Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຜົນສຳເລັດກອງປະຊຸມໃຫຍ່ຄັ້ງທີ VI ຜູ້ແທນແນວລາວສ້າງຊາດເມືອງເຟືອງ

1 min read

ຜົນສຳເລັດກອງປະຊຸມໃຫຍ່ຄັ້ງທີ VI ຜູ້ແທນແນວລາວສ້າງຊາດເມືອງເຟືອງ.


ກອງປະຊຸມໃຫຍ່ຄັ້ງທີ VI ຜູ້ແທນແນວລາວສ້າງຊາດເມືອງເຟືອງ ໄດ້ໄຂຂື້ນໃນຕອນເຊົ້າ ວັນທີ 19 ມີຖຸນາ 2020 ຢູ່ທີ່ສະໂມສອນໃຫຍ່ຂອງເມືອງເຟືອງ ດ້ວຍບັນຍາກາດແຫ່ງຄວາມສາມັກຄີ ເປັນເອກະພາບ ປະຊາທິປະໄຕ ໄດ້ຮັບຜົນຕາມຈຸດປະສົງ ແລະລະດັບຄາດໝາຍ. ໂດຍໄດ້ຮັບກຽດຢ່າງສູງ ໃນການເຂົ້າຮ່ວມຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ຄະນະກຳມະການສູນກາງແນວລາວສ້າງຊາດ ປະທານແນວລາວສ້າງຊາດແຂວງ ວຽງຈັນ ຜູ້ຊີ້ນຳວຽກງານອົງການຈັດຕັ້ງມະຫາຊົນ, ທ່ານ ຄຳເພັດ ຈັນສົມພູ ເລຂາພັກເມືອງ ເຈົ້າເມືອງໆເຟືອງ, ມີຄະນະປະຈຳພັກເມືອງ, ປະທານແນວລາວສ້າງຊາດເມືອງອ້ອມຂ້າງ, ບັນດາຜູ້ແທນ, ແຂກທີ່ຖືກເຊີນ ໄດ້ພ້ອມກັນເຂົ້າຮ່ວມທັງໝົດ 89 ທ່ານ, ພຣະສົງ 1 ອົງ, ຍິງ 8 ທ່ານ. ທີ່ເປັນຕົວແທນໃຫ້ແກ່ອົງການຈັດຕັ້ງພາຄີ, ປະຊາຊົນບັນດາເຜົ່າ, ຊັ້ນຄົນ, ສາສະໜາ ແລະເພດໄວ.


ທ່ານ ນາງ ຄຳເມີງ ແພງວິຈິດ ຮອງເລຂາພັກເມືອງ ອາດີດ ປະທານແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນ ຂັ້ນເມືອງ ໄດ້ຂື້ນກ່າວເປີດກອງປະຊຸມ ຢ່າງເປັນທາງການ ພ້ອມທັງໄດ້ຜ່ານຮ່າງບົດລາຍງານການເມືອງຂອງຄະນະກຳມະການແນວລາວສ້າງຊາດສະໄໝທີ V ລວມທັງ 2 ພາກ ທີ່ໄດ້ພ້ອມກັນຈັດຕັ້ງປະຕິບັດວຽກງານຢູ່ໃນຄວາມຮັບຜິດຊອບຂອງຕົນໃນໄລຍະ 5 ປີຜ່ານມານັ້ນ, ຜ່ານບົດສຳຫຼວດການນຳພາລວມ ພ້ອມກັນນີ້້ ບັນດາຜູ້ແທນກອງະຊຸມກໍ່ໄດ້ຜັດປ່ຽນກັນປະກອບຄຳຄິດ ຄຳເຫັນໃສ່ ເພື່ອເຮັດໃຫ້ບົດທີ່ປະທານໄດ້ຜ່ານນັ້ນຄົບຖ້ວນ ສົມບູນ ແລະກອງປະຊຸມກໍ່ໄດ້ເປັນເອກະພາບຮັບຮອງເອົາບົດດັ່ງກ່າວ.


ກອງປະຊຸມໃຫຍ່ຜູ້ແທນແນວລາວສ້າງຊາດ ເມືອງເຟືອງຄັ້ງທີ VI ໄດ້ເປັນເອກະສັນຢ່າງສົມບູນ ຮັບຮອງເອົາ ທ່ານ ບຸນມາ ທຳມະວົງ ຄະນະປະຈຳພັກເມືອງ ເປັນປະທານແນວລາວສ້າງຊາດ ເມືອງເຟືອງ, ແຕ່ງຕັ້ງ ທ່ານ ສອນນີ ສີວິໄຊ ແລະທ່ານ ສາຍສະຫວັນ ເທບພິດາ ເປັນຮອງປະທານ, ຍັງໄດ້ເລືອກເອົາອີກ 29 ທ່ານ, ພຣະສົງ 1 ອົງ, ຍິງ 2 ທ່ານ ເປັນຄະນະກຳມະການແນວລາວສ້າງຊາດເມືອງ ແລະມີຄະນະທີ່ປຶກສາອີກ 5 ທ່ານ, ຍິງ 1 ທ່ານ.


ໃນຕອນທ້າຍກອງປະຊຸມ ທ່ານ ທອງສະຫວັນ ວົງສຳພັນ ປະທານກອງປະຊຸມ ໄດ້ໃຫ້ກຽດຂື້ນໂອ້ລົມທ່ານໄດ້ເໜັ້ນໜັກໃຫ້ຄະນະະທານແນວລາວສ້າງຊາດເມືອງຊຸດໃໝ່ນີ້ ຈົ່ງພ້ອມກັນເອົາໃຈໃສ່ຈັດຕັ້ງປະຕິບັດຫນ໊າທີ, ພາລະບົດບາດຂອງແນວລາວສ້າງຊາດໃນໄລຍະໃໝ່, ໂດຍສະເພາະແມ່ນການສຶກສາອົບຮົມການເມືອງ-ແນວຄິດ, ເຕົ້າໂຮມຄວາມສາມັກຄີເປັນປຶກແຜ່ນຂອງປະຊາຊົນບັນດາເຜົ່າ ທຸກຊັ້ນຄົນ, ສາສະໜາ ແລະເພດໄວ, ຈັດຕັ້ງປະຕິບັດແນວທາງນະໂຍບາຍຂອງພັກ-ລະບຽບກົດໝາຍຂອງລັດ ທີ່ວາງອອກແຕ່ລະໄລຍະໃຫ້ປະກົດຜົນເປັນຈິງ. ສຶບຕໍ່ເຊີດຊູຄວາມເປັນແບບຢ່າງນຳໜ້າໃນທຸກດ້ານ ພ້ອມກັນຈັດຕັ້ງປະຕິບັດວຽກງານຕາມມະຕິສະບັບນີ້, ສຶບຕໍ່ຊີ້ນຳໆພາພະນັກງານ-ລັດຖະກອນ, ທະຫານ-ຕຳຫຼວດ, ປະຊາຊົນບັນດາເຜົ່າບຸກບືນໃນການປະຕິບັດໜ້າທີ່ຄຳສັ່ງຕ່າງໆ, ຕ້ານທຸກປະກົດການຫຍໍ້ທໍ້ທີ່ເກີດຂື້ນໃນສັງຄົມ.

ພ້ອມກັນສ້າງສາ ພັດທະນາບ້ານ, ເມືອງໃຫ້ກາຍເປັນ ບ້ານ, ເມືອງສາມັກຄີ ປອງດອງ, ປະຊາຊົນຮັ່ງມີຜາສຸກ, ສັງຄົມມີຄວາມເປັນລະບຽບ ຮຽບຮ້ອຍ ປະຊາທິປະໄຕ ຍຸຕິທຳ ແລະສີວິໄລ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031