Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີມອບ-ຮັບໜ້າທີ່ ລະຫວ່າງ ປະທານຄະນະກວດກາພັກແຂວງວຽງຈັນຜູ້ເກົ່າ ກັບ ຜູ້ຮັກສາການ

1 min read

ພິທີມອບ-ຮັບໜ້າທີ່ ລະຫວ່າງ ປະທານຄະນະກວດກາພັກແຂວງວຽງຈັນຜູ້ເກົ່າ ກັບ ຜູ້ຮັກສາການ.

ພິທີດັ່ງກ່າວໄດ້ຈັດຂຶ້ນໃນວັນທີ 16 ກໍລະກົດ 2020 ຢູ່ທີ່ສູນວັດທະນະທຳແຂວງ, ໂດຍການເປັນກຽດເຂົ້າຮ່ວມຂອງ ທ່ານ ບຸນເພັງ ສາຍນໍລະດີ ຮອງເລຂາພັກແຂວງ, ປະທາສະພາປະຊາຊົນແຂວງວຽງຈັນ, ມີຕາງໜ້າພະການອົງການອ້ອມຂ້າງແຂວງ, ພ້ອມດ້ວຍພະນັກງານກວດກາພັກແຂວງ ແລະ ເມືອງເຂົ້າຮ່ວມ. 


ໂດຍປະຕິບັດຕາມກົດໝາຍວ່າດ້ວຍລັດຖະກອນ ຄະນະເລຂາທິການສູນກາງພັກປະຊາຊົນປະຕິວັດລາວ ໄດ້ອອກມະຕິຕົກລົງໃຫ້ ທ່ານ ວິນັດ ສີສຸວົງ ຄະນະປະຈຳພັກແຂວງ, ປະທານຄະນະກວດກາພັກ-ລັັດແຂວງວຽງຈັນ. 

ລວມອາຍຸກະສຽນໄດ້ 62 ປີ, ອາຍຸການໄດ້ 37 ປີ ອອກພັກການ ຮັບອຸດໜູນບຳນານ, ທ່ານເຈົ້າແຂວງໆວຽງຈັນ ກໍ່ໄດ້ອອກຂໍ້ຕົກລົງເຫັນດີອະນຸມັດໃຫ້ ທ່ານ ວິນັດ ສີສຸວົງ ຄະນະປະຈຳພັກແຂວງ,ປະທານຄະນະກວດກາພັກ-ລັັດແຂວງວຽງຈັນ. 

ອອກພັກການຮັບອຸດໜູນບຳນານ, ນັບຕັ້ງແຕ່ວັນທີ 1 ມັງກອນ 2021, ພ້ອມທັງໄດ້ອອກຂໍ້ຕົກລົງແຕ່ງຕັ້ງ ທ່ານ ຄຳປ່ຽນ ຈັນທະມັງຄຸນ ເລຂາໜ່ວຍພັກ, ຮອງປະທານຄະນະກວດກາພັກ-ລັັດແຂວງວຽງຈັນ ເປັນຜູ້ຮັກສາການ ປະທານຄະນະກວດກາພັກ-ລັັດແຂວງວຽງຈັນ. 


ທ່ານ ຄຳສະເຫວີຍ ພົມມະຈັນ ຮອງປະທານຄະນະກວດກາພັກ-ລັັດແຂວງວຽງຈັນ ໄດ້ຜ່ານບົດບັນທຶກມອບ-ຮັບໜ້າທີ່ລະຫວ່າງປະທານຄະນະກວດກາພັກແຂວງວຽງຈັນຜູ້ເກົ່າ ກັບ ຜູ້ຮັກສາການ. ເພື່ອເຮັດໃຫ້ການເຄື່ອນໄຫວວຽກງານກວດກາພັກ, ອົງການກວດກາລັດ ແຂວງວຽງຈັນ ໄດ້ເຄື່ອນໄຫວຈັດຕັ້ງປະຕິບັດຕາມພາລະບົດບາດສິດໜ້າທີ່ ທີ່ໄດ້ກຳນົດອອກບັນລຸຜົນສຳເລັດຕາມແຜນການທີ່ໄດ້ວາງໄວ້ ປະທານຄະນະກວດກາພັກແຂວງວຽງຈັນ. 

ຈື່ງໄດ້ເຮັດບົດບັນທຶກມອບ-ຮັບໜ້າທີ່ໃຫ້ແກ່ຜູ້ຮັກສາການປະທານຄະນະກວດກາພັກແຂວງ.ໃນບົດບັນທຶກໄດ້ລາຍງານຢ່າງລະອຽດ ໃນການເຄື່ອນໄຫວຊີ້ີ້ນຳ-ນຳພາໃນການຈັດຕັ້ງປະຕິບັດວຽກງານຮອບດ້ານໃນໄລຍະຜ່ານມາ ແລະ ທິດທາງແຜນການເຄື່ອນໄຫວແລະ ວຽກງານຈຸດສຸມ 6 ເດືອນທ້າຍປີ 2020 ທີ່ຜູ້ຮັກສາການຈະຕ້ອງໄດ້ຊີ້ີ້ນຳ-ນຳພາຈັດຕັ້ງປະຕິບັດໃຫ້ສຳເລັດຕາມແຜນການທີ່ວາງໄວ້.ຜ່ານຈາກການຊີ້ນຳ-ນຳພາຂອງປະທານຄະນະກວດກາພັກແຂວງວຽງຈັນຜູ້ເກົ່າ. 

ໃນຊ່ວງໄລຍະ 5 ປີ ຜ່ານມາເຫັນໄດ້ບາງດ້ານທີ່ພົ້ນເດັ່ນໃນບົດບັນທຶກເຊິ່ງເປັນຂໍ້ມູນສ່ວນໜຶ່ງເພື່ອເປັນບ່ອນອີງໃຫ້ແກ່ຜູ້ຮັກສາການປະທານຄະນະກວດກາພັກແຂວງ ໄດ້ສືບຕໍ່ຊີ້ນໍາ-ນຳພາວຽກງານກວດກາໃນຕໍ່ໜ້າ. ສ່ວນວຽກງານ
ລະອຽດໃນແຕ່ລະດ້ານແມ່ນໄດ້ກຳນົດໃນແຜນ 5 ປີ ແຜນປະຈຳປີຂອງຄະນະກວດກາພັກແຂວງທີ່ໄດ້
ກຳນົດອອກ.


ເພື່ອໃຫ້ສົມຄູ່ກັບຄວາມເຊື່ອໝັ້ນ ແລະ ໄວ້ວາງໃຈຈາກຂັ້ນເທິງ, ທ່ານ ຄຳປ່ຽນ ຈັນທະມັງຄຸນ ຜູ້ຮັກສາການປະທານຄະນະກວດກາພັກ-ລັັດແຂວງວຽງຈັນ ກ່າວຮັບໜ້າທີ່ ແລະ ປະຕິຍານຕົນຕໍ່ຄະນະພັກ, ຄະນະນໍາວ່າ: 


ຈະຢຶດໝັ້ນອຸດົມການຂອງພັກ, ມີຄວາມຈົ່ງຮັກພັກດີ, ມີຄວາມສັດຊື່ບໍລິສຸດ ຕໍ່ໝູ່ຄະນະ,ພະນັກງານ, ສະມາຊິກພັກ ແລະ ປະຊາຊົນ ຢ່າງສະເໝີຕົ້ນສະເໝີປາຍ.


ຈະສືບຕໍ່ສຶກສາອົບຮົມວຽກງານການເມືອງ-ແນວຄິດ ໃຫ້ພະນັກງານພາຍຄະນະກວດກາມີແນວຄິດອຸ່ນອຽນທຸ່ນທ່ຽງ, ມີຄວາມສາມັກຄີ, ເຊື່ອໝັ້ນຕໍ່ການນຳຂອລພັກ, ມີຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ຈະດຳເນີນວຽກງານກວດກາຕາມເເຜນການ ໃຫ້ສອດຄ່ອງກັບພາລະບົດບາດ, ສິດ, ໜ້າທີ່ຂອງຕົນ.

ຈະສືບຕໍ່ຫຼັກການລວມສູນປະຊາທິປະໄຕ ເຮັດວຽກເປັນໝູ່ຄະນະ, ຈະມີຄວາມເປັນເອກະພາບສູງພາຍໃນຄະນະພັກ, ຄະນະນໍາ ແລະ ໃຫ້ມີຄວາມສາມັກຄີເປັນປຶກແຜນ, ຈະມີການຕິດຕາມກວດກາການເຄື່ອນໄຫວວຽກງານພາຍໃນ ແລະ ວຽກງານກວດກາທີ່ຕິດພັນກັບ ບັນດາເປົ້າໝາຍ ໃຫ້ຖືກຕ້ອງຕາມຫຼັກການ ແລະ ຂັ້ນຕອນຂອງການກວດກາ, ມີຄວາມເຂັ້ມງວດ, ທ່ຽງທຳ, ໂປ່ງໃສ, ຍຸຕິທໍາ ແລະ, ວ່ອງໄວສືບຕໍ່ປະສານສົມທົບກັບສາຍຕັ້ງ, ສາຍຂວາງ ເພື່ອລາຍງານ ແລະ ຂໍທິດຊີ້ນຳ ຈາກຄະນະພັກ, ຄະນະນຳຂອງແຂວງ ຢ່າງເປັນປົກກະຕິ ຕໍ່ເນື່ອງ.

ຂ່າວ : ແຂວງວຽງຈັນອອນລາຍ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031