Mon. Aug 10th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມສຳມະນາເຜີຍແຜ່ບັນດາລະບຽບກົດໝາຍ, ນິຕິກຳຕ່າງໆກ່ຽວກັບວຽກງານການຄຸ້ມຄອງດ້ານສິ່ງແວດລ້ອມ ຢູ່ເມືອງເຟືອງ

1 min read

ກອງປະຊຸມສຳມະນາເຜີຍແຜ່ບັນດາລະບຽບກົດໝາຍ, ນິຕິກຳຕ່າງໆກ່ຽວກັບວຽກງານການຄຸ້ມຄອງດ້ານສິ່ງແວດລ້ອມ ຢູ່ເມືອງເຟືອງ.


ໄລຍະວັນທີ 1-2 ກໍລະກົດ 2020 ຜູ້ປະກອບການໂຄງການລົງທຶນ, ຫົວໜ່ວຍທຸລະກິດຕ່າງໆຢູ່ພາຍໃນເມືອງເຟືອງ ໄດ້ເຂົ້າເຊື່ອມຊຶມລະບຽບກົດໝາຍ ດ້ານວຽກງານຄຸ້ມຄອງສິ່ງແວດລ້ອມ ແລະລະບຽບການຕ່າງໆ ກ່ຽວກັບການອອກອະນຸຍາດຂອງບັນດາພະແນກການ ແລະຫ້ອງການຂັ້ນເມືອງ ເພື່ອສ້າງຄວາມເຂັ້ມແຂງໃຫ້ເມືອງເປັນຕົ້ນແມ່ນບັນດາບໍລິສັດ, ຜູ້ປະກອບການກິດຈະການ ໄດ້ເຂົ້ົາໃຈລະບຽບກົດໝາຍ, ນິຕິກຳ ຮັບປະກັນເຮັດໃຫ້ການພັດທະນາມີຄວາມຍືນຍົງ, ເສດຖະກິດມີການຂະຫຍາຍຕົວ ຄຽງຄູ່ກັບການປົກປັກ ຮັກສາສິ່ງແວດ ລ້ອມ, ຊຶ່ງກອງປະຊຸມດັ່ງກ່ຽວໄດ້ຈັດຂື້ນຢູ່ທີ່ສະໂມສອນເມືອງເຟືອງ.

ໂດຍແມ່ນ ທ່ານ ທະວີສັກ ວົງສະຫວ່າງ ຄະນະປະຈຳພັກເມືອງ ຮອງເຈົ້າເມືອງໆເຟືອງໃຫ້ກຽດເຂົ້າຮ່ວມ, ທ່ານ ບຸນມາ ຈັນທະລັງສີ ກຳມະການພັກເມືອງ ຮອງຫົວໜ້າຫ້ອງການ ຊັບພະຍາກອນທຳມະຊາດ ແລະສິ່ງແວດລ້ອມເມືອງ, ທ່ານ ບຸນທະວີ ຈັນທະວົງ ຮອງຫົວໜ້າຂະແໜງບໍລິຫານ ພະແນກຊັບພະຍາກອນທຳມະຊາດ ແລະສິ່ງແວດລ້ອມແຂວງວຽງຈັນ, ມີບັນດາຕາງໜ້າພະແນກການ, ຫ້ອງການຂັ້ນເມືອງ ທີ່ກ່ຽວຂ້ອງ ແລະຜູ້ປະກອບການຢູ່ພາຍໃນເມືອງ ໄດ້ພ້ອມກັນເຂົ້າຮ່ວມທັງໝົົດ 77 ທ່ານ, ຍິງ 25 ທ່ານ.


ໃນໄລຍະດຳເນີນກອງປະຊຸມຄັ້ງນີ້ ມີຕາງໜ້າພະແນກການຂັ້ນແຂວງ, ຫ້ອງການຂັ້ນເມືອງທີ່ກ່ຽວຂ້ອງ ໄດ້ຂື້ນເຜີຍແຜ່ກົດໝາຍ ປະກອບມີ 8 ກົດໝາຍຄື: ກົດໝາຍ ນິຕິກຳ ກ່ຽວກັບຂະບວນການອອກອະນຸຍາດສິ່ງແວດລ້ອມຂອງໂຄງການ; ກ່ຽວກັບຂະບວນການຄຸ້ມວຽກງານສິ່ງແວດລ້ອມຂອງໂຄງການ; ກ່ຽວກັບຂະບວນການຕິດຕາມ ກວດກາວຽກງານສິ່ງແວດລ້ອມໂຄງການ; ກົດໝາຍຊັບພະຍາກອນນ້ຳ; ກົດໝາຍ ສົ່ງເສີມການລົງທຶນ; ກົດໝາຍ ອຸດສາຫະກຳ ແລະການຄ້າ; ກົດໝາຍ ກະສິກຳ ແລະປ່າໄມ້; ກົດໝາຍບໍ່ແຮ່ ບາງໝວດ ບາງມາດຕາ ທີ່ຕິດພັນກັບວຽກງານສິ່ງແວດລ້ອມ, ນອກນີ້ ຜູ້ເຂົ້າຮ່ວມກອງປະຊຸມແຕ່ລະພາກສ່ວນກໍ່ໄດ້ຜັດປ່ຽນກັນຂື້ນ ປະກອບຄຳຄິດ ຄຳເຫັນ, ຖອດຖອນ ແລກປ່ຽນບົດຮຽນເຊິ່ງກັນ ແລະກັນ.


ຕອນທ້າຍ ປະທານກອງປະຊຸມກໍໄດ້ແນະນຳໃຫ້ຜູ້ປະກອບການ ກິດຈະການຕ່າງໆຢູ່ພາຍໃນເມືອງ ຈົ່ງນຳເອົາບົດຮຽນທີ່ໄດ້ເຊື່ອມຊຶມໃນຄັ້ງນີ້ ເພື່ອໄປໝູນໃຊ້ເຂົ້າໃນກິດຈະການທີ່ຕົນດຳເນີນ ໃຫ້ຖືກຕ້ອງ ສອດຄ່ອງໄປຕາມແນວທາງນະໂຍບາຍຂອງພັກ ແລະລະບຽບກົດໝາຍຂອງລັດ ພ້ອມກັນສ້າງສາພັດທະນາເມືອງເຟືອງໃຫ້ມີຄວາມຈະເລີນກ້າວໜ້າຂື້ນໄປເລື້ອຍໆ.

ຂ່າວໂດຍ: ສົມຄິດ ຈິດດາວົງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

August 2020
M T W T F S S
 12
3456789
10111213141516
17181920212223
24252627282930
31