Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສຳເລັດກອງປະຊຸມໃຫຍ່ຄັ້ງທີ I ຂອງຄະນະພັກຮາກຖານ ພະແນກແຮງງານ ແລະ ສະຫັວດດີການ-ສັງຄົມ

1 min read

15/7/2020 #ຄະນະພັກຮາກຖານ ພະແນກແຮງງານ ແລະ ສະຫັວດດີການ-ສັງຄົມ #ແຂວງວຽງຈັນ ສຳເລັດກອງປະຊຸມໃຫຍ່ຄັ້ງທີ I.

ກອງປະຊຸມໃຫຍ່ຄັ້ງທີI ຂອງຄະນະພັກຮາກຖານພະແນກ ຮສສ ແຂວງວຽງຈັນ ໄດ້ສຳເລັດໃນວັນທີ 14 ກໍລະກົດ 2020 ຢູ່ທີ່ຫ້ອງປະຊຸມສູນປະກັນສັງຄົມແຂວງ ໂດຍການເປັນກຽດເຂົ້າຮ່ວມຂອງສະຫາຍ ບຸນສອນ ເພັດລາວັນ ຄະນະປະຈຳພັກແຂວງ ຮອງເຈົ້າແຂວງໆວຽງຈັນ, ມີຄະນະຊີ້ນຳກອງປະຊຸມໃຫຍ່ຂັ້ນຂອງແຂວງ.ແຂກຖຶກເຊີນພ້ອມດ້ວຍຜູ້ແທນສົມບູນເຂົ້າຮ່ວມ.


ສະຫາຍ ຍົມສອນ ຄຳມາສີ ເລຂາຄະນະພັກຮາກຖານພະແນກ ຮສສ ແຂວງວຽງຈັນ ໄດ້ຂື້ນຜ່ານຮ່າງບົດລາຍງານການເມືອງ ຕໍ່ກອງປະຊຸມໃຫຍ່ຄັ້ງນີ້ວ່າ: ຕະຫລອດໄລຍະ 5 ປີຜ່ານມາ ຄະນະພັກຮາກຖານພະແນກ ຮສສ ໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດເປັນວຽກງານທີ່ສຳຄັນ, ເອົາໃຈໃສ່ເຜີຍແຜ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ປາຖະກະຖາເລົ່າມູນເຊື້ອໃນວັນສຳຄັນຂອງພັກ-ຂອງຊາດໃຫ້ແກ່ສະມາຊິກພັກເປັນປົກກະຕິ, ເອົາໃຈໃສ່ພັດທະນາສີມືແຮງງານແລະສະໜອງແຮງງານໃຫ້ແກ່ບັນດາຫົວໜ່ວຍທຸລະກິດທັງພາຍໃນ ແລະຕ່າງປະເທດໄດ້ທັງໝົດ 17 ພັນກວ່າຄົນ, ຈັດຫາວຽກເຮັດງານທຳໃຫ້ແກ່ຜູ້ຫວ່າງງານທີ່ເຂົ້າເຮັດວຽກຢູ່ຕາມຫົວໜ່ວຍທຸລະກິດແລະໂຄງການຕ່າງໆ

ໄດ້ທັງໝົດ 9 ພັນກວ່າຄົນ, ຂື້ນທະບຽນອອກບັດ ແລະ ຕໍ່ບັດແຮງງານຕ່າງປະເທດໄດ້ 2 ພັນກວ່າຄົນ, ປັດຈຸບັນທົ່ວແຂວງມີຜູ້ເຂົ້າລະບົົບປະກັນສັງຄົມທັງໝົດ 14 ພັນກວ່າຄົນ ໃນນີ້ພາກລັດ 13 ພັນກວ່າຄົນ,ພາກວິສາຫະກິດ1ພັນກວ່າຄົນ ແລະ ຜູ້ສະໝັກໃຈ 658 ຄົນ, ປະຕິບັດນະໂຍບາຍຕໍ່ຜູ້ທີ່ມີຄຸນງາມຄວາມດີ ຕາມດຳລັດ272/ລບ ທັງໝົດ 470 ທ່ານ ເປັັນເງິນ 11 ຕື້ກວ່າກີບ, ສະມາຊິກກອງທຶນ 6 ພັນກວ່າຄົນ ມີເງິນກອງທຶນທັງໝົດ 700 ລ້ານກວ່າກີບ, ໃນໄລຍະຜ່ານມາໄດ້ມອບເຄື່ອງນຸ່ງຫົ່ມໃຫ້ແກ້ຫ້ອງການກາແດງເມືອງ ເພື່ອຊ່ວຍເຫຼືອຜູ້ປະສົບໄພດ້ານຕ່າງຯມູນຄ່າ 2 ຕື້ກວ່າກີບ, ນອກນັ້ນຍັງມີຜູ້ເຂົ້າຮ່ວມບໍລິຈາກເລືອດໃຫ້ແກ່ສັງຄົມ 47 ພັນກວ່າຄົນ ໄດ້ເລືອດທັງໝົດ12ພັນກວ່າຖົງ. ທຽບໃສ່ແຜນການປະຕິບັດລື່ນຄາດໝາຍ 8,60% ແລະ ສາມາດຕອບສະໜອງເລືອດຢູ່ພາຍໃນແຂວງໄດ້ຢ່າງພຽງພໍ.


ກອງປະຊຸມໃຫຍ່ຄັ້ງນີ້ບັນດາຜູ້ແທນກອງປະຊຸມຍັງໄດ້ໃຊ້ສິດປະຊາທິປະໄຕຂອງຕົນເລືອກເອົາຄະນະພັກຮາກຖານຊຸດທີໃໝ່, ມີຜູ້ໝັກ 7 ສະຫາຍ ຍິງ 1 ສະຫາຍ ເລືອກ ເອົາ 5 ສະຫາຍ ກອງປະຊຸມຄັ້ງປະຖົມມະລຶກໄດ້ເປັນເອກະສັນເລືອກເອົາສະຫາຍ ຍົມສອນ ຄຳມາສີ ເປັນເລຂາ, ເລືອກເອົາ ສະຫາຍ ສີສະໄຫວ ແກ້ວດາລາວີນ ເປັນຮອງເລຂາ, ສະຫາຍ ບຸນເນົາ ພະຈອມພົນ, ສະຫາຍ ບຸນຖົມ ພົງວິໄລ ແລະ ສະຫາຍ ບົວສີ ລິນວົງສັກ ເປັນຄະນະພັກຮາກຖານ ຊຸດໃໝ່, ເລືອກເອົາ ສະຫາຍ ສີສະໄຫວ ແກ້ວດາລາວິນ ເປັນປະທານກວດກາ ສະຫາຍ ຄຳປະສົງ ສອນອາໄພ ເປັນຮອງ. ສະຫາຍ ນາງ ສົມສີ ສອນທະວີ ເປັນຄະນະ ແລະ ສະຫາຍ ນາງ ກູ່ຄຳ ລາດຊະວົງເປັນຜູ້ຊ່ວຍວຽກກວດກາ ພ້ອມທັງເລືອກເອົາຜູ້ແທນສົມບູນ ໄປຮ່ວມກອງປະຊຸມໃຫຍ່ຂອງອົງຄະນະພັກແຂວງທີ່ຈະໄຂຂື້ນໃນຕໍ່ໜ້າ.

ພາບ-ຂ່າວ : ນັກຂ່າວແຂວງວຽງຈັນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed