາຄານຊັ້ນດຽວ ມີຂະໜາດ 8,50 x 32 ແມັດ ປະກອບມີ 4 ຫ້ອງ ຮຽນ ພາຍໃນມີ ໂຕະ ຕັ່ງ ລະບົບ ໄຟຟ້າ ແລະ ສິງອຳນວຍຄວາມສະດວກ, ສ້ອມແປງອາຄານຫັຼງເກົ່າ ຂະໜາດ 9,50 x 21 ແມັດ ມຸງດ້ວຍອາລຸຍຊິງ ແລະ ກໍ່ສ້າງຫ້ອງນ້ຳ 6 ຫ້ອງ ພ້ອມດ້ວຍ ອ່າງລ້າງມື ລວມມູນຄ່າການກໍ່ສ້າງທັງໝົດ 523.544.723 ກີບ 

 

ຊຶ່ງໄດ້ລົງມືກໍ່ສ້າງແຕ່ວັນທີ 9 ມັງກອນ 2020ຫາ25 ມີນາ 2020 ສຳເລັດ ແລະ ກ່າວຮັບໂດຍທ່ານ ສົມປະສົງ ສຸວົງຄຳຈັນ ເຈົ້າເມືອງໆໂພນໂຮງ ໃນພິທີກໍ່ໄດ້ມອບໃບກຽດຕິຄຸນຂັ້ນລັດຖະບານໃຫ້ແກ່ຜູ້ທີ່ມີຜົນງານດີເດັ່ນໃນການປະກອບສ່ວນ 

ມອບໂດຍແມ່ນ ທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ-ກິລາ ແລະ ໂດຍມີຕ່າງໜ້າສິດເກົ່າຂື້ນຮັບຢ່າງສົມກຽດ. ໃນພິທີຍັງໄດ້ ມອບ ອຸປະກອນການຮຽນ, ເຄື່ອງຫຼີນກິລາ ແລະ ປູກ ຕົ້ນໄມ້ ສ້າງຄວາມອຸດົມສົມບູນໃຫ້ໂຮງຮຽນຫັຼງໃໝ່ອີກດ້ວຍ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930