Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ມອບ-ຮັບເງິນນະໂຍບາຍໃຫ້ແກ່ຜູ້ມີຄຸນງາມ ຄວາມດີຕໍ່ປະເທດຊາດຕາມດຳລັດ 272/ ລບ ຂອງແຂວງວຽງຈັນ

1 min read

ມອບ-ຮັບເງິນນະໂຍບາຍໃຫ້ແກ່ຜູ້ມີຄຸນງາມ ຄວາມດີຕໍ່ປະເທດຊາດຕາມດຳລັດ 272/ ລບ ຂອງແຂວງວຽງຈັນ

ພິທີມອບ-ຮັບນະໂຍບາຍຕາມດຳລັດ 272/ລບ ຂອງແຂວງວຽງຈັນ ໄດ້ັຈັດຂື້ນ ຢູ່ທີ່ສະໂມສອນເມືອງເຟືອງ ໃນຕອນບ່າຍຂອງວັນທີ 1 ມີຖຸນາ 2020

ໂດຍການເປັນກຽດເຂົ້າຮ່ວມຂອງ ທ່ານ ບຸນສອນ ເພັດລາວັນ ຄະນະປະຈຳພັກແຂວງ ຮອງເຈົ້າແຂວງໆວຽງຈັນ, ມີ ທ່ານ ບຸນແພງ ແສງເພັດມະນີວົງ ຮອງເລຂາພັກເມືອງ ປະທານກວດກາພັກເມືອງ, ມີ ທ່ານ ບຸນຖົມ ພົງວິໄລ ຮອງຫົວໜ້າພະແນກແຮງງານ ແລະສະຫວັດດີການສັງຄົມ ແຂວງວຽງຈັນ, ຄະນະກຳມະການຂັ້ນແຂວງ, ຂັ້ນເມືອງ, ຫົວໜ້າຫ້ອງການ, ນາຍບ້ານ, ພະນັກງານບຳນານ ແລະເປົ້າໝາຍຜູ້ມີສິດໄດ້ຮັບນະໂຍບາຍ ໄດ້ພ້ອມກັນເຂົ້າຮ່ວມ.


ທ່ານ ນາງ ສົມພັນ ສີວິໄຊ ຫົວໜ້າຂະແໜງນະໂຍບາຍ ພະແນກແຮງງານ ແລະສະຫວັດດີການສັງຄົມແຂວງວຽງຈັນ ໄດ້ຂື້ນຜ່ານບົດສະຫຼຸບ ການຈັດຕັ້ງປະຕິບັດວຽກງານນະໂຍບາຍຕາມດຳລັດ 272/ລບໃນໄລຍະ 1 ປີຜ່ານມາ ແລະແຜນການຕໍ່ໜ້າ ທີ່ຈະໄດ້ພ້ອມກັນສຸມໃສ່ສຶກສາອບຮົມການເມືອງ-ແນວຄິດ ພະນັກງານອາວຸໂສ-ບຳນານ, ຜູ້ທີ່ໄດ້ຮັບນະໂຍບາຍ ແລະຜູ້ທີ່ບໍ່ທັນໄດ້ຮັບນະໂຍບາຍ ໃຫ້ມີແນວຄິດອຸ່ນອຽນ ທຸ່ນທ່ຽງເຊື່ອໝັນຕໍ່ການນຳພາຂອງຄະນະພັກແຕ່ລະຂັ້ນ, ມີທັດສະນະຫຼັກໝັ້ນ, ບໍ່ມີແນວຄິດຄອນແຄນ, ຮັກເຊື້ອ ແພງຊາດ ພ້ອມກັນປະກອບສ່ວນສ້າງສາພັດທະນາປະເທດຊາດໃຫ້ຈະເລີນ ສີວິໄລ.


ດ້ວຍຄວາມເປັນຫ່ວງເປັນໄຍ ຂອງການຈັດຕັ້ງຂັ້ນເທິງ ທີ່ມີຕໍ່ ນັກຮົບ, ນັກປະຕິວັດອາວຸໂສ ທີ່ມີຄຸນງາມຄວາມດີ ຕໍ່ປະເທດຊາດ ສະນັ້ນພັກ-ລັດ ຈຶ່ງໄດ້ອະນຸມັດນະໂຍບາຍ ຕາມດຳລັດ 272/ລບ. ສຳລັບ 11 ຕົວເມືອງໃນແຂວງວຽງຈັນ ມີທັງໝົດ 153 ທ່ານ, ເງິນນະໂຍບາຍທີ່ໄດ້ຮັບທັງໝົດ ຈຳນວນ 3.527.957.175 ກີບ,

ໃນນັ້ນ ນະໂຍບາຍອຸດໜຸນເທື່ອດຽວ ຜູ້ຍັງມີຊີວິດຈຳນວນ 32 ທ່ານ ເປັນເງິນ 599. 946.475 ກີບ, ນະໂຍບາຍອຸດໜູນເທື່ອດຽວຜູ້ເສຍສະຫຼະຊີວິດໃນປາງສົງຄາມມີ 110 ທ່ານ ເປັນເງິນ 2.319.117.900 ກີບ, ເງິນນະໂຍບາຍປຸກສ້າງສ້ອມແປງເຮືອນມີ 4 ທ່ານ ເປັນເງິນ 120.000.000 ກີບ, ນະໂຍບາຍປ່ຽນແທນໂກຕ້າລົດມີ 6 ທ່ານ ເປັນເງິນ 468.892.800 ກີບ ແລະນະໂຍບາຍຊົດເຊີຍນາມມະຍົດ ວິລະຊົນແຫ່ງຊາດມີ 1 ທ່ານ ເປັນເງິນ 20.000.000 ກີບ. ທ່ານ ບຸນສອນ ເພັດລາວັນ ຮອງເຈົ້າແຂວງໆວຽງຈັນ ໄດ້ໃຫ້ກຽດຂື້ນມອບ ແລະທ່ານ ບຸນແພງ ແສງເພັດມະນີວົງ ຮອງເລຂາພັກເມືອງ ປະທານກວດກາພັກເມືອງ ເຊິ່ງໄດ້ຕ່າງໜ້າໃຫ້ແກ່ບັນດາ 11 ຕົວເມືອງທີ່ນອນຢູ່ໃນແຂວງວຽງຈັນ ໄດ້ຂື້ນຮັບເງິນນະໂຍບາຍໃນຄັ້ງນີ້ ແລະໄດ້ມອບຕໍ່ໃຫ້ຄະນະກຳມະການທີ່ກ່ຽວຂ້ອງໄດ້ແຈກຢາຍໃຫ້ແຕ່ລະເມືອງທີ່ມີລາຍຊື່ໄດ້ຮັບ.


ສຳລັບເງິນນະໂຍບາຍຕາມດຳລັດ 272/ລບ ທີ່ທາງເມືອງເຟືອງໄດ້ຮັບໃນຄັ້ງນີ້ແມ່ນມີມູນຄ່າທັງໝົດ 2.701.064.800 ກີບ, ໃນນີ້ມີເງິນນະໂຍບາຍກິນທານຜູ້ເສຍສະຫຼະຊີວິດຈຳນວນ 103 ທ່ານ, ເປັນເງິນ 2.184.025.800 ກີບ, ເງິນອຸດໜູນເທື່ອດຽວຜູ້ຍັງມີຊີວິດຈຳນວນ 28 ທ່ານ ເປັນເງິນ 517.039.000 ກີບ, ທ່ານ ບຸນແພງ ແສງເພັດມະນີວົງ ໄດ້ໃຫ້ກຽດຂື້ນມອບໃຫ້ແກ່ ທ່ານ ບຸນມີ ເພັດຊົມພູ ຫົວໜ້າຫ້ອງການແຮງງານ ແລະສະຫວັດດີການສັງຄົມເມືອງ ແລະມອບໃຫ້ພະນັກງານວິຊາການຫ້ອງການເພຶ່ສຶບຕໍ່ແຈກຢາຍໃຫ້ແກ່ເປົ້າໝາຍຜູ້ມີສິດໄດ້ຮັບເງິນຕາມລຳດັບ.

ພາບ-ຂ່າວ : ຄຳລຸນ ສົມວົງໄຊ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed