Mon. Jul 13th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພະແນກການເງິນ ແຂວງ ວຽງຈັນ ສຳເລັດກອງປະຊຸມໃຫຍ່ຄະນະພັກຮາກຖານ ຄັ້ງທີ III ຂອງຕົນ.

1 min read

ກອງປະຊຸມໄດ້ໄຂຂື້ນ ແລະ ອັດລົງ ໃນວັນທີ 26 ມິຖຸນາ 2020 ນີ້ ຢູ່ທີ່ຫ້ອງປະຊຸມສູນວັດທະນະທຳ ແຂວງວຽງຈັນ, ພາຍໃຕ້ການເປັນປະທານຂອງ ສະຫາຍ ຄຳເຫລັກ ທອງສະຫວັນ ຮັກສາການ ເລຂາ ຄະນະພັກຮາກຖານ ພະແນກການເງິນແຂວງວຽງຈັນ.

ເປັນກຽດເຂົ້າຮ່ວມໂດຍ ສະຫາຍ ດາວເຮືອງ ນັນທະວົງ ຄະນະປະຈຳພັກແຂວງ, ຮອງເຈົ້າແຂວງວຽງຈັນ, ມີຄະນະຊີ້ນຳກອງປະຊຸມໃຫຍ່ ສາມ ຂັ້ນຂອງແຂວງ,ແຂກຖືກເຊີນ ແລະ ຜູ້ແທນສົມບູນຈຳນວນ 115 ສະຫາຍ, ຍິງ 44 ສະຫາຍ.

ສະຫາຍ ຄຳເຫລັກ ທອງສະຫວັນ ຮັກສາການ ເລຂາຄະນະພັກຮາກຖານ, ຫົວຫນ້າພະແນກການເງິນ ແຂວງວຽງຈັນ ໄດ້ຂື້ນຜ່ານ ຮ່າງບົດລາຍງານການເມືອງ ທັງສອງພາກ ແລະ ບົດສຳຫຼວດການນຳພາລວມຂອງຄະນະພັກຕະລອດໄລຍະ 5 ປີຜ່ານມາ,

ຜົນສຳເລັດຕໍ່ຫນ້າທີ່ວຽກງານ ທີ່ຍາດມາໄດ້ຂອງຄະນະພັກ ກໍຍ້ອນການຊີ້ນຳ-ນຳພາ ຈາກຄະນະພັກຂັ້ນເທິງ, ມີຄວາມໃກ້ຊິດຕິແທດເຮັດໃຫ້ຖັນແຖວສະມາຊິກພັກ, ພະນັກງານ ມີຄວາມອຸນອ່ຽນທຸ່ນທ່ຽງ.

ເຊື່ອຫມັ້ນຕໍ່ການນຳພາຂອງພັກ ເຮັດໃຫ້ການຈັດຕັ້ງປະຕິບັດ ມະຕິຄຳສັ່ງຂອງພັກ, ລະບຽບກົດຫມາຍຂອງລັດ ແລະ ແຜນພັດທະນາເສດຖະກິດ-ສັງຄົມ ໄດ້ມີການຂະຫຍາຍຕົວຢ່າງຕໍ່ເນື່ອງ.

 

ໃນກອງປະຊຸມໃຫຍ່ຄັ້ງນີ້ ບັນດາຜູ້ແທນສົມບູນ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະພັກຮາກຖານຊຸດໃໝ່, ເຊິ່ງມີຜູ້ສະໝັກເລືອກຕັ້ງ 7 ສະຫາຍ, ເລືອກເອົາ 5 ສະຫາຍ,

ກອງປະຊຸມຄັ້ງປະຖົມມະລຶກ ໄດ້ເປັນເອກະພາບກັນເລືອກເອົາ

– ສະຫາຍ ຄຳເຫລັກ ທອງສະຫວັນ ເປັນເລຂາຄະນະພັກຮາກຖານ,

– ສະຫາຍ ອຸ່ນ ພົມມະຈັນເປັນຮອງເລຂາ,

– ສະຫາຍ ນ ອ່ອນ ຈັນທະວົງ,

– ສະຫາຍ ເພັດສະຫມອນ ໄຊສະຫຍາ

– ແລະ ສະຫາຍ ຄຳຫມັ້ນ ບົວແສງພະຈັນ ເປັນຄະນະຊຸດໃໝ່

ເລືອກເອົາ ສະຫາຍ ອຸ່ນ ພົມມະຈັນ ເປັນປະທານກວດກາພັກ, ສະຫາຍ ນາງ ອ່ອນ ຈັນທະວົງ ເປັນຮອງ ແລະ ຄະນະອີກ 2 ສະຫາຍ ເປັນຄະນະ ເພື່ອຊີ້ນຳ-ນຳພາ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງນີ້ໃຫ້ເກີດໝາກຜົນຕົວຈິງ.

ພ້ອມນີ້ ຍັງໄດ້ເລືອກເອົາຜູ້ແທນສົມບູນ ແລະ ສຳຮອງໄປຮ່ວມກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງວຽງຈັນ ທີ່ຈະໄດ້ໄຂຂຶ້ນໃນຕໍ່ຫນ້າຕື່ມອີກ.

ໃນຕອນທ້າຍ ຍັງໄດ້ຮັບຟັງການໂອ້ລົມຈາກຄະນະນຳຂັ້ນເທິງຕື່ມອີກ.

 

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

July 2020
M T W T F S S
 12345
6789101112
13141516171819
20212223242526
2728293031