Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແກ້ວອຸດົມ ແຂວງວຽງຈັນ ຈັດປາຖະກະຖາ 2 ວັນປະຫວັດສາດ

1 min read

ເມືອງແກ້ວອຸດົມຈັດປາຖະກະຖາ 2 ວັນປະຫວັດສາດ


ໃນວັນທີ 16 ກໍລະກົດ 2020 ຜ່ານມານີ້ ຢູ່ທີ່ສະໂມສອນຂອງເມືອງແກ້ວອຸດົມໄດ້ຈັດພິທີປາຖະກະຖາ 2 ວັນປະຫວັດສາດຂອງຊາດຂື້ນຄື ວັນສ້າງຕັ້ງແນວລາວສ້າງຊາດຄົບຮອບ 70 ປີ(13 ສິງຫາ 1950-13 ສິງຫາ 2020) ແລະ ວັນສ້າງຕັ້ງສະຫະພັນແມ່ຍິງລາວຄົບຮອບ 65 ປີ(20 ກໍລະກົດ 1955-20 ກໍລະກົດ 2020).

ພາຍໃຕ້ການເປັນປະທານຂອງທ່ານນາງ ບົວໄລ ອຸດົມ ຄະນະປະຈຳພັກເມືອງ ປະທານແນວລາວສ້າງຊາດເມືອງແກ້ວອຸດົມ ໂດຍການເປັນກຽດເຂົ້າຮ່ວມມີກຳມະການພັກເມືອງ ປະທານ,ຮອງປະທານສະພັນແມ່ຍີງຫ້ອງການ ແລະ ປະທານ ແລະ ຮອງ ປະທານສະຫະພັນແມ່ຍິງໝ່ວຍອ້ອມຂ້າງເມືອງ ,ປະທານ ແລະ ຮອງປະທາດແນວລາວສ້າງຊາດບ້ານ ແລະ ແຂກຖືກເຊີນ ເຂົ້າຮ່ວມ 90 ກ່ວາຄົນ.


ກອງປະຊຸມທ່ານນາງ ບົວໄລ ອຸດົມ ປະທານແນວລາວສ້າງຊາດເມືອງແກ້ວອຸດົມກໍ່ໄດ້ໃຫ້ກຽດຂື້ນປາຖະກະຖາ 2 ວັນປະຫວັດສາດດັ່ງກ່າວ ເຊີ່ງທ່ານໄດ້ໃຫ້ຮູ້ວ່າ ປີ 1946-1950 ຂະບວນການຕໍ່ສູ້ຂອງປະຊາຊົນບັນດາເຜົ່າ ໄຕ້ການນຳພາຂອງພັກ ໄດ້ເຕີບໃຫຍ່ຂະຫຍາຍຕົວຢ່າງແຂງແຮງ,ການປະຕິວັດລາວມີເຂດຕໍ່ຕ້ານ ແລະ ກຳລັງປະກອບອາວຸດຢູ່ທຸກພາກຂອງປະເທດ,ເດັ່ນກ່ວາໝູ່ແມ່ນບັ້ນຮົບປ້ອງກັນຕົວເມືອງທ່າແຂກ ໃນວັນທີ 21 ມີນາ 1946 ພ້ອມກັນນັ້ນ,ຂະບວນການຕໍ່ຕ້ານພວກລ່າເມືອງຂື້ນຝຣັ່ງຢູ່ທົ່ວສະໝາມຮົບອີນດູຈີນກໍ່ມີບາດກ້າວກະໂດດຂື້ນຢ່າງໄວວາ,ເດືອນມັງ ກອນ ປີ 1950 ກອງປະຊຸມຄະນະບໍລິຫານງານສູນກາງພັກກອມມູນິດອີນດູຈີນ ໄດ້ໄຂຂື້ນ ກອງປະຊຸມໄດ້ກຳນົດໝ້າທີ່ສະເພາະຂອງການປະຕິວັດລາວຄື ກໍ່ສ້າງຖານທີ່ໝັ້ນໃຫ້ຕິດລຽນ,ຂະຫຍາຍກຳລັງປະກອບອາວຸດເພື່ອດຳເນີນການສູ້ຮົບ ປະສານສົມທົບກັບສະໝາມຮົບລວມ,ກໍ່ສ້າງ ແລະ ເປີດກວ້າງແນວໂຮມເອກະພາບແຫ່ງຊາດ ແລະສ້າງຕັ້ງລັດຖະບານລາວຕໍ່ຕ້ານ.

ເພື່ອປະຕິບັດແນວທາງການເຄື່ອນໄຫວຕໍ່ຕ້ານຢູ່ລາວ ກອງປະຊຸມສູນກາງພັກກອມມູນິດອີນດູຈີນວາງອອກໃນເດືອນ ມັງກອນ 1950 ນັ້ນ ແລະ ຜ່ານການກະກຽມໄລຍະໝື່ງ ມາຮອດວັນທີ 13 ສິງຫາ 1950 ກອງປະຊຸມໃຫຍ່ຜູ້ແທນແນວລາວຕໍ່ຕ້ານທົ່ວປະເທດໄດ້ໄຂຂື້ນຢູ່ຕວຽນກວາງ ສສ ຫວຽດນາມ ໂດຍມີຜູ້ແທນເຂົ້າຮ່ວມທັງໝົດ 150 ທ່ານ ເຊື່ງເປັນຕົວແທນກຳລັງປະກອບອາວຸດທຸກພາກ, ຕົວແທນຂອງບັນດາເຜົ່າ, ຊັ້ນຄົນ, ບັນດາອົງການຈັດຕັ້ງສັງຄົມ, ສາດສະໝາ, ເພດ-ໄວ ຈາກເຂດຕໍ່ຕ້ານ ແລະ ເຂດກວດກາຂອງສັດຕູໃນທົ່ວປະເທດ.

ກອງປະຊຸມໄດ້ຕົກລົງເປັນເອກະພາບກ່ຽວກັບຊື່ຂອງປະເທດແມ່ນປະເທດລາວ, ທຸງຊາດຕົກລົງເອົາທຸງວົງເດືອນເຊິ່ງແມ່ນທຸງລາວອິດສະຫຼະເປັນທຸງຊາດ ແລະ ຮັບເອົາທຳນອງເພງຊາດແຕ່ງໂດຍ ທ່ານ ທອງດີ ແລະ ເນື້ອຮ້ອງແຕ່ງໂດຍທ່ານ ສີຊະນະ ສີສານ ແລະ ຮັບຮອງກາໝາຍຊາດ,ກອງປະຊຸມໃຫຍ່ຕົກລົງສ້າງຕັ້ງໝັ່ງສື່ພີມລາວອິດສະຫຼະຂື້ນ (ໝັງສືພີມປະຊາຊົນໃນປະຈຸບັນ) ເຊື່ງເປັນກະບອກສຽງຂອງແນວລາວອິດສະຫຼະ ແລະ ລັດຖະບານລາວຕໍ່ຕ້ານພາຍໄຕ້ການນຳພາໂດຍກົງຂອງພັກ,ໃນວັນທີ 11 ກຸມພາ 1951

ຄະນະຜູ້ແທນແນວລາວອິດສະຫຼະ ໄດ້ເຂົ້າຮ່ວມກອງປະຊຸມພັນທະພາບ 3 ຊາດ ລາວ-ຫວຽດ-ຂະແມບົນພື້ນຖານຫຼັກການສະໝັກໃຈສະເໝີພາບຊ່ວຍເຫຼືອເຊີ່ງກັນ ແລະ ກັນ ພ້ອມກັນຂັບໄລ່ພວກລ່າເມືອງຂື້ນຝະລັ່ງ ແລະ ພວກຈັກກະພັດອາເມລິກາຜູ້ແຊກແຊງ, ລົງໂທດພວກຮຸກຮານຂາຍຊາດຍາດເອົາເອກະລາດອັນແທ້ຈິງມາໃຫ້ປະຊາຊົນທັງ 3 ປະເທດ, ພ້ອມນີ້ ໃນພິທີຍັງໄດ້ຮັບຟັງການປາຖະກະຖາຂອງວັນສ້າງຕັ້ງສະຫະພັນແມ່ຍິງລາວຄົບຮອບ 65 ປີ(20 ກໍລະກົດ 1955-20 ກໍລະກົດ 2020) ຕື່ມອີກດ້ວຍ.

ຂ່າວ: ເມືອງແກ້ວອຸດົມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed