Thu. Jul 9th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໝື່ນ ຈັດພິທີປາຖະກະຖາວັນສ້າງຕັ້ງ ສປປ ລາວ ຄົບຮອບ 44 ປີ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 99 ປີ.

1 min read

ທ້າຍເດືອນ ພະຈິກ 2019 ນີ້ ຢູ່ທີ່ສະໂມສອນໃຫຍ່ຫ້ອງວ່າການປົກຄອງ ເມືອງໝື່ນ ໄດ້ຈັດພິທີປາຖະກະຖາວັນສ້າງຕັ້ງ ສປປ ລາວ ຄົບຮອບ 44 ປີ ວັນຄ້າຍວັນເກີດປະທານໄກສອນພົມວິຫານ ຄົບຮອບ 99 ປີ ໂດຍການເປັນປະທານ ແລະ ປະຖະກະຖາ ຂອງທ່ານ ພູວອນ ບຸວິໄລ ກຳມະການພັກເເຂວງ ເລຂາພັກເມືອງ ເຈົ້າເມືອງໆໝື່ນ, ມີຄະນະປະຈຳພັກເມືອງ,ກຳມະການພັກເມືອງ,ຫົວໜ້າ-ຮອງຫົວໜ້າຫ້ອງການ,ພະນັກງານຫ້ອງການອ້ອມຂ້າງເມືອງເຂົ້າຮ່ວມ.

ທ່ານ ພູວອນ ບຸນວິໄລ ກຳມະການພັກເເຂວງ,ເລຂາພັກເມືອງ ເຈົ້າເມືອງໆໝື່ນ ໄດ້ປາຖະກະຖາ ຍົກໃຫ້ເຫັນ ຊີວິດ ແລະ ການເຄື່ອນໄຫວປະຕິວັດຂອງປະທານໄກສອນ ພົມວິຫານ ໃນພາລະກິດຕໍ່ສູ້ປົດປ່ອຍປະເທດຊາດ ອັນລະອິດລະອ້ຽວ ຍືດເຍື້ອຍາວນານ ປະທານ ໄກສອນ ພົມວິຫານ ເປັນຜູ້ນຳລາວທີ່ນ້ຳໃຈຮັກຊາດ ທີ່ປີຊາສາມາດ,ສະຫຼາດສ່ອງໃສ

ເຊິ່ງຕະຫຼອດໄລຍະ ຂອງການຕໍ່ສູ້ກູ້ຊາດ ຍາມໃດກໍ່ໄດ້ເອົາໃຈໃສ່ສ້າງ ແລະ ເພີ່ມທະວີຄວາມສາມັກຄີປອງດອງລະຫວ່າງເຜົ່າ ຄວາມເປັນປຶກແຜ່ນພາຍໃນຊາດ ປະທານໄກສອນ ພົມວິຫານ ແມ່ນນັກເຄື່ອນໄຫວສາກົນທີ່ດີເດັ່ນ ເພິ່ນໄດ້ວາງແນວທາງ ແລະ ເປັນແບບຢ່າງໃນການປະຕິວັດ ເຮັດໃຫ້ ສປປ ລາວ ມີບົດບາດໃນເວທີສາກົນນັບມື້ສູງຂຶ້ນ.

ຈາກນັ້ນ ທ່ານ ພູວອນ ບຸນວິໄລ ກໍ່ໄດ້ປະຖະກະຖາຍົກໃຫ້ເຫັນ ມູນເຊື້ອ ແລະ ຄວາມໝາຍຄວາມສຳຄັນຂອງວັນຊາດທີ 2 ທັນວາວ່າ:

ຊາດລາວແມ່ນຊາດໜຶ່ງ ທີ່ມີປະຫວັດສາດຍາວນານຫຼາຍພັນປີ ,ມີມູນເຊື້ອສະຫງ່າອົງອາດແຫ່ງການຕໍ່ສູ້ຕານການຮຸກຮານຂອງສັດຕູ ໂດຍສືບສອດມູນເຊື້ອດັ່ງກ່າວຈາກບັນພະບຸລຸດ ປະຊາຊົນລາວບັນດາເຜົ່າ ພາຍໃຕ້ການນຳພາຂອງພັກປະຊາຊົນປະຕິວັດລາວ

ໄດ້ສາມັກຄີກັນຕໍ່ສູ້ງຢ່າງພິລະອາດຫານ ຕ້ານການຮຸກຮານ ຂອງພວກຈັກກະພັດລ່າເມືອງຂຶ້ນ ທັງແບບເກົ່າ ແລະ ແບບໃໝ່ ຈົນສາມາດປົດປ່ອຍ ແລະ ສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ເຊິ່ງແມ່ນວັນ ແຫ່ງໄຊຊະນະອັນຍີ່ງໃຫຍ່ ໃນປະຫວັດສາດແຫ່ງການຕໍ່ສູ້ເປັນພັນໆປີ ຂອງຊາດລາວເຮົາ ແມ່ນວັນທີ່ປະຊາຊົນລາວມີອິດສະຫຼະພາບ ແລະ ໄດ້ເປັນເຈົ້າຂອງປະເທດຊາດຢ່າງແທ້ຈິງ.

ໂອກາດດຽວກັນພິທີຍັງໄດ້ຜ່ານຂໍ້ຕົກລົງຂອງທ່ານ ເຈົ້າເມືອງໆ ໝື່ນ ວ່າດ້ວຍການມອບໃບຢັ້ງຢືນ ໃຫ້ກົມກອງ ແລະ ບຸກຄົນ ດີເດັ່ນ ທີ່ໄດ້ປະກອບສ່ວນ ໃນວຽກງານ ພົວພັນຕ່າງປະເທດ ຂອງເມືອງໝື່ນ ໃນໄລຍະຜ່ານມາ ເຊິ່ງໃນພິທີ ບັນດາກົມກອງ ແລະ ບຸກຄົນທີ່ໄດ້ຮັບການຍ້ອງຍໍກໍ່ໄດ້ຜັດປ່ຽນກັນມາຮັບໃບຍ້ອງຍໍ ມອບໂດຍ ທ່ານ ພູວອນ ບຸນວິໄລ ເຈົ້າເມືອງ – ເມືອງໝື່ນ ຢ່າງສົມກຽດ.

 

ຂ່າວ : ແຫວນຄຳ ນັກຂ່າວເມືອງໝື່ນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

July 2020
M T W T F S S
 12345
6789101112
13141516171819
20212223242526
2728293031