Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມສະຫຼຸບຕີລາຄາ ການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2020 ຂອງກຸ່ມເສດຖະກິດ ເມືອງຊະນະຄາມ

1 min read

ກອງປະຊຸມສະຫຼຸບຕີລາຄາ ການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2020 ຂອງກຸ່ມເສດຖະກິດ ເມືອງຊະນະຄາມ.


ກອງປະຊຸມດັ່ງກ່າວ ໄດ້ໄຂຂຶ້ນໃນຕອນເຊົ້າ ວັນທີ 24 ມິຖູນາ 2020 ນີ້, ຢູ່ທີ່ສະໂມສອນຂອງເມືອງດັ່ງກ່າວ, ໂດຍພາຍໃຕ້ການເປັນກຽດເຂົ້າຮ່ວມເປັນປະທານຂອງທ່ານ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງ ແລະ ທ່ານ ບຸນຊ່ວງ ວັນສີ ຄະນະປະຈໍາພັກເມືອງ ຮອງເຈົ້າເມືອງໆຊະນະຄາມ, ມີບັນດາທ່ານໃນຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ ແລະ ຮອງຫົວໜ້າຫ້ອງການອ້ອມຂ້າງ, ພະນັກງານຫຼັກແຫຼ່ງ, ລັດວິສະຫະກິດ, ນັກທຸລະກິດ ແລະ ບັນດານາຍບ້ານ 9 ບ້ານໃຫຍ່ ເຂົ້າຮ່ວມທັງໝົດ84 ຄົນ, ຍິງ 14 ຄົນ.


ໃນກອງປະຊຸມ ໄດ້ຮັບຟັງການສະຫຼຸບຕີລາຄາ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ ຂອງກຸ່ມເສດຖະກິດ ນໍາສະເໜີໂດຍທ່ານ ພອນເພັດ ອຸດົມມີໄຊ ກໍາມະການພັກເມືອງ ຫົວໜ້າຫ້ອງການພະລັງງານ- ບໍ່ແຮ່ເມືອງ ແລະ ຮັບຟັງການລາຍງານຜົນຂອງການເກັບກໍາລາຍຮັບງົບປະມານ ໃນໄລຍະ 6 ເດືອນຕົ້ນປີຂອງບັນດາກົມກອງ, ຫ້ອງການ ແລະ ອົງການຈັດຕັ້ງບ້ານ, ນໍາສະເໜີໂດຍທ່ານ ອຸດອນ ທອງສະຫວັນ ຫົວໜ້າຫ້ອງການ ການເງິນເມືອງ ແລະ ພ້ອມກັນນີ້ ກອງປະຊຸມ ຍັງໄດ້ພ້ອມກັນຄົ້ນຄວ້າ, ຕີລາຄາບັນຫາຕ່າງໆ ກ່ຽວກັບການຈັດຕັ້ງເຄື່ອນໄຫວວຽກງານໃນໄລຍະຜ່ານມາ ແລະ ໄດ້ພ້ອມກັນກອບຄໍາຄິດ-ຄໍາເຫັນ, ສຸມສະຕິປັນຍາທາງດ້ານແນວຄິດເຂົ້າໃນກອງປະຊຸມດັ່ງກ່າວດ້ວຍຄວາມຮັບຜິດຊອບ ແລະ ດໍາເນີນໄປດ້ວຍບັນຍາກາດແຫ່ງຄວາມຮັບຜິດຊອບສູງ.


ໃນກອງປະຊຸມ ຍັງໄດ້ເຫັນດີເປັນເອກະພາບ ແລະ ໄດ້ກໍານົດທິດທາງແຜນການ ໃນການຈັດຕັ້ງປະຕິບັດວຽກງານໃນຕໍ່ໜ້າ, ເພື່ອສຸມທຸກກໍາລັງແຮງຂອງແຕ່ລະຂົງເຂດພາກສ່ວນເສດຖະກິດ ໃຫ້ມີການຂັບເຄື່ອນຢ່າງຄ່ອງຕົວ ແລະ ຂະຫຍາຍຕົວຕໍ່ເນື່ອງດ້ວຍຈັ່ງຫວະທີ່ໝັ້ນທ່ຽງ, ສ້າງກົນໄກ ແລະ ເງື່ອນໄຂເຮັດໃຫ້ອົງປະກອບເສດຖະກິດແຕ່ຂົງເຂດ ແລະ ແຕ່ລະຂະແໜງການ ໄດ້ມີການປະສານກັນສົມທົບກັນຢ່າງກົມກຽວ, ເອົາໃຈໃສ່ໃນການປຸກລະດົມບັນດາລະດົມທຶນຈາກພາກສ່ວນຕ່າງໆ ເຂົ້າໃນພັດທະນາທາງດ້ານພື້ນຖານໂຄງລ່າງເສດຖະກິດ, ເພື່ອສ້າງຊີວິດການເປັນຢູ່ ແລະ ສ້າງວຽກເຮັດງານທໍາໃຫ້ປະຊາຊົນໄດ້ມີຄວາມໝັ້ນຄົງ.


ໃນຕອນທ້າຍຂອງກອງປະຊຸມ ຍັງໄດ້ຮັບຟັງການມີຄໍາເຫັນໂອລົມຈາກທ່ານ ສະໝານ ວິເສດຍະພົງສ໌ ເຈົ້າເມືອງໆຊະນະຄມ, ເຊິ່ງຄໍາໂອ້ລົມຂອງທ່ານໄດ້ກາຍເປັນເຂັ້ມທິດຊີ້ເຍືອງທາງ ໃນການຈັດຕັ້ງເຄື່ອນໄຫວວຽກງານໃນຕໍ່ໜ້າ, ໂດຍທ່ານໄດ້ສະແດງຄວາມຊົມເຊີຍຕໍ່ຄະນະຮັບຜິດ ຊອບທຸກພາກສ່ວນທີ່ໄດ້ເອົາໃຈໃສ່ ເຮັດໜ້າທີ່ຕາມການມອບໝາຍ ເຮັດໃຫ້ກອງປະຊຸມໃນຄັ້ງນີ້ໄດ້ຖືກຈັດຕັ້ງປະຕິບັດຕາມຕາມແຜນການທີ່ໄດ້ກໍານົດອອກ, ພ້ອມດຽວກັນນີ້ ທ່ານຍັງໄດ້ຮຽກຮ້ອງມາຍັງອົງການຈັດຕັ້ງທີ່ກ່ຽວຂ້ອງ, ບັນດາຫ້ອງການ, ລັດວິສະຫະກິດ, ນັກທຸລະກິດ ຕະຫຼອດຮອດບັນດາອົງການປົກຄອງບ້ານໃນທົ່ວເມືອງ ຈົ່ງໄດ້ເອົາໃຈໃສ່ເຮັດໜ້າທີ່ວຽກງານຂອງຕົນຕາມການມອບໝາຍ, ສູ້ຊົນເຮັດໃຫ້ແຜນພັດທະນາເສດຖະກິດ-ສັງຄົມຂອງເມືອງ ປະຈໍາປີ 2020 ໃຫ້ມີການຂະຫຍາຍຕົວ ແລະ ມີຜົນສໍາເລັດຕາມລະດັບຄາດໝາຍ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed