Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສໍາເລັດກອງປະຊຸມໃຫຍ່ ຄັ້ງທີ III ຂອງຄະນະພັກຮາກຖານພະແນກສຶກສາທິການ ແລະ ກິລາ ແຂວງວຽງຈັນ

1 min read

ສໍາເລັດກອງປະຊຸມໃຫຍ່ ຄັ້ງທີ III ຂອງຄະນະພັກຮາກຖານພະແນກສຶກສາທິການ ແລະ ກິລາ ແຂວງວຽງຈັນ

ໃນວັນທີ 23 ມິຖຸນາ 2020 ພະແນກສຶກສາທິການ ແລະ ກິລາແຂວງວຽງຈັນ ໄດ້ເປີດກອງປະຊຸມໃຫຍ່ ຄັ້ງທີ III ຂອງຄະນະພັກຮາກຖານພະແນກສຶກສາທິການ ແລະ ກິລາແຂວງຂື້ນ ທີ່ຫ້ອງປະຊຸມພະແນກດັ່ງກ່າວ ໂດຍການເປັນປະທານຂອງ ສະຫາຍ ນາງ ຈັນແພງວິພາວັນ ຄະນະປະຈໍາພັກແຂວງ ຫົວໜ້າພະແນກສຶກສາທິການ ແລະ ກິລາ ແຂວງ,

ເປັນກຽດເຂົ້າຮ່ວມຂອງສະຫາຍ ຄໍາພັນ ສິດທິດໍາພາ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ ເຈົ້າແຂວງ ໆ ວຽງຈັນ, ມີຄະນະຈັດຕັ້ງແຂວງ, ຄະນະກວດກາພັກ-ລັດ ແຂວງ, ຄະນະໂຄສະນາອົບຮົມແຂວງ, ຄະນະພັກຮາກຖານວິທະຍາໄລຄູບ້ານເກິນ, ໂຮງຮຽນ ມ.ສ ໂພນໝີ ພ້ອມດ້ວຍຄະນະໜ່ວຍພັກ ແລະ ສະມາຊິກພັກ ເຂົ້າຮ່ວມ 100 ກວ່າສະຫາຍ.

ກອງປະຊຸມໃຫ່ຍຄັ້ງນີ້ ໄດ້ດໍາເນີນໄປດ້ວຍບັນຍາກາດຟົດຟຶ້ນ ແລະ ປະສົບຜົນສຳເລັດ ຕາມຈຸດປະສົງລະດັບຄາດໝາຍທີ່ກອງປະຊຸມໄດ້ກຳນົດໄວ້.
ໃນກອງປະຊຸມສະມາຊິກພັກໄດ້ພ້ອມກັນຄົ້ນຄວ້າ ແລະ ປະກອບຄໍາຄິດເຫັນ ໃສ່ຮ່າງບົດລາຍງານການເມືອງ, ບົດສໍາຫຼວດການນໍາພາ, ຕິລາຄາດ້ານດີ, ດ້ານອ່ອນຂໍ້ຄົງຄ້າງ, ສາເຫດ, ບົດຮຽນໃນການຊີ້ນຳ-ນຳພາ ແລະ ການຈັດຕັ້ງປະຕິບັດແຜນການຂອງຄະນະພັກຮາກຖານພະແນກສຶກສາທິການ ແລະ ກິລາແຂວງວຽງຈັນ ໃນໄລຍະ 05 ປີ ຜ່ານມາ. ພ້ອມດຽວກັນນັ້ນຍັງໄດ້ເປັນເອກະພາບຮັບຮອງເອົາບັນດາທິດທາງ, ແຜນການ ຄາດໝາຍສູ້ຊົນ ແລະ ໄດ້ເອກະພາບກໍານົດເປັນມະຕິກອງປະຊຸມໃຫຍ່ຄັ້ງທີ III ຂອງຄະນະພັກຮາກຖານດັ່ງນີ້:


1. ເພີ່ມທະວີເອົາວຽກງານການສຶກສາອົບຮົມການເມືອງ-ແນວຄິດໃຫ້ຄະນະພັກ,ສະມາຊິກພັກເປັນບັນຫາກົກ ເພື່ອເສີມຂະຫຍາຍຄວາມເປັນເຈົ້າການ,ເຮັດໃຫ້ທຸກພາກສ່ວນໄດ້ເຂົ້າຮ່ວມໃນການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ຕາມແນວທາງ ແລະ ຈຸດໝາຍຂອງພັກວາງໄວ້.
2. ເພີ່ມທະວີໃນການຈັດຕັ້ງປະຕິບັດບັນດາຄາດໝາຍທີ່ກອງປະຊຸມໃຫ່ຍອົງຄະນະພັກແຂວງວຽງຈັນຄັ້ງທີ VI ວາງອອກ ແລະ ບັນດາມະຕິຄຳສັ່ງ, ຄຳແນະນຳຕ່າງ ໆ ທີ່ກະຊວງສຶກສາທິການ ແລະ ກິລາວາງອອກ ຄະນະພັກທຸກຂັ້ນ,ສະມາຊິກພັກທຸກສະຫາຍຈະໄດ້ສຸມໃສ່ປັບປຸງວຽກງານຂອງຂະແໝງສຶກສາ-ກິລາໃຫ້ເປັນລະບົບ ແລະ ເຮັດໃຫ້ຄຸນະພາບມີການຫັນປ່ຽນຢ່າງຕັ້ງໜ້າ.

3. ສະມາຊິກພັກ-ພະນັກງານລັດຖະກອນແຕ່ລະສະຫາຍຕ້ອງໄດ້ພ້ອມກັນແກ້ໄຂຊີວິດການເປັນຢູ່ໃຫ້ດີຂື້ນ,ຍົກລະດັບ ແລະ ພັດທະນາຕົນເອງທາງດ້ານຄວາມຮູ້ຄວາມສາມາດເຊ່ນ:ພາສາຕ່າງປະເທດ, ຄອມພິວເຕີ,ວິຊາສະເພາະອື່ນ ໆ ເພື່ອຕອບສະໜອງຄວາມຮຽກຮ້ອງຕ້ອງການຂອງວຽກງານ ແລະ ໜ້າທີ່ການເມືອງຂອງພັກຢູ່ໃນໄລຍະໃໝ່.

4. ສູ້ຊົນສ້າງໜ່ວຍພັກທີ່ຂື້ນກັບຄະນະພັກຮາກຖານໃຫ້ກາຍເປັນໜ່ວຍພັກປອດໃສ,ເຂັ້ມແຂງແລະໜັກແໜ້ນໃຫ້ໄດ້ຢ່າງໜ້ອຍ 05 ໜ່ວຍ.
5. ສູ້ຊົນປະຕິບັດການສຶກສາພາກບັງຄັບໃຫ້ສໍາເລັດໂດຍພື້ນຖານ, ອັດຕາເຂົ້າຮຽນຂອງເດັກ 3-5 ປີ ໃຫ້ໄດ້ 65%, ອັດຕາເຂົ້າຮຽນໃໝ່ສຸດທິໃຫ້ໄດ້ 100 % ທັງເພດຍິງ ແລະ ເພດຊາຍ, ອັດຕາເຂົ້າຮຽນລວມຊັ້ນມັດທະຍົມຕອນຕົ້ນໃຫ້ໄດ້ 99%,ມັດທະຍົມຕອນປາຍໃຫ້ໄດ້ 75%.ເຂົ້າຮ່ວມງານມະຫາກໍາກີລາຄັ້ງທີ່ XI ໃຫ້ໄດ້ 17 ປະເພດກິລາ ແລະ ກິລານັກຮຽນມັດທະຍົມຄັ້ງທີ່ VII ແຂວງສາລະວັນເປັນເຈົ້າພາບໃຫ້ໄດ້ 13 ປະເພດກິລາ,ພ້ອມດຽວກັນນັ້ນກໍນໍາພາກິລາມວນຊວນໃຫ້ເປັນຂະບວນຟົດຟື້ນໃຫ້ໄດ້ 50 ເປີເຊັນຂອງພົນລະເມືອງແຂວງວຽງຈັນ.

6. ເພີ່ມທະວີການຊີ້ນຳ-ນຳພາອົງການຈັດຕັ້ງມະຫາຊົນ ໃຫ້ມີການເຄື່ອນໄຫວຕາມພະລະບົດບາດ ແລະ ກົດລະບຽບຂອງແຕ່ລະອົງການຢ່າງເຂັ້ມງວດ ພ້ອມທັງຫັນເອົາແຜນການຂອງຄະນະພັກຮາກຖານມາເປັນແຜນການເຄື່ອນໄຫວຂອງໜ່ວຍໃນແຕ່ລະເດືອນ,ພ້ອມກັນນັ້ນກໍຕ້ອງຊີ້ນໍາ-ນໍາພາຂະແໜງວິຊາສະເພາະທີ່ຕົນຮັບຜິດຊອບເພື່ອສ້າງເປັນແຜນງານ,ໂຄງການເພື່ອຈັດຕັ້ງປະຕິບັດຕົວຈິງ, ມີການຕິດຕາມກວດກາເປັນປົກະຕິ,ສ້າງຂະບວນການຈັດຕັ້ງຂໍ່້ແຂ່ງຂັນຂອງແຕ່ລະອົງການຈັດຕັ້ງໃຫ້ບັນລຸຕາມຄາດໝາຍທີ່ກໍານົດໄວ້.

7. ສືບຕໍ່ປະຕິບັດແນວທາງການຕ່າງປະເທດຂອງພັກເພື່ອຍາດແຍ່ງເອົາການຊ່ວຍເຫຼືອຈາກຕ່າງປະເທດ ແລະ ອົງການຈັດຕັ້ງສາກົນເພື່ອປະກອບສ່ວນພັດທະນາວຽກງານສຶກສາ ແລະ ກິລາ

ຫຼັງຈາກນັ້ນຜູ້ແທນກອງປະຊຸມ ໄດ້ພ້ອມກັນໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະພັກຊຸດໃໝ່ ບົນພື້ນຖານ ຫຼັກການລວມສູນປະຊາທິປະໄຕ ທັງຖືກຕ້ອງສອດຄ່ອງກັບມາດຖານເງື່ອນໄຂທີ່ໄດ້ກໍານົດໄວ້ຈໍານວນ 07 ສະຫາຍ, ຍິງ 01 ສະຫາຍ:
1. ສະຫາຍ ອ໊ອດ ແສງພິມ
2. ສະຫາຍ ນາງວັນທອງ ດວງພະຈັນ
3. ສະຫາຍ ທອງຄ່ຽນ ລັດຖະຫວັນ
4. ສະຫາຍ ຈັນສົມ ແກ້ວມະນີວົງ
5. ສະຫາຍ ວັນຄໍາ ສຸນັນທາ
6. ສະຫາຍ ວັນນີ ແສງວິໄລ
7. ສະຫາຍ ປອ.ຄໍາ ຂັນທະວີວອນ

ກອງປະຊຸມຄັ້ງປະຖົມມະລຶກຂອງຄະນະພັກຮາກຖານຊຸດທີ III ໄດ້ເລືອກຕັ້ງເອົາເລຂາ,ຮອງເລຂາ,ປະທານກວດກາ ແລະ ຮອງປະທານກວດກາຂອງຄະນະຄະນະພັກຮາກຖານດັ່ງນີ້:
1. ສະຫາຍ ອ໊ອດ ແສງພິມ ເປັນ ເລຂາ
2. ສະຫາຍ ນາງ ວັນທອງ ດວງພະຈັນ ເປັນຮອງເລຂາ,ເປັນປະທານກວດກາ
3. ສະຫາຍ ພັນທະວົງ ສິມທອງຄໍາ ເປັນຮອງປະທານກວດກາ
4. ສະຫາຍ ສຸກັນ ພົງສະຫວັດ ເປັນຮອງປະທານກວດກາ

ເລືອກເອົາຜູ້ແທນສົມບູນ ເຂົ້າຮ່ວມກອງປະຊຸມໃຫຍ່ຂອງຄະນະພັກຂັ້ນເທິງ ດັ່ງນີ້:
1. ສະຫາຍ ອ໊ອດ ແສງພິມ ເປັນຜູ້ແທນສົມບູນ
2. ສະຫາຍ ນາງ ວັນທອງ ດວງພະຈັນ ເປັນຜູ້ແທນສົມບູນ
3. ສະຫາຍ ທອງຄ່ຽນ ລັດຖະຫວັນ ເປັນຜູ້ແທນສຳຮອງ.

ນອກນັ້ນຍັງໄດ້ຮັບຟັງການໂອ້ລົມຂອງ ສະຫາຍ ຄໍາພັນ ສິດທິດຳພາ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ ເຈົ້າແຂວງ ໆ ວຽງຈັນ ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນຳ-ນຳພາຂອງຄະນະພັກຮາກຖານພວກເຮົາ ທີ່ໄດ້ມີການເອົາໃຈໃສ່ຊີ້ນຳ ພະນັກງານສະມາຊິກພັກພາຍໃນຂະແໜງການຂອງຕົນ ທີ່ສາມາດຍາດແຍ່ງຜົນສຳເລັດຫຼາຍດ້ານ ພ້ອມດຽວກັນນັ້ນສະຫາຍຍັງໄດ້ສະແດງຄວາມເປັນຫ່ວງເປັນໄຍຕໍ່ດ້ານອ່ອນ, ຂໍ້ຄົງຄ້າງທີ່ຄະນະພັກຍັງບໍ່ທັນບັນລຸໄດ້ຕາມລະດັບຄາດໝາຍ,ພ້ອມທັງໄດ້ໃຫ້ທິດຊີ້ນຳຕື່ມອີກ ກຽ່ວກັບການເຄື່ອນໄຫວວຽກງານຕາມທິດທາງແຜນການ ແລະ ຄາດໝາຍສູ້ຊົນ ໃນ 05 ປີຕໍ່ໜ້າໃຫ້ປະກົດຜົນເປັນຈິງ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930