Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຊະນະຄາມ ແຂວງວຽງຈັນ  ຈັດພິທີມອບ-ໂອນນາຍ ແລະ ພົນທະຫານ, ນາຍ ແລະ ພົນຕໍາຫຼວດ

1 min read

ເມືອງຊະນະຄາມ ແຂວງວຽງຈັນ  ຈັດພິທີມອບ-ໂອນນາຍ ແລະ ພົນທະຫານ, ນາຍ ແລະ ພົນຕໍາຫຼວດ.


ວັນທີ 1 ກໍລະກົດ 2020ນີ້, ຢູ່ທີ່ສະໂມສອນຂອງເມືອງດັ່ງກ່າວ, ໄດ້ຈັດພິທີມອບ-ໂອນນາຍ ແລະ ພົນທະຫານ, ນາຍ ແລະ ພົນຕໍາຫຼວດ ທີ່ທາງຫ້ອງການແຮງງານ-ສະຫວັດດີການສັງຄົມເມືອງໄດ້ຄຸ້ມຄອງໃນໄລຍະຜ່ານມາເພື່ອມອບ-ໂອນຄືນໃຫ້ແກ່ກອງບັນຊາການທະຫານເມືອງ ແລະ ກອງບັນຊາການ ປກສ ເມືອງ.

ໃຫ້ກຽດເຂົ້າຮ່ວມ ໂດຍທ່ານ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງຊະນະຄາມ, ມີບັນດາທ່ານໃນຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ປະທານສະມາຄົມບໍານານເມືອງ ພ້ອມດ້ວຍຄະນະ,ປະທານສະຫະພັນນັກຮົບເກົ່າເມືອງ ພ້ອມດ້ວຍຄະນະ ແລະ ບັນດາພະນັກງານຫຼັກແຫຼ່ງ ເຂົ້າຮ່ວມເປັນສັກຂີພະຍານໃນພິທີດັ່ງກ່າວ.


ຈຸດປະສົງຂອງພິທີໃນຄັ້ງນີ້ ກໍ່ເພື່ອເປັນການມອບ-ໂອນຄືນ ບັນດານາຍ ແລະ ພົນທະຫານ, ນາຍ ແລະ ພົນຕໍາຫຼວດ ທີ່ໄດ້ຮັບເງິນນະໂຍບາຍອຸດໜູນ, ນະໂຍບາຍເສຍອົງຄະໃນການສູ້ຮົບ ແລະ ອຸດໜູນນະໂຍບາຍຮັບໃຊ້ເຂົ້າໃນການສູ້ຮົບ ໃຫ້ແກ່ສອງກົມກອງກໍາລັງປະກອບອາວຸດຂອງເມືອງດັ່ງກ່າວ.


ທ່ານ ບຸນທໍາ ແສງທະວີໄຊ ຫົວໜ້າຫ້ອງການແຮງງານ, ສະຫວັດດີການ-ສັງຄົມເມືອງ, ໄດ້ຂຶ້ນລາຍງານສະພາບການເຄື່ອນໄຫວວຽກງານປະກັນສັງຄົມໃນໄລຍະຜ່ານມາ, ເຊິ່ງ ຫ້ອງການ ຮສສ ເມືອງ ໄດ້ເອົາໃຈໃສ່ເຄື່ອນໄຫວຕາມພາລະບົດບາດ, ຂອບເຂດສິດ ແລະ ໜ້າທີ່ໃນຂົງເຂດວຽກງານຂອງຕົນດ້ວຍຄວາມຮັບຜິດຊອບສູງ, ມາຮອດໄລຍະປະຈຸບັນມີຜູ່ໃຊ້ສິດບັດປະກັນສຸຂະພາບມີທັງໝົດ 1.671 ບັດ, ໃນນີ້ ພະນັກງານມີ 434 ບັດ, ຄູ່ສົມລົດມີ 406 ບັດ ແລະ ຜູ່ປະກັນຕົນມີ 831 ບັດ, ໄດ້ມອບເງິນນະໂຍບາຍອຸດໜູນເກີດລູກໃຫ້ພະນັກງານລັດຖະກອນເປັນຈໍານວນເງິນທັງໝົດ 47. 494.000 ກີບ, ມອບເງິນນະໂຍບາຍອຸດໜູນບໍາເນັດເທື່ອດຽວໃຫ້ພະນັກງານລັດຖະກອນຈໍານວນ 3 ຄົນ, ເປັນເງິນທັງໝົດ 207.989.000 ກີບ, ມອບເງີນນະໂບບາຍອຸດໜູນເສຍຊີວິດເປັນເງິນຈໍານວນ 423.940.000 ກີບ ແລະ ໄດ້ຕິດຕາມຄຸ້ມຄອງເງິນຮ່ວງ 8 ເປີເຊັນຂອງພະນັກງານລັດຖະກອນແຕ່ລະຫ້ອງການ ເພື່ອລາຍງານໃຫ້ສາຍຕັ້ງເປັນປົກກະຕິ.


ໃນພິທີຍັງໄດ້ ຜ່ານຂໍ້ຕົກລົງຂອງທ່ານເຈົ້າເມືອງວ່າດ້ວຍການມອບ-ໂອນນາຍ ແລະ ພົນທະຫານ, ນາຍ ແລະ ພົນຕໍາຫຼວດ ແລະ ຍັງໄດ້ສືບຕໍ່ໃນການເຊັນບົດບັນທຶກຮ່ວມກັນລະຫວ່າງຫ້ອງການ ຮສສເມືອງ ກັບ ທັງສອງກອງບັນຊາການໂດຍມີປະທານພິທີ ແລະ ບັນດາຜູ່ເຂົ້າຮ່ວມໃນພິທີຮ່ວມເປັນສັກສີພະຍານການມອບ-ໂອນ ຄັ້ງດັ່ງກ່າວ, ເຊິ່ງການມອບ-ໂອນໃນຄັ້ງນີ້ຈະມີພະນັກງານບໍານານ ແລະ ພາກສ່ວນຮັບເງິນອຸດໜູນຝ່າຍທະຫານລວມທັງໝົດ 23 ຄົນ, ຍິງ 6 ຄົນ ແລະ ຝ່າຍ ປກສ ມີທັງໝົດ 7 ຄົນ, ຍິງ 2 ຄົນ .


ໃນຕອນທ້າຍຂອງພິທີ ທ່ານ ສະໝານ ວິເສດຍະພົງສ໌ ເຈົ້າເມືອງຊະນະຄາມ ຍັງໄດ້ມີຄໍາເຫັນໂອ້ລົມຕໍ່ພິທີ ເຊິ່ງທ່ານໄດ້ຍົກໃຫ້ເຫັນບົດບາດຄວາມສໍາຄັນຂອງພະນັກງານອາວຸໂສ-ບໍານານ ແລະ ນັກຮົບປະຕິວັດເສຍອົງຄະ ທີ່ຍາມໃດກໍ່ເປັນຜູ່ທີ່ມີຄວາມຈົງຮັກພັກດີຕໍ່ພັກ-ເສຍສະຫຼະຕໍ່ປະເທດຊາດ, ເປັນຜູ່ທີ່ປະສົບການຊ່ຽວຊານອາວຸໂສໃນການຊີ້ນໍາ-ນໍາພາ ແລະ ມີປະສົບການເພື່ອເຕົ້າໂຮມຄວາມສາມັກຄີໃຫ້ເປັນປຶກແຜ່ນແໜ້ນໜາ,

ພ້ອມນີ້ທ່ານຍັງໄດ້ຮຽກຮ້ອງມາຍັງບັນດາທ່ານ ທີ່ໄດ້ຮັບການມອບ-ໂອນໃນຄັ້ງນີ້ ຈົ່ງເອົາໃຈໃສ່ໃນການຮັກສາມູນເຊື້ອແຫ່ງການປະຕິວັດ, ຮີດຄອງປະເພນີອັນດີງາມຂອງຊາດໃຫ້ໝັ້ັ້ນຄົງ, ມີຄວາມອຸ່ນອ່ຽງທຸ່ນທ່ຽງຕໍ່ແນວທາງອຸດົມການຂອງຕົນ, ຂອງພັກ ແລະ ຂອງປະເທດຊາດ, ເປັນຮົມໂພຮົມໄຊ ແລະ ເປັນທີ່ປຶກສາທີ່ດີໃຫ້ແກ່ພະນັກງານສືບທອດໃນອະນາຄົດ.

ຂ່າວ ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031