Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຫີນເຫີບເລົ່າມູນເຊື້ອວັນກິລາ – ກາຍະກໍາແຫ່ງຊາດລາວຄົບຮອບ 54 ປີ

1 min read

ເມືອງຫີນເຫີບເລົ່າມູນເຊື້ອວັນກິລາ – ກາຍະກໍາແຫ່ງຊາດລາວຄົບຮອບ 54 ປີ.

ວັນທີ 14 ກໍລະກົດ 2020 ຢູ່ທີ່ຫ້ອງການສຶກສາທິການ ແລະ ກິລາເມືອງຫີນເຫີບແຂວງວຽງຈັນໄດ້ຈັດພິທີເລົ່າມູນ ເຊື້ອວັນກິລາ – ກາຍະກໍາແຫ່ງຊາດລາວຄົບຮອບ 54 ປີ ( 13 / 7 / 1966 – 13 / 7 / 2020 ) ໂດຍການເຂົ້າຮ່ວມຂອງ ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບ, ມີ ທ່ານ ຄໍາສອນ ຈັນທະລັງສີ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງ, ຄະນະປະຈໍາ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ ແລະ ພະນັກງານພາຍໃນຫ້ອງການສຶກສາເມືອງເຂົ້າຮ່ວມ.


ທ່ານ ວອນ ວໍລະສານ ໄດ້ໃຫ້ກຽດຂຶ້ນເລົ່າມູນເຊື້ອວັນກິລາ – ກາຍະກໍາແຫ່ງຊາດລາວຄົບຮອບ 54 ປີວ່າ ກິລາ – ກາຍະກໍາກໍແມ່ນພາກສ່ວນໜຶ່ງຂອງວັດທະນະທໍາທັງແມ່ນຜະລິດຕະພັນທີ່ມວນມະນຸດເປັນຜູ້ສ້າງຂຶ້ນເພື່ອຮັບໃຊ້ແກ່ການຂະ ຫຍາຍຕົວເຂົ້າໃນວຽກງານດ້ານຕ່າງໆຂອງສັງຄົມ ແລະ ມີຄຸນປະໂຫຍດຕໍ່ຊີວິດຈິດໃຈໃຫ້ຄຸນຄ່າທາງດ້ານສຸຂະພາບ, ພາລະນາໄມໃຫ້ຄວາມຮູ້ໃນການປະຊາສໍາພັນລະຫວ່າງຄົນກັບຄົນ ແລະ ໃຫ້ຄຸນປະໂຫຍດຢ່າງມະຫາສານໃນຖານະເປັນອາຫານທາງດ້ານຈິດໃຈ ແລະ ມັນສະໝອງຂອງມວນມະນຸດ.


ຍ້ອນຫຼັງຄືນໄປ 54 ປີກ່ອນນວັນທີ 13 ກໍລະກົດ 1966 ຢູ່ເຂດທີ່ໝັ້ນການປະຕິວັດແຫ່ງໜຶ່ງໃນແຂວງຫົວພັນ ທ່ານ ສີສະຫວາດ ແກ້ວບຸນພັນ ເຊິ່ງເວລານັ້ນເພິ່ນດໍາລົງຕໍາແໜ່ງເປັນຫົວໜ້າເສນາທິການທະຫານສູງສຸດກອງທັບປົດປ່ອຍປະຊາຊົນລາວໄດ້ປະກາດສ້າງຕັ້ງກອງກິລາກອງທັບປົດປ່ອຍປະຊາຊົນລາວຂຶ້ນຢ່າງເປັນທາງການ ເຊິ່ງແມ່ນຂີດໝາຍສໍາຄັນທາງດ້ານປະ ຫວັດສາດຂອງວົງການກິລາລາວ ນັບແຕ່ໄດ້ສ້າງຕັ້ງໄດ້ພຽງ 5 ເດືອນຄະນະນັກກິລາລາວກອງທັບປົດປ່ອຍປະຊາຊົນລາວກໍ່ໄດ້ຮັບການເຊື້ອເຊີນໃຫ້ເຂົ້າຮ່ວມການແຂ່ງຂັນຢູ່ປະເທດກໍາປູເຈຍໃນລາຍການການີໂຟ ( Ganefo )

ເຊິ່ງມີນັກກິລາ 30 ກວ່າປະເທດເຂົ້າຮ່ວມແຂ່ງຂັນ ນັ້ນເວົ້າໄດ້ວ່າເປັນຄັ້ງທໍາອິດທີ່ນັກກິລາຂອງກອງກໍາລັງຮັກຊາດລາວໄດ້ອອກເຄື່ອນໄຫວແຂ່ງຂັນຢູ່ໃນເວທີສາກົນເວລານັ້ນພວກເຮົສົ່ງນັກກິລາເຂົ້າຮ່ວມແຂ່ງຂັນ 02 ປະເພດກິລາຄື ກິລາບານສົ່ງ ແລະ ກິລາຍິງປືນລວມມີນັກກິລາ 22 ຄົນ.


ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນໃນປີ 1975 ເປັນຕົ້ນມາວຽກງານກິລາ ກາຍະກໍາກໍ່ໄດ້ເຕີບໃຫຍ່ຂະຫຍາຍຕົວຍິ່ງໃຫຍ່ພັກ ແລະ ລັດຖະບານໄດ້ເອົາໃຈໃສ່ລົງທຶນເຂົ້າໃນວຽກງານກິລາ – ກາຍະກໍາຢ່າງກວ້າງຂວາງນັບທັງພາກລັດ ແລະ ເອກະຊົນ ວຽກງານກິລາໄດ້ປະກອບສ່ວນຢ່າງຕັ້ງໜ້າເຂົ້າໃນການປະຕິບັດສອງໜ້າທີ່ຍຸດທະສາດຂອງພັກຄື ການປົກປັກຮັກສາ ແລະ ການສ້າງສາພັດທະນາປະເທດຊາດບົດບາດຂອງວຽກງານກິລາ – ກາຍະກໍາກໍ່ໄດ້ຮັບການເສີມຂະຫຍາຍໄປທົ່ວສັງຄົມນັບທັງດ້ານປະລິມານກໍ່ຄືທາງດ້ານຄຸນນະພາບ.

ກິລາ – ກາຍະກໍາໄດ້ປະກອບສ່ວນເຂົ້າໃນການພັດທະນາຊັບພະຍາກອນມະນຸດປະກອບສ່ວນແກ້ໄຂປະກົດການຫຍໍ້ທໍ້ໃນສັງຄົມລວມທັງການແກ້ໄຂຄວາມທຸກຍາກ, ການພັດທະນາເສດຖະກິດ – ສັງຄົມ, ວຽກງານປ້ອງກັນຊາດ – ປ້ອງກັນຄວາມສະຫງົບປະກອບສ່ວນໃນການເຊື່ອມໂຍງລະຫວ່າງປະເທດເຮົາກັບບັນດາປະເທດເພື່ອນມິດສາກົນປະກອບສ່ວນເຂົ້າໃນການຍົກຖານະບົດບາດຂອງ ສປປ ລາວໃຫ້ສູງເດັ່ນຂຶ້ນໃນເວທີພາກພື້ນ ແລະ ສາກົນຕໍ່ກັບອົງການຄຸ້ມຄອງບໍລິຫານ ວຽກງານກິລາ – ກາຍະກໍາຕະຫຼອດໄລຍະຜ່ານມາພັກ – ລັດຖະບານກໍ່ໄດ້ເອົາໃຈໃສ່ຢ່າງໃກ້ສິດຕິດແທດໃນການສ້າງຕັ້ງຄຸ້ມຄອງບລິຫານກິລາແຕ່ຂັ້ນສູນກາງລົງຮອດຂັ້ນທ້ອງຖິ່ນຢ່າງເປັນລະບົບ, ປັບປຸງພາລະບົດບາດການຈັດຕັ້ງ ແລະ ການເຄື່ອນໄຫວຂອງອົງການຄຸ້ມຄອງກິລາແຕ່ຂັ້ນສູນກາງລົງຮອດທ້ອງຖິ່ນ

ເອົາໃຈໃສ່ປັບປຸງລະບອບແບບແຜນວິທີເຮັດວຽກບໍລລຫານແຕ່ລະຂັ້ນສ້າງກົດໝາຍ ວ່າດ້ວຍ ກິລາ – ກາຍະກໍາ ເພື່ອເປັນບ່ອນອີງໃນການຈັດຕັ້ງປະຕິບັດແນວທາງນະໂຍບາຍຂອງພັກເຊີດຊູບົດບາດການນໍາພາຂອງພັກ ການຄຸ້ມຄອງຂອງລັດໃຫ້ມີຄວາມສັກສິດ ເຮັດໃຫ້ການຈັດຕັ້ງ ແລະ ການເຄື່ອນໄຫວວຽກງານກິລາ – ກາຍະກໍາໃຫ້ມີຄວາມເປັນເອກະພາບປະກອບສ່ວນສົ່ງເສີມພັດທະນາເສດຖະກິດ – ສັງຄົມ ແລະ ອື່ນໆ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930