Mon. Aug 10th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໂພນໂຮງ ແຂວງວຽງຈັນ ຈັດຊຸດຝຶກອົບຮົມວຽກງານວິຊາສະເພາະໄລຍະສັ້ນໃຫ້ກຳລັງປ້ອງກັນຄວາມສະຫງົບຂັ້ນບ້ານທົ່ວເມືອງ

1 min read

ເມືອງໂພນໂຮງ ແຂວງວຽງຈັນ ຈັດຊຸດຝຶກອົບຮົມວຽກງານວິຊາສະເພາະໄລຍະສັ້ນໃຫ້ກຳລັງປ້ອງກັນຄວາມສະຫງົບຂັ້ນບ້ານທົ່ວເມືອງ.

ກອງປະຊຸມຝຶກອົບຮົມວຽກງານວິຊາສະເພາະໄລຍະສັ້ນໃຫ້ກຳລັງປ້ອງກັນຄວາມສະຫງົບຂັ້ນບ້ານທົ່ວເມືອງໂພນໂຮງຈັດຂື້ນ.

ໃນວັນທີ 1-2 ກໍລະກົດ 2020 ນີ້ ຢູ່ທີ່ສະໂມສອນໃຫຍ່ຂອງເມືອງໂພນໂຮງ ພາຍໄຕ້ການເປັນປະທານຂອງ ທ່ານ ພັນໂທ ລາພັນ ໄຊທອງສາ ຄະນະປະຈຳພັກເມືອງ ຫົວໜ້າກອງບັນຊາການ ປ້ອງກັນຄວາມສະຫງົບເມືອງ,ມີທ່ານ ພັນໂທ ວິດາໄຊ ອາດທອງ ຫົວໜ້າຫ້ອງຄຸ້ມຄອງ ສຳມະໂນຄົວ-ກໍ່ສ້າງຮາກຖານ ປກສ ແຂວງວຽງຈັນ , ມີນາຍ ແລະ ພົນຕຳຫລວດ, ນາຍບ້ານ ແລະ ກຳລັງປ້ອງກັນຄວາມສະຫງົບຂັ້ນບ້ານທົ່ວເມືອງເຂົ້າຮ່ວມ 325 ຍິງ 19 ທ່ານ .

ໃນການຈັດຊຸດຝຶກອົບຮົມວຽກງານວິຊາສະເພາະໃຫ້ກຳລັງປ້ອງກັນຄວາມສະຫງົບຂັ້ນບ້ານຄັ້ງນີ້ກໍ່ເພື່ອເຮັດກຳລັງດັ່ງກ່າວໄດ້ ຮັບຮູ້ ເຖິງ ພາລະບົດບາດ ສິດໜ້າທີ,ແບບແຜນວິທີເຮັດວຽກທີ່ຖືກຕ້ອງ, ມີຄວາມສຳນານດ້ານວິຊາສະເພາະ ແນ່ໃສ່ປະຕິບັດໜ້າທີ່ຕາມການແບ່ງຄວາມຮັບຜິດຊອບ ແລະ ຮັກສາໄດ້ຄວາມສະຫງົບຂອງແຕ່ລະບ້ານໂດຍພື້ນຖານ.

ໃຫ້ກຽດຂື້ນນຳພາບັນລະຍາຍເອກະສານການຝຶກອົບຮົມຄັ້ງນີ້ໂດຍ ທ່ານ ພັນໂທ ລາພັນ ໄຊທອງສາ ຫົວໜ້າ ກອງບັນຊາການ ປກສ ເມືອງ ເປັນຕົ້ນເຊື່ອມຊຶມຄຳສັ່ງເລກທີ່ 01/ ຈຂ. ວຈ ວ່າດ້ວຍການເພີ່ມທະວິສະກັດກັ້ນ ແລະ ແກ້ໄຂປະກົດການຫຍໍ້ທໍ້ຕ່າງໆພາຍໃນແຂວງວຽງຈັນ,

ເອກະສານ 514 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກຳລັງປ້ອງກັນຄວາມສະຫງົບບ້ານ,ເອກະສານກອງຮ້ອຍ ໝວດໝູ່ ປກສ ບ້ານ,ວຽກງານ ຈົດທະບຽນຄຸ້ມຄອງສຳມະໂນຄົວ ແລະ ເອກະສານທີ່ຈຳເປັນອື່ນໆ ຜ່ານການຝຶກອົບຮົມໄລຍະ 2 ວັນ ເຫັນໄດ້ວ່າ ນັກສຳມະນາກອນ ແຕ່ລະບ້ານກໍ່ມີຄວາມຮັບຮູ້ເຂົ້າໃຈດີ ກຳໄດ້ ທິດສະດີ ຫລັກການ ໃນການຈັດຕັ້ງປະຕິບັດດີສົມຄວນ.


ການຝຶກອົບຮົມດຳເນີນໄປເປັນເວລາ 2 ວັນ ເຕັມ ແລະ ປິດ ຢ່າງ ສຳເລັດຜົນ.

ຂ່າວ: ສຸເວດ ວັນນະລິດ

 

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

August 2020
M T W T F S S
 12
3456789
10111213141516
17181920212223
24252627282930
31