Mon. Jul 13th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີມອບ-ໂອນ ການຄຸ້ມຄອງນາຍ ແລະພົນທະຫານ-ຕຳຫລວດ ທີ່ໄດ້ຮັບນະໂຍບາຍອຸດໜູນບຳນານ-ເສຍອົງຄະ

1 min read

ພິທີມອບ-ໂອນ ການຄຸ້ມຄອງນາຍ ແລະພົນທະຫານ-ຕຳຫລວດ
ທີ່ໄດ້ຮັບນະໂຍບາຍອຸດໜູນບຳນານ-ເສຍອົງຄະ

ຫ້ອງການແຮງງານ ແລະ ສະຫວັດດີການສັງຄົມ ເມືອງວັງວຽງ ແຂວງວຽງຈັນ, ຈັດພິທີມອບ-ໂອນ ການຄຸ້ມຄອງ ນາຍ ແລະ ພົນຕຳຫລວດ, ນາຍ ແລະ ພົນທະຫານ ທີ່ໄດ້ຮັບນະໂຍບາຍອຸດໜູນບຳນານ ເສຍອົງຄະຍ້ອນການສູ້ຮົບ ແລະ ຮັບໃຊ້ການສູ້ຮົບ ຢູ່ທີ່ ສະໂມສອນ ຂອງເມືອງວັງວຽງ ແຂວງວຽງຈັນ.

ວັນທີ່ 25ມິຖຸນາ 2020 ນີ້, ໂດຍການໃຫ້ກຽດເຂົ້າຮ່ວມຂອງ ທ່ານ ສຸວຽງທອງ ວົງຈຳປາ ຮອງເລຂາພັກເມືອງວັງວຽງ, ມີບັນດາທ່ານຄະນະປະຈຳພັກ ກຳມະການພັກເມືອງ, ຫົວຫນ້າຫ້ອງການ, ພະນັກງານອາວຸໂສບຳນານ ແລະ ພາກສ່ວນກ່ຽວຂ້ອງເຂົ້າຮ່ວມ.


ໂດຍອີງຕາມຂໍ້ຕົກລົງຂອງທ່ານເຈົ້າເມືອງວັງວຽງ ສະບັບເລກທີ 305, ເລກທີ 306/ຈມ.ວວ ລົງວັນທີ 16 ມິຖຸນາ 2020 ວ່າດ້ວຍມອບ-ໂອນ ການຄຸ້ມຄອງ ນາຍ ແລະ ພົນຕຳຫລວດ, ນາຍ ແລະ ພົນທະຫານ ທີ່ໄດ້ຮັບນະໂຍບາຍອຸດໜູນບຳນານ ເສຍອົງຄະຍ້ອນການສູ້ຮົບ ແລະ ຮັບໃຊ້ການສູ້ຮົບ


ໂອກາດນີ້, ທ່ານ ອຳພອນ ອຸໄທທິດຫົວຫນ້າຫ້ອງການແຮງງານ ແລະ ສະຫວັດດີການສັງຄົມ ເມືອງວັງວຽງ ແຈ້ງໃຫ້ຮູ້ວ່າ: ທົ່ວເມືອງວັງວຽງ ມີພະນັກງານອາວຸໂສບຳບານທັງໝົດ 454 ຄົນ, ຍິງ 129 ຄົນ, ບໍານານຄືນ 8 ທ່ານ, ຍິງ 2 ທ່ານ, ອົງຄະຮາກຖານ 38 ທ່ານ, ຍິງ 3 ທ່ານ, ອົງຄະປະຈໍາການ 4 ທ່ານ, ຍິງ 3 ທ່ານ, ຫຼຸດ ຫນູນຫມ້າຍ 40 ຄົນ, ອຸດຫນູນລູກກໍາພ້າ 14 ຄົນ, ຈໍານວນດັ່ງກ່າວນີ້ ແມ່ນປະຕິບັດນະໂຍບາຍອຸດຫນູນ ໄລຍະຍາວ ເປັນລາຍເດືອນເທົ່າກັບ 1,037 ລ້ານກີບຕໍ່ເດືອນ, ອຸດຫນູນເສຍຊີວິດ ບໍານານ ແລະ ອົງຄະ 34 ຄົນ ໃນປີ 2019 ເທົ່າກັບ1,604 ລ້ານກີບ, ຄູ່ສົມຣົດເສຍຊີວິດ 5 ຄົນໃນປີ 2019 ເທົ່າກັບ 53ລ້ານກີບ, ອຸດຫນູນເກີດລູກຂອງລັດຖະກອນ ແລະ ຄູ່ສົມຣົດ 55 ຄົນ , ເທົ່າກັບ76 ລ້ານກີບ. ເຊິ່ງໄລຍະຜ່ານມາ ຫ້ອງການແຮງງານ ແລະ ສະຫວັດດີການສັງຄົມ ເມືອງວັງວຽງ ກໍ່ໄດ້ເອົາໃຈໃສ່ໃນການຄຸ້ມຄອງ ແລະ ປະຕິບັດບັນດານະໂຍບາຍຕ່າງໆ ຕາມລະບຽບກົດໝາຍ.


ໃນພິທີຍັງໄດ້ເຊັນບົດບັນທຶກ ລະຫວ່າງຫົວຫນ້າຫ້ອງການແຮງງານ ແລະ ສະຫວັດດີການສັງຄົມ ແລະ ຮອງຫົວຫນ້າກອງບັນຊາທະຫານ – ຫົວຫນ້າກອງບັນຊາການປ້ອງກັນຄວາມສະຫງົບເມືອງວັງວຽງ.


ຕອນທ້າຍ ທ່ານ ສຸວຽງທອງ ວົງຈຳປາ ຮອງເລຂາພັກເມືອງວັງວຽງ ຍັງໄດ້ໃຫ້ກຽດໂອ້ລົມຕື່ມອີກ.

ຂ່າວ:ທັນວາ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

July 2020
M T W T F S S
 12345
6789101112
13141516171819
20212223242526
2728293031