Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໜ່ວຍກູ້ໄພມູນີທິ 1623 ສາຂາ ແຂວງວຽງຈັນ ປະຈຳ ເມືອງວັງວຽງ ໄດ້ຮັບລົດກູ້ໄພ ມູນຄ່າ 390 ລ້ານກີບ.

1 min read

ໜ່ວຍກູ້ໄພມູນີທິຊ່ວຍເຫລືອຄົນທຸກຍາກແຫ່ງ ສປປ ລາວ 1623 ສາຂາ ແຂວງວຽງຈັນ ປະຈຳ ເມືອງວັງວຽງ ໄດ້ຮັບລົດກູ້ໄພ ມູນຄ່າ 390 ລ້ານກີບ.

ພິທີມອບຮັບໄດ້ຈັດຂື້ນ ໃນທ້າຍເດືອນ ພະຈິກ 2019 ຜ່ານມາ ຢູ່ທີ່ຫ້ອງການໜ່ວຍກູ້ໄພ ສາຂາທາດຫຼວງ, ເຂົ້າຮ່ວມ ມີ ທ່ານຍາປ້າ ພູທອນ ພູມສະຫວັນ ປະທານທີ່ປຶກສາກິຕິມະສັກ ມູນນິທິຊ່ວຍເຫຼືອຄົນທຸກຍາກ ສູນກາງ ພ້ອມດ້ວຍຄະນະ , ມີທ່ານ ທະນູສອນ ແກ້ວວຽງຄຳ ຕາງໜ້າມູນນີທິຊ່ວຍເຫລືອຄົນທຸກຍາກແຫ່ງ ສປປ ລາວ ສາຂາແຂວງວຽງຈັນ, ມີທ່ານ ບຸນຍະລິດ ພົງທິສຸກ ປະທານ ບໍລິສັດ ວິກຕໍຣີ ກຣຸບ ແລະ ແຂກຖືກເຊີນ ພ້ອມທັງອ້າຍນ້ອງກູ້ໄພເຂົ້າຮ່ວມ.

ສຳລັບລົດກູ້ໄພທີ່ນຳມາມອບໃນຄັ້ງນີ້ ແມ່ນມີຄວາມຈຳເປັນ ແລະ ສຳຄັນຫລາຍ ສຳລັບຫນ່ວຍກູ້ໄພຊ່ວຍເຫລືອຄົນທຸກຍາກ ແຫ່ງ ສປປ ລາວ ສາຂາແຂວງວຽງຈັນ ເມືອງວັງວຽງ ຍ້ອນຜ່ານມາໜ່ວຍກູ້ໄພດັ່ງກ່າວ ໄດ້ຢືມລົດຈາກໜ່ວຍກູ້ໄພຊ່ວຍເຫລືອຄົນທຸກຍາກສູນກາງ ເພື່ອນຳມາໃຊ້ກ່ອນ ແລະ ໄດ້ຢືມລົດກູ້ໄພຈາກໂຮງໝໍເມືອງວັງວຽງໃນໄລຍະໜື່ງ.

ຍ້ອນເຫັນໄດ້ຄວາມຕ້ອງການ ແລະ ຈຳເປັນນັ້ນ ທາງ ບໍລິສັດ ວິກຕໍຣີ ກຣຸບ ໄດ້ຄົ້ນຄວ້າ ແລະ ຮີບຮ້ອນໃນການມອບລົດ ພ້ອມດ້ວຍຊຸດແຕ່ງລົດປະຖົມພະຍາຍາມບານຄົບຊຸດ ມູນຄ່າ 390 ລ້ານກີບ,

ໃຫ້ກຽດມອບລົດ ໂດຍ ທ່ານ ບຸນຍະລິດ ພົງທິສຸກ ປະທານ ບໍລິສັດ ວິກຕໍຣີ ກຣຸບ ແລະ ຮັບໂດຍຄະນະປະທາງມູນນີທິຊ່ວຍເຫລືອຄົນທຸກຍາກແຫ່ງ ສປປ ລາວ ເພື່ອມອບຕໍ່ໃຫ້ກັບໜ່ວຍກູ້ໄພດັ່ງກ່າວ ໄປນຳໃຊ້ໃນການຊ່ວຍເຫລືອສັງຄົມ ກໍຄືຊາວເມືອງວັງວຽງ ແລະ ນັກທ່ອງທ່ຽວທີ່ເຂົ້າມາທ່ອງທ່ຽວໃນແຕ່ລະມື້, ໃນນາມຊາວເມືອງວັງວຽງ ກໍຄືຊາວແຂວງວຽງຈັນ ສະແດງຄວາມຮູ້ບຸນຄຸນ ແລະ ນໍ້າໃຈອັນສູງສົ່ງໃນຄັ້ງນີ້.

ໜ່ວຍກູ້ໄພຊ່ວຍເຫຼືອຜູ້ທຸກຍາກແຫ່ງ ສປປ ລາວ ສາຂາ ແຂວງວຽງຈັນ ປະຈຳເມືອງວັງວຽງ ແມ່ນຍັງມີຄວາມຕ້ອງການຫຼາຍດ້ານ ໂດຍສະເພາະ ວັດຖຸຮັບໃຊ້, ອຸປະກອນທາງການແພດທີ່ຈຳເປັນ ແລະ ງົບປະມານຈຳນວນໜື່ງ ທ່ານໃດມີຄວາມຕ້ອງການຢາກຈະບໍລິຈາກ ແລະ ໃຫ້ການຊ່ວຍເຫຼືອສາມາດຕິດຕໍ່ພົວພັນເພີ່ມຕື່ມອີກ.

ໜ່ວຍກູ້ໄພຊ່ວຍເຫຼືອຜູ້ທຸກຍາກແຫ່ງ ສປປ ລາວ ສາຂາ ແຂວງວຽງຈັນ ປະຈຳເມືອງວັງວຽງ 1623.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930