Mon. Aug 10th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະພັກຮາກຖານວິທະຍາໄລເຕັກນິກແຂວງວຽງຈັນ ສຳເລັດກອງປະຊຸມໃຫຍ່ຄັ້ງທີ່ I 

1 min read

ຄະນະພັກຮາກຖານວິທະຍາໄລເຕັກນິກແຂວງວຽງຈັນ ສຳເລັດກອງປະຊຸມໃຫຍ່ຄັ້ງທີ່ I


ວັນທີ 3 ກໍລະກົດ 2020 ຜ່ານມານີ້ ຄະນະພັກຮາກຖານວິທະຍາໄລເຕັກນິກ ແຂວງວຽງຈັນ ເປີດກອງປະຊຸມໃຫຍ່ຄະນະພັກຮາກຖານ ຄັ້ງທີ I ຂອງຕົນຂື້ນ ຢູ່ທີ່ສະໂມສອນວິທະຍາໄລເຕັກນິກແຂວງວຽງຈັນ ໂດຍການເປັນປະທານຂອງສະຫາຍ ທອງຫຼໍ່ ວິໄລທອງ ຮັກສາການເລຂາຄະນະພັກຮາກຖານ ອໍານວຍການວິທະຍາໄລເຕັກນິກ ແຂວງວຽງຈັນ.

 

 

ເປັນກຽດເຂົ້າຮ່ວມຂອງສະຫາຍ ນ. ຈັນແພງ ວິພາວັນ ຄະນະປະຈຳພັກແຂວງ ຫົວໜ້າພະແນກສຶກສາທິການ ແລະ ກິລາ ແຂວງວຽງຈັນ, ມີຄະນະຮັບຜິດຊອບກອງປະຊຸມຂັ້ນແຂວງ, ແຂກຖືກເຊີນ ພ້ອວມດ້ວຍຜູ້ແທນສົມບູນພາຍໃນວິທະຍາໄລເຕັກນິກ ແຂວງວຽງຈັນເຂົ້າຮ່ວມ.


ສະຫາຍ ທອງຫຼໍ່ຼໍຼໍ່ຼຼໍ່ຼໍຼໍ່ຼໍ່ຼໍຼໍ່ຼຼໍ່ຼໍຼໍຼໍ່ຼໍຼໍ່ຼຼໍ່ຼໍຼໍ່ຼໍ່ຼໍຼໍ່ຼຼໍ່ຼໍຼ ວິໄລທອງ ຮັກສາການເລຂາຄະນະພັກຮາກຖານ ອໍານວຍການວິທະຍາໄລເຕັກນິກ ແຂວງວຽງຈັນ ຂື້ນຜ່ານຮ່າງບົດລາຍງານການເມືອງທັງສອງພາກ ໃນການຈັດຕັ້ງປະຕິບັດໜ້າທີ່ວຽກງານຕະຫຼອດໄລຍະ 5 ປີ ຜ່ານມາ ເຊິ່ງຍົກໃຫ້ເຫັນຜົນງານດ້ານດີ-ດ້ານອອ່ນ ແລະ ບົດຮຽນທີ່ທອດຖອນໄດ້ໃນການເຄື່ອນໄຫວວຽກງານຜ່ານມາ.

ປະຈຸບັນຮາກຖານພັກວິທະຍາໄລເຕັກນິກແຂວງວຽງຈັນ ມີສະມາຊິກພັກທັງໜົດ 68 ສະຫາຍ ຍິງ 33 ສະຫາຍ ຄະນະພັກຮາຖານ ພວກເຮົາໄດ້ເອົາໃຈໃສ່ສຶກສາອົບຮົມການເມືອງນຳພາ-ແນວຄິດ ໃຫ້ແກ່ສະມາຊິກພັກ, ພະນັກງານຄູ-ອາຈານ ຕະຫຼອດນັກຮຽນ-ນັກສຶກສາ ຢ່າງເປັນປົກກະຕິດ້ວຍຫຼາຍຮູບການເປັນຕົ້ນເຜີຍແຜ່ເຊື່ອມຊືມມະຕິຕ່າງໆຂອງພັກ-ລັດ ຢ່າງເປັນປົກກະຕິ ເຮັດໃຫ້ພະນັກງານສະມາຊິກພັກມີຄວາມຕື່ນຕົວໃນການປະຕິບັດໜ້າທີ່ວຽກງານຂອງຕົນ ມີຄວາມເຊື່ອໝັ້ນຕໍ່ການນໍາພາຂອງພັກ, ມີຄວາມຈົ່ງຮັກພັກດີຕໍ່ພັກ-ລັດ ແລະ ປະຊາຊົນ ເຄົາລົບລະບຽບກົດໝາຍຂອງລັດ,

ເອົາໃຈໃສ່ສະກັດກັ້ນ ແລະ ຕ້ານປະກົດການຫຍໍ້ທໍ້ຢູ່ພາຍໃນວິທະຍາໄລເຕັກຕິກແຂວງວຽງຈັນ ໃຫ້ໝົດໄປເທື່ອລະກ້າວ, ພ້ອມນັ້ນຍັງໄດ້ຊີ້ນໍາ-ນໍາພາພະນັກງານຄູ-ອາຈານແຕ່ລະພາກວິຊາ ຈັດຕັ້ງຫຼັກສູດການຮຽນການສອນໄລຍະສັ້ນ-ໄລຍະຍາວ ໄປຍົກລະດັບຢູ່ພາຍໃນ ແລະ ຕ່າງປະເທດຢ່າງຕໍ່ເນື່ອງແນໃສ່ເພື່ອພັດທະນາຄູອາຈານໃຫ້ມີຄວາມຮູ້ຄວາມສາມາດຫຼາຍຂື້ນກວ່າເກົ່າ ໃນກອງປະຊຸມໄດ້ຍັງໄດ້ພັດປ່ຽນກັນປະກອບຄໍາຄິດເຫັນໃສ່ບົດລາຍງານການເມືອງ, ທິດທາງແຜນການໃນຕໍ່ໜ້າ, ເພື່ອເຮັດໃຫ້ຮ່າງບົດລາຍງານມີເນື້ອໃນຄົບຖ້ວນສົມບູນຂື້ນຕື່ມ, ຈາກນັ້ນຄະນະພັກຊຸດເກົ່າຂື້ນຜ່ານບົດສໍາຫຼວດການນໍາພາລວມ ແລະ ກ່າວລາໜ້າທີ່.


ກອງປະຊຸມຍັງໄດ້ດຳເນີນການປ່ອນບັດເລືອກຕັ້ງເອົາຄະນະພັກຮາກຖານວິທະຍາໄລເຕັກນິກແຂວງວຽງຈັນ ຊຸດໃໝ່ໂດຍມີຜູ້ເຂົ້າສະໜັກ 7 ສະຫາຍເລືອກເອົາ 5 ສະຫາຍ ໃນນີ້ກອງປະຊຸມປະຖົມມະລຶກໄດ້ເປັນເອກະສັນກັນເລືອກເອົາສະຫາຍ ທອງຫຼໍ່ ວິໄລທອງ ເປັນເລຂາຄະນະພັກຮາກຖານຊຸດໃໝ່, ສະຫາຍ ນ. ກົງຈິດ ນ້ອຍເທບອໍານວຍ ເປັນຮອງເລຂາ, ສະຫາຍ ຈັນທະວົງ ແກ້ວວິໄລ, ສະຫາຍ ທອງສາ ອິນທະວົງ, ສະຫາຍ ຄໍາເພັດ ອ່ອນປະເສີດ ເປັນຄະນະ

ພ້ອມນັ້ນກອງປະຊຸມຍັງໄດ້ເລືອກສະຫາຍ ນ. ກົງຈິດ ນ້ອຍເທບອໍານວຍ ເປັນປະທານກວດກາ, ສະຫາຍ ຄໍາຫຼ້າ ພໍລະສີມ ເປັນຮອງປະທານກວດກາ ແລະ ສະຫາຍ ຄໍາພູໄທ ນວນລະຫົງ ເປັນຄະນະ ເພື່ອໄປຊີ້ນຳ-ນຳພາຮາກຖານພັກຂອງຕົນເຮັດສຳເລັດໜ້າທີ່ກ້າວຂື້ນຢ່າງບໍ່ຢຸດຢັ້ງ.


ໂອກາດດຽວກັນນີ້ຍັງໄດ້ຮັບຟັງການໂອ້ລົມຂອງ ສະຫາຍ ນາງ ຈັນເເພງ ວິພາວັນ ຄະນະປະຈໍາພັກແຂວງ, ຫົວໜ້າພະແນກສຶກສາທິການ ແລະ ກິລາແຂວງວຽງຈັນ ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານໃນໄລຍະ 5 ປີຜ່ານມາ ຢ່າງສຸດໃຈ

ພ້ອມທັງຮຽກຮ້ອງໃຫ້ຄະນະພັກຮາກຖານວິທະຍາໄລເຕັກນິກແຂວງວຽງຈັນຊຸດໃໝ່ ຈົ່ງເອົາໃຈໃສ່ຕໍ່ວຽກງານການເມືອງ-ນຳພາແນວຄິດເປັນຫຼັກ ເອົາໃຈໃສ່ສ້າງແບບແຜນວິທີນຳພາ-ແບບແຜນວິທີເຮັດວຽກໃຫ້ທັນສະໄໝ, ສ້າງຄວາມສາມັກຄີພາຍໃນໃຫ້ແໜ້ນແຟ້ນ,

ເຮັດວຽກຕາມຫຼັກການລວມສູນປະຊາທີປະໄຕ, ເປັນແບບຢ່າງທີ່ດີ ພ້ອມກັນສືບຕໍ່ຊີ້ນຳ-ນຳພາ ພະນັກງານ-ສະມາຊິກພັກ ຂອງຕົນເອົາໃຈໃສ່ຕໍ່ວຽກງານວິຊາສະເພາະດ້ານຕ່າງໆ ແລະຖ່າຍທອດຄວາມຮູ້ໃຫ້ນັກຮຽນ-ນັກສຶກສາໃຫ້ໄດ້ຄຸນນະພາບດີຂຶ້ນກວ່າເກົ່າ .

ພາບ-ຂ່າວ: ປກສ ແຂວງວຽງຈັນ, ທອງສີ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

August 2020
M T W T F S S
 12
3456789
10111213141516
17181920212223
24252627282930
31