Mon. Jul 13th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມພຣະສົງປະຈຳປີ ພສ 2563 ຂອງອົງການພຸດທະສາສະໜາສຳພັນລາວ ເມືອງເຟືອງ.

1 min read

ກອງປະຊຸມພຣະສົງປະຈຳປີ ພສ 2563 ຂອງອົງການພຸດທະສາສະໜາສຳພັນລາວ ເມືອງເຟືອງ.

ວັນທີ 26 ມີຖຸນາ 2020 ໄດ້ເປີດກອງປະຊຸມພຣະສົງ ຂອງອົງການພຸດທະສາສະໜາສຳພັນລາວ ຂື້ນຢ່າງເປັນທາງການຢູ່ທີ່ສະໂມສອນເມືອງເຟືອງ ໂດຍການເປັນປະທານ ຂອງ ພຣະອາຈານ ອິນ ໂສລັດຕະນະວົງ ເຈົ້າຄະນະເມືອງເຟືອງ, ໃຫ້ກຽດເຂົ້າຮ່ວມຂອງທ່ານ ຄຳເພັດ ຈັນສົມພູ ເລຂາພັກເມືອງ ເຈົ້າເມືອງໆເຟືອງ, ທ່ານ ບຸນມາ ທຳມະວົງ ຄະນະປະຈຳພັກເມືອງ ປະທານແນວລາວສ້າງຊາດເມືອງ ຜູ້ຊີ້ນຳອົງການຈັດຕັ້ງມະຫາຊົນເມືອງເຟືອງ, ມີບັນດາຫົວໜ້າຫ້ອງການ, ຕາງໜ້າຄະນະຫ້ອງການທີ່ກ່ຽວຂ້ອງ, ນາຍບ້ານ, ຄະນະບ້ານ, ສາລະວັດ, ແນວໂຮມບ້ານ, ພຣະສົງ-ສາມະເນນໄດ້ພ້ອມກັນເຂົາຮ່ວມທັງໝົດ 137 ທ່ານ, ຍິງ 6 ທ່ານ, ພຣະສົງ 56 ອົງ.

ກອງປະຊຸມໄດ້ຮັບຟັງການລາຍງານ ການສະຫຼູບ ເຄື່ອນໄຫວປະຕິບັດວຽກງານຂອງເຈົ້າຄະນະເມືອງເຟືອງປະຈຳປີ ພສ 2563 ແລະທິດທາງແຜນການໜຶ່ງປີຕໍ່ໜ້າ ພສ 2564, ທົ່ວເມືອງມີ 35 ວັດ, ວັດທີ່ມີພຣະສົງປະຈຳຢູ່ມີ 33 ວັດ, ເປັນວັດຮ້າງ 7 ວັດ, ມີນັກບວດ 129 ອົງ ໃນນີ້ມີພຣະສົງ 50 ອົງ, ສາມະເນນ 45 ອົງ, ຜ່ານການຈັດຕັ້ງປະຕິບັດວຽກງານຂອງອົງການພຸດທະສາສະໜາສຳພັນລາວເມືອງເຟືອງ ເຫັນວ່າມີຜົນງານອັນດີຫຼາຍດ້ານເຊັ່ນ: ໄດ້ເອົາໃຈໃສ່ເຜີຍແຜ່ ສິນທຳໃຫ້ແກ່ອອກຕົນ, ຍາດໂຍມ ບັນດາເຜົ່າ ຮູ້ສິນ ຮູ້ທຳ, ຮູ້ຈັກຮີດຄອງປະເພນີອັນດີງາມ ກໍຄືຮີດລາວ ຊາວພຸດທີ່ເຄີຍປະຕິບັດກັນມາ, ໃຫ້ຮູ້ບຸນຄຸນພໍ່ແມ່, ຄູບາ, ອາຈານ ເຮັດໃຫ້ອອກຕົນຍາດໂຍມຈຳນວນໜຶ່ງສຳນຶກໄດ້ ແລະມີແນວຄິດ ພຶດຕິກຳເລີກລາຈາກອະວາຍຍະມຸກ, ສີ່ງເສບຕິດຕ່າງໆ, ເສີມຂະຫຍາຍມູນເຊື້ອຄວາມສາມັກຄີ ບົນພື້ນຖານອັນສອດຄ່ອງກັບແນວທາງນະໂຍບາຍຂອງພັກ, ລະບຽບກົດໝາຍຂອງລັດ ໄດ້ດີຕະຫຼອດມາ.

ພ້ອມກັນນີ້ ຜູ້ແທນກອງປະຊຸມກໍໄດ້ປະກອບ ຄຳຄິດ ຄຳເຫັນ ຢ່າງກົງໄປກົງມາ ເພື່ອແລກປ່ຽນບົດຮຽນເຊິ່ງກັນ ແລະກັນ.

ຕອນທ້າຍ ທ່ານ ຄຳເພັດ ຈັນສົມພູ ເລຂາພັກເມືອງ ເຈົ້າເມືອງໆເຟືອງ ໄດ້ໃຫ້ກຽດໂອ້ລົມ ເໜັ້ນໜັກວ່າ: ຈົົ່ງສືບຕໍ່ຮັກສາມູນເຊື້ອອັນດີງາມຂອງອົງການພຸດທະສາສະໜາສຳພັນລາວ, ເອົາໃຈໃສ່ເຄື່ອນໄຫວໃຫ້ຖືກຕ້ອງຕາມລະບຽບ ຫຼັກການຂອງພຣະສົງໄດ້ກຳນົດໄວ້, ເອົາໃຈໃສ່ເຜີຍແຜ່ສິນທຳໃຫ້ແກ່ຊາວພຸດທະສາສະນິກະຊົນບັນດາເຜົ່າໃຫ້ຮູ້ຈັກບາບບຸນ ຄຸນໂທດ, ຮັກສາຮີດຄອງປະເພນີ ຕາມຮີດລາວຊາວພຸດທີ່ເຄີຍປະຕິບັດກັນມາ, ປັບປຸງ ຈັດຕັ້ງລະບົບຄຸ້ມຄອງຢູ່ແຕ່ລະຂັ້ນນັບແຕ່ຂັ້ນເມືອງລົງຮອດຮາກຖານບ້ານໃຫ້ດີກ່ວາເກົ່າ ພ້ອມກັນພັດທະນາພື້ນຖານ ບ່ອນສັກກະລະບູຊາ, ວັດວາອາຣາມຕ່າງໆ ເພຶ່ອດຶງດູດນັກທ່ອງທ່ຽວ ໃຫ້ເຂົ້າມາທ່ຽວຊົມສະຖານທີ່ທ່ອງທ່ຽວທາງວັດທະນະທຳນັບມື້ເພີ່ມຂື້ນເລື້ອຍໆ.

ຂ່າວ: ເມືອງເຟືອງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

July 2020
M T W T F S S
 12345
6789101112
13141516171819
20212223242526
2728293031