Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສຳເລັດກອງປະຊຸມໃຫຍ່ ສະມາຊິກພັກຄະນະພັກຮາກຖານພະແນກສາທາລະນະສຸກ ແຂວງວຽງຈັນ.

1 min read

ກອງປະຊຸມໄດ້ຈັດຂຶ້ນໃນວັນທີ 2 ກໍລະກົດ 2020 ນີ້ ຢູ່ທີ່ສະໂມສອນ ກອງບັນຊາການທະຫານ ແຂວງວຽງຈັນ

ໂດຍການເປັນປະທານຂອງ ສະຫາຍ ອິນປອນ ມະນີແສງ ເລຂາຄະນະພັກຮາກຖານ ພະແນກ ສາທາລະນະສຸກແຂວງວຽງຈັນ ເປັນກຽດເຂົ້າຮ່ວມຂອງສະຫາຍ ຄຳພອນ ພຸດທະວົງ ເລຂາຄະນະພັກກະຊວງສາທາລະນະສຸກ, ມີຄະນະຊີ້ນຳກອງປະຊຸມໃຫຍ່ ສາມ ຂັ້ນຂອງແຂວງ, ແຂກຖືກເຊີນ ແລະ ຜູ້ແທນສົມບູນ100 ກ່ວາສະຫາຍເຂົ້າຮ່ວມ.

ສະຫາຍ ອິນປອນ ມະນີແສງ ເລຂາຄະນະພັກຮາກຖານ ພະແນກ ສາທາລະນະສຸກແຂວງວຽງຈັນ ໄດ້ຂຶ້ນຜ່ານ ຮ່າງບົດລາຍງານການເມືອງ ທັງສອງພາກ ແລະ ບົດສຳຫຼວດການນຳພາລວມຂອງຄະນະພັກຮາກຖານໃນຕະລອດໄລຍະ 5 ປີຜ່ານມາ.

ຜົນສຳເລັດຕໍ່ຫນ້າທີ່ວຽກງານທີ່ຍາດມາໄດ້ຂອງຄະນະພັກກໍຍ້ອນການຊີ້ນຳ-ນຳພາຈາກຄະນະພັກຂັ້ນເທິງມີຄວາມໃກ້ຊິດຕິດແທດເຮັດໃຫ້ຖັນແຖວສະມາຊິກພັກ,ພະນັກງານ ມີຄວາມອຸນອຽນທຸ່ນທ່ຽງເຊື່ອຫມັ້ນຕໍ່ການນຳພາຂອງພັກເຮັດໃຫ້ການຈັດຕັ້ງປະຕິບັດມະຕິຄຳສັ່ງຂອງພັກ,ລະບຽງກົດຫມາຍຂອງລັດໄດ້ເປັນຢ່າງດີ ເຮັດໃຫ້ພາຍໃນຄະນະພັກມີຄວາມສະຫງົບໂດຍພື້ນຖານ.

ໃນກອງປະຊຸມໃຫຍ່ຄັ້ງນີ້ ຍັງໄດ້ຜ່ານມະຕິຕົກລົງ ວ່າດ້ວຍ ການອະນຸມັດ ຍຸບຄະນະພັກຮາກຖານ ໂຮງຫມໍແຂວງວຽງຈັນ ເປັນຫນ່ວຍພັກຫນຶ່ງ ໃຫ້ຂຶ້ນກັບຄະນະພັກຮາກຖານ ພະແນກສາທາລະນະສຸກ ແຂວງວຽງຈັນ ແລະ ຜ່ານມະຕິຕົກລົງ ວ່າດ້ວຍ ການອະນຸມັດບົ່ງຕົວແຕ່ງຕັ້ງຄະນະຫນ່ວຍພັກ ໂຮງຫມໍ ແຂວງວຽງຈັນ.


ບົ່ງຕົວແຕ່ງຕັ້ງ ສະຫາຍ ສົມຍົດ ດວງພະຈັນ ເປັນເລຂາຫນ່ວຍພັກ,ສະຫາຍ ສີໂຫ ແສງສະຫວ່າງ ເປັນຮອງເລຂາ ແລະ ສະຫາຍ ນາງ ວັນເພັງ ພັນທະນາໄລ ເປັນ ຄະນະຫນ່ວຍພັກ

ແລະ ຜ່ານມະຕິຕົກລົງ ວ່າດ້ວຍ ການອະນຸມັດບົ່ງຕົວແຕ່ງຕັ້ງຄະນະພັກຮາກຖານ ພະແນກສາທາລະນະສຸກ ແຂວງວຽງຈັນ, ອະນຸມັດບົ່ງຕົວແຕ່ງຕັ້ງຄະນະພັກຮາກຖານພະແນກສາທາລະນະສຸກ ແຂວງ ຈໍານວນ 7 ສະຫາຍຄື :


ສະຫາຍ ອິນປອນ ມະນີແສງ ເປັນເລຂາຄະນະພັກຮາກຖານ, ສະຫາຍ ສົມຍົດ ດວງພະຈັນ ເປັນຮອງເລຂາ,ສະຫາຍ ນາງ ວຽງມະນີ ແກ້ວມະຫາວົງ ແລະ ອີກ 4 ສະຫາຍເປັນຄະນະພັກຮາກຖານຊຸດໃຫມ່ ເພື່ອພ້ອມກັນສືບຕໍ່ຈັດຕັ້ງປະຕິບັດວຽກງານໃນຕໍ່ຫນ້າໃຫ້ເກີດຫມາກຜົນຕົວຈິງ,

ຕອນທ້າຍກອງປະຊຸມຍັງໄດ້ຮັບຟັງການໂອ້ລົມຈາກຂັ້ນເທີງຕື່ມອີກ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed