Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໜ່ວຍພັກຄະນະກວດກາພັກແຂວງວຽງຈັນ ສຳເລັດກອງປະຊຸມໃຫຍ່ ຄັ້ງທີ VII

1 min read

ໜ່ວຍພັກຄະນະກວດກາພັກແຂວງວຽງຈັນ ສຳເລັດກອງປະຊຸມໃຫຍ່ ຄັ້ງທີ VII


ປະຊຸມໃຫຍ່ຄັ້ງທີ VII ຂອງໜ່ວຍພັກຄະນະກວດກາພັກແຂວງວຽງຈັນ ໄດ້ຈັດຂຶ້ນໃນວັນທີ 24 ມິຖຸນາ 2020 ຢູ່ທີ່ຫ້ອງປະຊຸມຂອງຕົນ, ໂດຍການເປັນກຽດເຂົ້າຮ່ວມຂອງ ສະຫາຍ ວິນັດ ສີສຸວົງ ຄະນະປະຈຳພັກແຂວງ, ປະທານກວວດກາພັກ,ຫົວໜ້າພະແນກກວກາລັດແຂວງວຽງຈັນ, ມີຄະນະຮັບຜິດຊອບກອງປະຊຸມໃຫຍ່ຂັ້ນແຂວງ, ມີເລຂາໜ່ວຍພັກອ້ອມຂ້າງ ແລະ ສະມາຊິກພັກພາຍໃນໜ່ວຍພັກດັ່ງກ່າວເຂົ້າຮ່ວມ.


ໃນກອງປະຊຸມໄດ້ເປັນເອກະພາບກັນຮັບຮອງເອົາບົດລາຍງານການເມືອງທັງ 2 ພາກ ແລະ ບົດສຳຫຼວດການນຳພາລວມຂອງຄະນະໜ່ວຍພັກ ທີ່ສະເໜີໂດຍສະຫາຍກອງແພງ ແກ້ວພູທອງ ຄະນະໜ່ວຍພັກຄະນະກວດກາພັກແຂວງ, ເຊິ່ງ 5 ປີຜ່ານມາ ຄະນະໜ່ວຍພັກ,

ພ້ອມດ້ວຍສະມາຊິກພັກ ໄດ້ພ້ອມກັນເອົາໃຈໃສ່ຈັດຕັ້ງປະຕິບັດວຽກງານວິຊາສະເພາະໃນແຕ່ລະຂະແໜງການ ເຄື່ອນໄຫວຕາມພາລະບົດບາດ, ສິດ ແລະ ໜ້າຂອງຕົນ ເປັນຕົ້ນແມ່ນການຕິດຕາມ-ກວດກາ ການຈັດຕັ້ງພັກ, ສະມາຊິກພັກໃນທົ່ວແຂວງ, ການຄຸ້ມຄອງການບໍລິຫານລັດ, ແຜນພັດທະນາເສດຖະກິດ-ສັງຄົມຂອງແຂວງ,

ການຂຶ້ນບັນຊີແຈ້ງຊັບສິນຂອງພະນັກງານ-ລັດຖະກອນ ແລະ ພະນັກງານນຳພາ-ຄຸ້ມຄອງຂັ້ນແຂວງ, ຕິດຕາມ, ກວດກາການເຄື່ອນໄຫວວຽກງານ ຢູ່ແຕ່ລະຮາກຖານພັກ, ລົງຊຸກຍູ້ວຽກງານກວດກາພັກ-ລັດ ຢູ່ບັນດາເມືອງ ແລະ ພະແນກການອ້ອມຂ້າງແຂວງ ໂດຍສະເພາະແມ່ນການເຄື່ອນໄຫວ ແລະ ເຮັດໜ້າທີ່ຂອງຜູ້ທີ່ເຮັດວຽກງານກວດກາໃນທົ່ວແຂວງ ໃຫ້ໄດ້ເຄື່ອນໄຫວຕາມພາລະບົດບາດ ເພື່ອເປັນເສນາທີ່ການໃຫ້ແກ່ຄະນະພັກຂັ້ນຂອງຕົນ.

ພ້ອມທັງຝຶກອົບຮົມວຽກງານກວດກາໃຫ້ເຂົາເຈົ້າ ເຂົ້າໃຈຕໍ່ກັບການເຮັດວຽກງານກວດກາຕົວຈິງ ໃຫ້ຖືກທິດ ແລະ ມີຄວາມຮັບຮູ້ຕໍ່ວຽກງານກວດກາໄດ້ຫຼາຍຂຶ້ນ. ພ້ອມດຽວກັນນີ້,ກອງປະຊຸມກໍໄດ້ກຳນົດທິດທາງໜ້າທີ່ສຳລັບ 5 ປີຕໍ່ໜ້າ.

ໃນກອງປະຊຸມໃຫຍ່ຄັ້ງນີ້ບັນດາຜູ້ແທນສົມບູນ ໄດ້ພ້ອມກັນໃຊ້ສິດປະຊາທິປະໄຕຂອງຕົນນ ປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ ບົນພື້ນຖານຫຼັກການລວມສູນປະຊາທິປະໄຕ, ທັງຖືກຕ້ອງສອດຄ່ອງກັບມາດຖານ-ເງື່ອນໄຂທີ່ກຳນົດໄວ້, ເຊິ່ງມີຜູ້ອອກຮັບສະໝັກເລືອກຕັ້ງ 5 ສະຫາຍ, ເລືອກໄດ້ 3 ສະຫາຍ, ກອງປະຊຸມຄັ້ງປະຖົມມະລຶກໄດ້ເປັນເອກະສັນເລືອກເອົາ ສະຫາຍ ຄຳປ່ຽນ ຈັນທະມັງຄຸນ ເປັນເລຂາໜ່ວຍພັກ, ສະຫາຍ ກອງແພງ ແກ້ວພູທອງ ເປັນຮອງເລຂາ, ສະຫາຍ ເຄນ ເຮືອງຄຳແສງ ເປັນຄະນະໜ່ວຍພັກຊຸດໃໝ່ ເພຶ່ອຊີ້ີ້ີ້ີ້ນຳ-ນຳພາ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງນີ້ໃຫ້ເກີດໝາກຜົນຕົວຈິງ.

ສຳຮອງໄປຮ່ວມກອງປະຊຸມໃຫຍ່ຄັ້ງທີ່ VI ຂອງອົງຄະນະພັກແຂວງວຽງຈັນ ຕື່ມອີກ.

ຂ່າວ:ບຸນມາ ແກ້ວຸດດາ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930