Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີປະກາດຮັບຮອງເອົາ ບ້ານໜອງສານ ແລະ ບ້ານຖ້ຳເທີບ ເປັນບ້ານພົ້ນທຸກ

1 min read

ເມືອງກາສີປະກາດຮັບຮອງເອົາ ບ້ານໜອງສານ
ແລະ ບ້ານຖ້ຳເທີບ ເປັນບ້ານພົ້ນທຸກ.

ໃນຕອນເຊົ້າຂອງວັນທີ 30 ມີຖຸນາ 2020 ນີ້ຢູ່ທີ່ສະໂມສອນຂອງບ້ານໜອງສານໄດ້ຈັດພິທີປະກາດຮັບຮອງເອົາບ້ານໜອງສານ ແລະ ບ້ານຖ້ຳເທີບ ເປັນບ້ານພົ້ນທຸກ.

ໂດຍການເປັນກຽດເຂົ້າຮ່ວມຂອງ ທ່ານ ບຸນສອນ ເພັດລາວັນ ຄະນະປະຈຳພັກແຂວງ ຮອງເຈົ້າແຂວງໆ ວຽງຈັນ, ມີທ່ານ ສີທົນ ແສງພະຈັນ ເລຂາພັກເມືອງ ເຈົ້າເມືອງໆກາສີ, ມີການນຳທີ່ກ່ຽວຂ້ອງຂອງແຂວງ, ຂອງເມືອງ ພ້ອມດ້ວຍອຳນາດການປົກຄອງ ແລະ ພໍ່ແມ່ປະຊາຊົນທັງສອງບ້ານເຂົ້າຮ່ວມ, ທ່ານ ບົວລຽນ ນາຍບ້ານໆ ຖ້ຳເທີບໄດ້ຕາງໜ້າໃຫ້ທັງສອງບ້ານຂື້ນຜ່ານບົດສະຫຼຸບຫຍໍ້ຂອງທັງສອງບ້ານວ່າ: ບ້ານໜອງສານ ແລະ ບ້ານຖ້ຳເທີບ ແມ່ນຂື້ນກັບກຸ່ມບ້ານປຸ່ງຫຼັກ ເຊິ່ງຕັ້ງຢູ່ຫ່າງຈາກເທດສະບານເມືອງໄປທາງທິດຕາເວນຕົກປະມານ 51 ກິໂລແມັດ, ທັງສອງບ້ານມີເນື້ອທີ່ທັງໜົດ 9.628 ເຮັກຕ່າ, ມີເນື້ອທີ່ນາ 380 ເຮັກຕ່າ, ມີໂຮງຮຽນມັດທະຍົມຕອນຕົ້ນ 01 ແຫ່ງ ອາຊີບຕົ້ນຕໍຂອງປະຊາຊົນແມ່ນຖືເອົາການປູກຝັງ-ລ້ຽງສັດ ສະເພາະບ້ານໜອງສານປະກອບມີ 164 ຫຼັງຄາເຮືອນ, ມີ 189 ຄອບຄົວ, ມີພົນລະເມືອງ 1.005 ຄົນ, ຍິງ 466 ຄົນ ປະກອບມີ 2 ຊົນເຜົ່າ; ຜ່ານການປະເມີນຄອບຄົວພົ້ນທຸກຕາມດໍາລັດ 348/ລບ ມີຄອບຄົວພົ້ນທຸກຈຳນວນ 186 ຄອບຄົວເທົ່າກັບ 97,60% ແລະ ຍັງຄອບຄົວທຸກຍາກ 04 ຄອບຄົວ ເທົ່າກັບ 2,39% ສ່ວນບ້ານຖ້ຳເທີບປະກອບມີ 159 ຫຼັງຄາເຮືອນ, ມີ 187 ຄອບຄົວ, ມີພົົນລະເມືອງ 918 ຄົນ, ຍິງ 436 ຄົນ, ປະກອບມີ 2 ຊົນເຜົ່າ, ຜ່ານການປະເມີນຕາມດໍາລັດ 348/ລບ ມີຄອບຄົວພົ້ນທຸກຈໍານວນ 182 ຄອບຄົວ ເທົ່າກັບ 96,20% ແລະ ຍັງມີຄອບຄົວທຸກຍາກຈໍານວນ 06 ຄອບຄົວເທົ່າກັບ 3,79% ສະເລ່ຍລາຍຮັບຕໍ່ຫົວຄົນທັງສອງບ້ານເທົ່າກັບ 2.876.331 ກີບຕໍ່ຄົນຕໍ່ປີ, ສະເລ່ຍເຂົ້າກີນເທົ່າກັບ 886 ກິໂລເຂົ້າແປືອກຕໍ່ຄົນຕໍ່ປີ,

ຫຼັງຈາກນັ້ນ ທ່ານ ທອງພັນ ມາລີຄຳ ຫົວໜ້າຫ້ອງການກະສິກຳ ແລະ ປ່າໄມ້ ເມືອງກາສີ ກໍໄດ້ຂື້ນຜ່ານຂໍ້ຕົກລົງຂອງເຈົ້າແຂວງໆວຽງຈັນ ສະບັບເລກທີ 92;93/ຈຂ.ວຈ ລົງວັນທີ 30 ມັງກອນ 2020 ວ່າດ້ວຍ ການອະນຸມັດຮັບຮອງເອົາບ້ານ ໜອງສານ ແລະ ບ້ານ ຖ້ຳເທີບ ເປັນບ້ານພົ້ນທຸກ.

ໃນໂອກາດທ້າຍພິທີຍັງໄດ້ຮັບຟັງການໂອລົມຂອງທ່ານຮອງເຈົ້າແຂວງ ເຊິ່ງກ່ອນອື່ນທ່ານໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຄະນະພັກຄະນະນຳເມືອງກາສີ ເວົ້າລວມ, ເວົ້າສະເພາະກໍ່ແມ່ນອໍານາດການປົກຄອງ ແລະ ພໍ່ແມ່ປະຊາຊົນທັງສອງບ້ານທີ່ຍາດໄດ້ຜົນງານໄຊຊະນະອັນໃຫ່ຍຫຼວງເຮັດໃຫ້ມີຢູ່ມີກີນ ສາມາດເພິ່ງຕົນເອງ ກຸ້ມຕົນເອງ ແລະ ລຸດພົ້ນອອກຈາກຄວາມທຸກຈົນ,

ພ້ອມນັ້ນ ທ່ານຍັງຮຽກຮ້ອງໃຫ້ສຶບຕໍ່ເອົາໃຈໃສ່ເຕົ້າໂຮມຄວາມສາມັກຄີປອງດອງຂອງປະຊາຊົນບັນດາເຜົ່າ ໃຫ້ເປັນຈິດໜຶ່ງໃຈດຽວກັນພ້ອມກັນສຶບຕໍ່ສ້າງສາພັດທະນາ ເສດຖະກິດຄອບຄົວ ແກ້ໄຂຊີວິດການເປັນຢູ່ ສຶບຕໍ່ທຳການຜະລິດໃຫ້ນັບມື້ນັບເພີ່ມຂື້ນຂາຍກາຍເປັນສີນຄ້າ, ປັບປຸງລະບົບການເມືອງຂອງບ້ານໃຫ້ມີຄວາມໜັກແໜ້ນເຂັ້ມແຂງຮອບດ້ານເອົາໃຈໃສ່ຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ທີ່ເກີດຂື້ນພາຍໃນບ້ານໃຫ້ໝົດໄປຢ່າງສີ້ນເຊິ່ງ, ຄຽງຄູກັນນັ້ນກໍ່ໄດ້ເອົາໃຈໃສ່ຕິດຕາມການເຂົ້າອອກຂອງພົນລະເມືອງທີ່ເຂົ້າມາໂດຍຖືກຕ້ອງ ເພື່ອລາຍງານໃຫ້ຂັ້ນເທິງຢ່າງເປັນທາງການ, ສຶບຕໍ່ປົກປັກຮັກສານາມມະຍົດບ້ານພົ້ນທຸກ ໃຫ້ຍືນຍົງໜັ້ນຄົງຕະຫຼອດໄປ.

(ຂ່າວ: ເມືອງກາສີ)

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031