Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພະແນກແຜນການ ແລະ ການລົງທຶນ ແຂວງວຽງຈັນ ສຳເລັດປະຊຸມໃຫຍ່ ໜ່ວຍພັກ ຄັ້ງທີ V ຂອງຕົນ.

1 min read

ກອງປະຊຸມດັ່ງກ່າວ ໄດ້ໄຂຂື້ນໃນຕອນເຊົ້າ ຂອງວັນທີ 30 ມິຖຸນາ 2020 ນີ້, ທີ່ຫ້ອງປະຊຸມພະແນກດັ່ງກ່າວ,

ໂດຍການເປັນກຽດເຂົ້າຮ່ວມ ຂອງ ສະຫາຍ ນາງ ສິງຄຳ ຄົງສະຫວັນ ຮອງເລຂາພັກແຂວງ, ຮອງເຈົ້າແຂວງ ວຽງຈັນ,

ມີຄະນະຮັບຜິດຊອບກອງປະຊຸມໃຫຍ່ ຂັ້ນແຂວງ, ແຂກຖືກເຊີນ, ສະມາຊິກພັກ ພາຍໃນໜ່ວຍພັກດັ່ງກ່າວເຂົ້າຮ່ວມ.

 


ສະຫາຍ ສຸກັນ ວິໄລຣັດ ໄດ້ກ່າວໃນບົດລາຍງານການເມືອງບາງຕອນວ່າ : ໃນໄລຍະ 5 ປີຜ່ານມາ ຄະນະໜ່ວຍພັກພະແນກ ແຜນການ ແລະ ການລົງທຶນ ແຂວງວຽງຈັນ ໄດ້ພ້ອມກັນຈັດຕັ້ງນຳພາ, ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IV ຂອງຕົນ, ເພື່ອເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ຂອງຕົນ,

ສາມາດບັນລຸຜົນສຳເລັດໃນຫຼາຍດ້ານ ເຮັດໃຫ້ໜ່ວຍພັກຂອງພະແນກດັ່ງກ່າວເຕີບໃຫຍ່ເຂັ້ມແຂງ ທາງດ້ານປະລິມານ ແລະ ຄຸນນະພາບ.ໄດ້ຊີ້ນຳ-ນຳພາ ແລະ ຕິດຕາມຊຸກຍູ້ວຽກງານຂອງແຕ່ລະຂະແໜງການພາຍໃນພະແນກ ແລະ ສູນສະຖິຕິ ໃຫ້ເຄື່ອນໄຫວປະຕິບັດຕາມພາລະບົດບາດຂອງຕົນ, ຮັບປະກັນໃຫ້ຖືກຕ້ອງສອດຄ່ອງຕາມມະຕິ, ຄຳສັ່ງແນະນຳຂອງຂັ້ນເທິງ

ໂດຍສະເພາະ ວຽກງານບໍລິຫານ – ຈັດຕັ້ງ, ການສ້າງ ແລະ ຈັດຕັ້ງປະຕິບັດແຜນການ 5 ປີ, ແຜນການປະຈຳປີ, ຄຸ້ມຄອງການຈັດຕັ້ງປະຕິບັດໂຄງການລົງທຶນຂອງລັດ, ຕິດຕາມ, ກວດກາ ແລະ ປະເມີນຜົນບັນດາໂຄງການລົງທຶນຂອງລັດ, ຊຸກຍູ້ສົ່ງເສີມການລົງທຶນຊ່ວຍເຫຼືອທາງການເພື່ອການພັດທະນາ, ລົງສຳຫຼວດ, ເກັບກຳ, ບໍລິການຂໍ້ມູນສະຖິຕິ ແລະ ອື່ນໆ, ເຮັດໃຫ້ການເຄື່ອນໄຫວວຽກງານແຕ່ລະດ້ານ ເຂົ້າສູ່ລະບຽບກົດໝາຍນັບມື້ນັບຫຼາຍຂື້ນ ແລະ ສາມາດປະກອບສ່ວນເຮັດໃຫ້ການພັດທະນາເສດຖະກິດ – ສັງຄົມ ແຂວງວຽງຈັນ ນັບມື້ກ້າວຂື້ນ.


ໃນກອງປະຊຸມ ບັນດາຜູ້ແທນກອງປະຊຸມ ຍັງໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ ບົນພື້ນຖານຄວາມຖືກຕ້ອງຕາມເງື່ອນໄຂ, ມາດຖານທີ່ໄດ້ກຳນົດໄວ້,

ໂດຍກອງປະຊຸມຄັ້ງປະຖົມມະລຶກ ໄດ້ເປັນເອກກະສັນກັນເລືອກເອົາ ສະຫາຍ ສຸກັນ ວິໄລຣັດ ເປັນເລຂາໜ່ວຍພັກ, ເລືອກເອົາ ສະຫາຍ ພຸດທະສັກ ແກ້ວວິໄຊ ເປັນຮອງເລຂາ, ສະຫາຍ ແສງຈັນ ດາລາວົງ ເປັນຄະນະໜ່ວຍພັກພະແນກແຜນການ ແລະ ການລົງທຶນ ແຂວງວຽງຈັນຊຸດໃໝ່.

ພ້ອມທັງເລືອກເອົາຜູ້ແທນສົມບູນແລະສຳຮອງໄປຮ່ວມກອງປະຊຸມໃຫຍ່ຄັ້ງທີVIຂອງອົງຄະນະພັກແຂວງທີ່ຈະໄຂຂຶ້ນໃນຕໍ່ໜ້ານີ້.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930