Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມສະຫຼຸບຖອດຖອນບົດຮຽນວຽກງານໂພຊະນາການ2019 ແລະ ທິດທາງແຜນການ 2021-2025 

1 min read

ກອງປະຊຸມສະຫຼຸບຖອດຖອນບົດຮຽນວຽກງານໂພຊະນາການ2019 ແລະ ທິດທາງແຜນການ 2021-2025

ໃນວັນທີ 22 ມີຖຸນາ 2020 ຜ່ານມາຢູ່ທີສະໂມສອນໃຫຍ່ຂອງເມືອງວັງວຽງແຂວງວຽງຈັນໄດ້ເປີດກອງປະຊຸມສະຫຼຸບຖອດຖອນບົດຮຽນວຽກງານໂພສະນາການ2019 ແລະ ທິດທາງແຜນການ 2021-2025 ຂຶ້ນຢ່າງເປັນທາງການ.

ໂດຍການເຂົ້າຮ່ວມຂອງທ່ານ ຮສ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ,ມີ ດຣ ພອນສະຫວັນ ແກ້ວນະຄອນຮັກສາການຫົວໜ້າສູນໂພຊະນາການ,ມີທ່ານ ດຣ ນາງ ລັດທິພອນ ອຸລາ ຮອງຫົວໜ້າສູນໂພຊະນາການ,ພ້ອມດ້ວຍພະນັກງານສູນໂພຊະນາການ 18 ແຂວງທົ່ວປະເທດເຂົ້າຮ່ວມ.


ຈຸດປະສົງການເປີດກອງປະຊຸມຄັ້ງນີ້ກໍ່ເພື່ອສະຫລຸບຖອດຖອນບົດຮຽນການຈັດຕັ້ງປະຕິບັດວຽກງານໂພຊະນາການໃນປີຜ່ານມາລວມທັງປຶກສາຫາຫລືກ່ຽວກັບການສ້າງແຜນ 05 ປີ (2021-2025), ເຜີຍແຜ່ດໍາລັດ ວ່າດ້ວຍຜະລິດຕະພັນອາຫານ ແລະ ອຸປະກອນກ່ຽວກັບອາຫານສຳລັບເດັກອອ່ນ ແລະ ເດັກນ້ອຍ.

ຊຶ່ງເຮົາມັກເວົ້າສັ້ນໆວ່າດໍາລັດກ່ຽວກັບນົມແມ່ ແລະ ເຜີຍແຜ່ຜົນການເຝົ້າລະວັງດ້ານໂພຊະນາການ,ເຜີຍແຜ່ຜົນການປະເມີນກາງສະໄໝຂອງຍຸດທະສາດແຫ່ງຊາດດ້ານໂພຊະນາການ, ເຜີຍແຜ່ຄໍາແນະນໍາສໍາລັບການຢ້ຽມຢາມເບິ່ງແຍງເດັກດີໃນສະຖານທີ່ບໍລິການສຸຂະພາບ (SOP on Well Child Care), ເຜີຍແຜ່ຄໍາແນະນໍາກ່ຽວກັບແຜນດໍາເນີນງານການລ້ຽງດູເດັກອ່ອນ ແລະ ເດັກນ້ອຍໃນໄລຍະການລະບາດພະຍາດໂກວິດ19 ລວມທັງແຈ້ງການໃນການປະຕິບັດດັ່ງກ່າວ.

ຄົ້ນຄວ້າປຶກສາຫາຫລືໃນຫລາຍໆຫົວຂໍ້ເພື່ອປັບປຸງວຽກງານໂພຊະນາການໃຫ້ດີຂື້ນ.  ວຽກງານໂພຊະນາການແມ່ນນອນໃນເປົ້າໝາຍການພັດທະນາແບບຍືນຍົງເປົ້າໝາຍ ທີ 2 ( SDG 2) ໃນການຈັດຕັ້ງປະຕິບັດຜ່ານມາ ມີທັງຜົນສໍາເລັດທີ່ພົ້ນເດັ່ນ ແລະ ຍັງມີສີ່ງທ້າທາຍສູງຊຶ່ງເປັນອຸປະສັກທີ່ຈະບັນລຸເປົ້າໝາຍທີ່ວາງໄວ້.

ໂດຍສະເພາະການຫລຸດຜ່ອນການຂາດອາຫານຊຳເຮື້ອ, ການຂາດສານອາຫານກະທັນຫັນ, ເດັກນໍ້າໜັກຫລຸດມາດຖານ ແລະ ການຂາດຈຸລະສານອາຫານ ເຊັ່ນ ການຂາດວິຕະມິນອາ, ຂາດທາດເຫລັກ ຊື່ງພາໃຫ້ເປັນເລືອດຈາງ.

ຊຶ່ງທາງສູນໂພຊະນາການມີແຈ້ງການແລະຈະໄດ້ເຜີຍແຜ່ໃຫ້ຊາບຕື່ມກ່ຽວກັບການລ້ຽງດູເດັກອ່ອນ ແລະ ເດັກນ້ອຍໃນສະພາບການລະບາດຂອງພະຍາດໂຄວິດເຮົາຈະເຮັດຄືແນວໃດ.

ນອກຈາກນັ້ນ ເພື່ອເຮັດໃຫ້ເດັກມີສຸຂະພາບແລະໂພຊະນາການດີ ມີພັດທະນາການດີ ທາງສູນໂພຊະນາການ, ສູນຮັກສາສຸຂະພາບແມ່ແລະເດັກ ແລະ ໂຮງໝໍເດັກ ໄດ້ພັດທະນາຄໍາແນະນໍາສໍາລັບການຢ້ຽມຢາມເບິ່ງແຍງເດັກດີໃນສະຖານທີ່ບໍລິການສຸຂະພາບ ຊຶ່ງເປັນມາດຕະຖານຂອງການໃຫ້ບໍລິການ.


ການສ້າງແຜນ 05 ປີ (2021-2025) ແມ່ນສໍາຄັນຫລາຍ ອີງຕາມຜົນການປະເມີນຜົນກາງສະໄໝ, ຜົນການເຝົ້າລະວັງ, ຕົວຊີ້ວັດ ແລະ ການຖອດຖອນບົດຮຽນ ເພື່ອໃຫ້ວຽກງານໂພຊະນາການນັບມື້ກ້າວໜ້າ ແລະ ສາມາດບັນລຸຄາດໝາຍຫລາຍຂື້ນ ກ້າວເຂົ້າຫາຄາດໝາຍເປົ້າໝາຍການພັດທະນາແບບຍືນຍົງ.ກອງປະຊຸມຈະໄດ້ດຳເນີນເປັນເວລາ 3 ວັນ ເລີ່ມແຕ່ທີ 22-24 ມີຖຸນາ 2020

ຂ່າວ:ໝອນແກ້ວ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031