Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເປີດນຳໃຊ້ບໍລິການຕະຫຼາດ ມະນີອຳພອນ ເມືອງ ທຸລະຄົມ ແຂວງ ວຽງຈັນ

1 min read

ເປີດນ້ຳໃຊ້ບໍລິການຕະຫຼາດ ມະນີອຳພອນ ເມືອງ ທຸລະຄົມ ແຂວງ ວຽງຈັນ.


ພິທີດັ່ງກ່າວໄດ້ຈັດຂຶ້ນໃນວັນທີ 3 ກໍລະກົດ 2020 ຜ່ານມາໂດຍການເປັນກຽດຮ່ວມຂອງ ທ່ານ ນາງ ສິງຄຳຄົງສະຫວັນ ຮອງເຈົ້າແຂວງໆວຽງຈັນ ມີບັນດາຫົວໜ້າພະແນກການ,ຫ້ອງການກ່ຽວຂ້ອງ,ແຂກຖືກເຊີນພ້ອມດ້ວຍຫົວໜ່ວຍທຸລະກິດຜູ້ປະກອບການຄ້າຂາຍເຂົ້າຮ່ວມ.


ທ່ານ ນາງ ກົງຈັນ ຈັນທະລາສີ ເຈົ້າຂອງຕະຫຼາດ ມະນີອຳພອນ ເມືອງ ທຸລະຄົມ ແຂວງວຽງຈັນ ໄດ້ຂຶ້ນຜ່ານບົດລາຍງານຍໍ້ກ່ຽວກັບການຈັດຕັ້ງປະຕິບັດວຽກງານການກໍ່ສ້າງຕະຫລາດມະນີອຳພອນເຊິ່ງມີທີ່ຕັ້ງຢູ່ບ້ານໂພນງາມນາຝ່າຍ, ເມືອງທຸລະຄົມ, ແຂວງວຽງຈັນ.


ເປົ້າໝາຍຕົ້ນຕໍຂອງການສ້າງຕະຫລາດດັ່ງກ່າວນີ້ກໍເພື່ອຕອບສະໜອງໃຫ້ບັນດາຫົວໜ່ວຍທຸລະກິດ, ຫ້າງຮ້ານ, ຜູ້ປະກອບການ ພໍ່ຄ້າຊາວຂາຍ ທີ່ມີຄວາມຫຍຸ້ງຍາກບ່ອນຈໍາໜ່າຍ ຫລືຂາຍສິນຄ້າ,

ເປັນບ່ອນຮອງຮັບຜະລິດຕະພັນຫັດຖະກໍາຂອງຫົວໜ່ວຍຄອບຄົວ, ເຄື່ອງອຸປະໂພກ,ບໍລິໂພກ, ເຄື່ອງໃຊ້ສອຍ ແລະ ຜົນຜະລິດຂອງ ຊາວກະສິກອນ-ຊາວສວນ, ອາຫານການກິນຕາມທຳມະ ຊາດ,ຂອງແຕ່ລະທ້ອງຖິ່ນ ເພື່ອແລກປ່ຽນສິນຄ້າ, ວາງຂາຍແບບລວມສູນ,ປະກອບສ່ວນໃນການແກ້ໄຂວຽກເຮັດງານທໍາເຮັດໃຫ້ປະຊາຊົນມີລາຍຮັບສູ່ຄອບຄົວ.


ຕະຫລາດມະນີອຳພອນ ມີເນື້ອທີ່ທັງໝົດ 2 ເຮັກຕ້າ, ເປັນດິນສ່ວນຕົວຂອງຄອບຄົວ ການລົງທຶນໃຮູບແບບເອກະຊົນ, ພາຍໃຕ້ການອະນຸມັດຈາກອົງການປົກຄອງເມືອງ ແລະ ຂະແໜງການກ່ຽວຂ້ອງໃນແຕ່ລະຂັ້ນ, ສະຖານທີ່ຕັ້ງຢູ່ບ້ານໂພນງາມນາຝ້າຍ ຄຸ້ມນາຊ່າງເຫລັກ ຕິດກັບທາງຫລວງແຫ່ງຊາດ ເລກທີ 10 ຢູ່ໃກ້ຊຸມຊົນ ເຊິ່ງມີຄວາມເໝາະສົມໃນການບໍລິການຮັບໃຊ້ສັງຄົມ ກໍ່ຄືຜູ້ທີ່ເດີນທາງຜ່ານກາຍໄປມາ,

ຂັ້ນຕອນ, ບັນດາສິ່ງປຸກສ້າງ ແລະ ມູນຄ່າການກໍ່ສ້າງໄດ້ສຸມໃສ່ການລົງມືກໍ່ສ້າງຕາມແບບເຕັກນິກທີ່ໄດ້ຮັບຮອງ, ບັນດານາຍຊ່າງ ແລະ ວິຊາການ ຮັບຜິດຊອບການກໍ່ສ້າງ ພາຍໃນຕະຫລາດປະກອບມີອາຄານເປັນຫ້ອງໂຖງໃຫຍ່ໜຶ່ງຫລັງ ເພື່ອວາງຂາຍປະເພດຈໍາພວກພືດຜັກ, ຊີ້ນ, ປາ ແລະ ເຄື່ອງບໍລິໂພກອື່ນຯ ,

ມີຫ້ອງວາງຂາຍສິນຄ້າປະເພດເຄື່ອງນຸ່ງ, ເຄື່ອງໃຊ້ສອຍ, ເຄື່ອງແຫ້ງ ຈໍານວນ 22 ຫ້ອງ, ມີອາຄານອາເນກປະສົງສໍາລັບຂາຍເຄື່ອງ ທະເລ, ຂາຍປະເພດປີ້ງ 1 ຫລັງ, ມີຕົວສໍາລັບວາງຂາຍ ເຄື່ອງ 60 ໜ່ວຍ, ມີຫ້ອງການຈັດສັນຕະຫລາດ 1
ຫລັງ, ມີຫ້ອງນ້ໍາ 1 ຫລັງ, ມີບ່ອນຮັບຝາກລົດ ແລະ ເດີ່ນທີ່ກວ້າງຂວາງ, ມີການວາງທໍ່ນ້ຳ, ລະບົບໄຟຟ້າ, ບ່ອນບໍາບັດນ້ໍາເສຍ, ບ່ອນແຍກ ແລະ ພັກສິ່ງເສດເຫລືອ ແລະ ຂີ້ເຫຍື້ອ, ມີເສັ້ນທາງອ້ອມທີ່ລົດສາມາດເຂົ້າອອກໄດ້, ມີບັ້ງດັບເພີງກຽມລ໋ອມແກ້ໄຂເບື້ອງຕົ້ນໃນເວລາສຸກເສີນ, ການກໍ່ສ້າງໄດ້ເລີ້ມແຕ່ກາງເດືອນກັນຍາ ປີ 2019 ແລະ ໄດ້ສໍາເລັດໃຫ້ລະດັບພື້ນຖານ

ໃນເດືອນ ມິຖຸນາ ປີ 2020ລວມມູນຄ່າທັງໝົດ ຈໍານວນ 2,5 ຕື້ກີບ.ພ້ອມນີ້ຍັງໄດ້ອອກກົດລະບຽບ ໃຫ້ລູກຄ້າ ຫລື ຜູ້ມາໃຊ້ບໍລິການ ຕ້ອງເອົາໃຈໃສ່ຊ່ວຍກັນຮັກສາຄວາມສະອາດ, ບໍ່ຖິ້ມຂີ້ເຫຍື້ອ, ສິ່ງເສດເຫລືອ ຫລື ນໍ້າເປື້ອນຊະຊາຍ, ຫ້າມນໍາເອົາສິນຄ້າເຖື່ອນຜິດກົດໝາຍ,

ສິນຄ້າເສຍຄຸນໝົດອາຍຸ ມາວາງຂາຍໃນຕະຫລາດເດັດຂາດ ແລະ ຫ້າມບໍ່ໃຫ້ຕັ້ງວົງຊຸມແຊວ, ຫລິ້ນການພະນັນທຸກປະເພດ ແລະ ຫ້າມມົ້ວສຸມຄ້າຂາຍ ຫລີ ເສບຢາເສບຕິດຕື່ມອີກ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031