Mon. Jul 13th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

2 ນັກກິລາ ວຽງຈັນ ເອັຟຊີ ຖືກຮ້ອງໂຕຄັດເລືອກທີມຊາດ ອາຍຸບໍ່ເກີນ19ປີ.

1 min read

ສະໂມສອນບານເຕະ ວຽງຈັນ ເອັຟຊີ ຫຼື VFC – VIENGCHANH FOOTBALL CLUB ສະໂມສອນນ້ອງໃຫມ່ລາວລີກ01, ສະໂມສອນໜື່ງດຽວຈາກຕ່າງແຂວງ ໃນການກ້າວກະໂດດສູ່ລີກບານເຕະສູງສຸດຂອງປະເທດ, ໂດຍມີທີມເຂົ້າຮ່ວມທັງໝົດ 7 ທີມ ແລະ ຈະເປີດສາກໃນ ວັນທີ 11 ກໍລະກົດ 2020 ນີ້ ທີ່ນະຄອນຫລວງວຽງຈັນ, ໂດຍ VFC ໄດ້ກະກຽມຄວາມພ້ອມທີມມາໄດ້ເກືອບ 1 ເດືອນແລ້ວ.

ຫຼ້າສຸດ! ສະຫະພັນກິລາບານເຕະ ແຫ່ງຊາດລາວ ຫລື ສຕລ ຮຽກໂຕ 2 ນັກກິລາ ປະການຫຼັງຂອງທີມ ເຂົ້າສູນຝຶກຊ້ອມ ເພື່ອຄັດໂຕທີມຊາດ ລຸ້ນອາຍຸບໍ່ເກິນ 19 ປີ.

ສົມສະຫວາດ ພົມມະຈັນ ອາຍຸ 18 ປີ, ສັງກັດສະໂມສອນ ວຽງຈັນ ເອັຟຊີ ມາແຕ່ປີ 2018 ຫຼີ້ນຕຳແໜ່ງກອງຫຼັງ. ເຊິ່ງປີກາຍນີ້ ບໍ່ຄ່ອຍໄດ້ຮ່ວມທີມພໍປານໃດ ເນື່ອງຈາກຄາຮຽນຢູ່ຕ່າງປະເທດ, ແຕ່ປີນີ້ກັບມາຊ້ອມຮ່ວມກັບທີມ ແລະ ລົງທີມ 3 ຄັ້ງ ກັບທີມໃນລີກສູງສຸດ ແລະ ຖືກເອີ້ນໂຕເຂົ້າຄັດເລືອກທີມຊາດຊຸດດັ່ງກ່າວ.

ນະລົງສິດ ຈັນທະລັງສີ ອາຍຸ 18 ປີ, ນັກກິລາຢືມໂຕຈາກ ສະໂມສອນ IDSEA CHAMPASACK FC ໃນການເສີມທັບ ເພື່ອກຽມທີມເຂົ້າຮ່ວມ ລາວລີກ1.

 

ນີ້ຄືຫວັງຂອງສະໂມສອນ ວຽງຈັນ ເອັຟຊີ ກໍຄືສະຫະພັນກິລາບານເຕະແຂວງ ວຽງຈັນ ໃນການພັດທະນາ ແລະ ສົ່ງເສີມນັກກິລາ ໃຫ້ກ້າວສູ່ທີມຊາດໃນອານາຄົດອັນໃກ້, ນ້ອງໆເຍົາວະຊົນ ແລະ ໄວໜຸ່ມ ຜູ້ມັກຮັກໃນກິລາບານເຕະ ໂດຍສະເພາະຄົນແຂວງວຽງຈັນ ຈົ່ງເອົາໃຈໃສ່ພັດທະນາຕົນເອງ ແລະ ຢ່າລືມເປັນກຳລັງໃຈໃຫ້ກັບນັກກິລາທັງສອງຄົນ ໃຫ້ຕິດທີມຊາດຊຸດນີ້ດ້ວຍ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

July 2020
M T W T F S S
 12345
6789101112
13141516171819
20212223242526
2728293031