Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງວັງວຽງແຂວງວຽງຈັນຈັດພີທີປ່ອຍປາ ແລະ ປູກຕົ້ນໄມ້ 

1 min read

ເມືອງວັງວຽງແຂວງວຽງຈັນຈັດພີທີປ່ອຍປາ ແລະ ປູກຕົ້ນໄມ້


ໃນວັນທີ 14 ກໍລະກົດ 2020 ຜ່ານມາ ຢູ່ທີ່ ບ້ານ ໂພໄຊ ເມືອງວັງວຽງ ແຂວງວຽງຈັນ ໄດ້ມີພີທີປ່ອຍປາ ແລະ ປູກຕົ້ນໄມ້ ເນື່ອງໃນໂອກາດວັນອະນຸລັກສັດນ້ຳ-ສັດປ່າ ແຫ່ງຊາດ 13 ກໍລະກົດ 2020 ແລະ ວັນປູກຕົ້ນໄມ້ແຫ່ງຊາດ ວັນທີ່ 1 ມີຖຸນາ.

 

ໂດຍການເຂົ້າຮ່ວມຂອງທ່ານ ບຸນຈັນ ມາລາວົງ ເລຂາພັກເມືອງ ວ່າການເຈົ້າເມືອງໆວັງວຽງ, ມີທ່ານ ພູວົງ ບຸນຊູ ຫົວຫນ້າພະແນກກະສີກຳ ແລະ ປ່າໄມ້ແຂວງວຽງຈັນ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າພະແນກການອ້ອມຂ້າງຂອງແຂວງ, ຫົວໜ້າຮອງຫົວໜ້າຫ້ອງການອ້ອມຂ້າງເມືອງ, ມີບັນດາບໍລິສັດ, ຜູ້ປະກອບການ, ອົງການຈັດຕັ້ງບ້ານພ້ອມດ້ວຍພໍ່ແມ່ປະຊາຊົນ, ຊາວໜຸ່ມເຍົາວະຊົນເຂົ້າຮ່ວມ.


ທ່ານ ບຸນທັນ ເຮີ່ຈູ່ຕູ່ ຫົວໜ້າຫ້ອງການກະສີກຳ ແລະ ປ່າໄມ້ ເມືອງວັງວຽງ ໄດ້ຂຶ້ນກວ່າຈຸດປະສົງການຈັດກິດຈະກຳ ປ່ອຍປາ ແລະ ປູກຕົ້ນໄມ້ໃນປີນີ້ທ່ານໃຫ້ຮູ້ວ່າ ເມືອງວັງວຽງ ກໍ່ໄດ້ປະສານສົມທົບກັບຫຼາຍໆສ່ວນເພື່ອຈັດກິດຈະກຳປ່ອຍປາສູ່ທຳມະຊາດໃນທຸກໆປີ.

ເພື່ອເປັນການຊຸກຍູ້ສົ່ງເສີມ ວັນອະນຸລັກ ສັດນ້ຳ-ສັດປ່າ ພ້ອມທັງ ຍົກໃຫ້ເຫັນຄວາມໝາຍຄວາມສຳຄັນຂອງວັນດັ່ງກ່າວໃຫ້ທົ່ວສັງຄົມໄດ້ຮັບຮູ້ ແລະ ມີສ່ວນຮ່ວມ ໂດຍແນ່ໃສ່ສ້າງຄວາມສົມດູນໃຫ້ທຳມະຊາດ ເຮັດໃຫ້ແມ່ນ້ຳຊ່ອງແຫ່ງນີ້ມີຄວາມອຸດົມສົມບູນ. ປາທີ່ນຳມາປ່ອຍໃນຄັ້ງນີ້ມີທັງໝົດ 30,000 ໂຕ ໃນນີ້ມີ: ປານີນ,ປາໃນ ແລະ ປາປາກ ເຊິ່ງແມ່ນການຕອບສະໜອງລູກປາ ຂອງບັນດາບໍລິສັດ, ຜູ້ປະກອບການທຸລະກິດ.ພາຍໃນເມືອງວັງວຽງ.


ໃນພິທີ ທ່ານ ບຸນຈັນ ມາລາວົງ ວ່າການເຈົ້າເມືອງໆວັງວຽງ ໄດ້ໃຫ້ກຽດຂຶ້ນກວ່າເປີດ ຂະບວນການປູກຕົ້ນໄມ້ ແລະ ປ່ອຍປາຢ່າງເປັນທາງການ. ຊຶ່ງທ່ານກໍ່ຍົກໃຫ້ເຫັນຄວາມໝາຍຄວາມສຳຄັນຂອງການອະນຸລັກ ສັດນ້ຳ-ສັດປ່າ ,ຍົກໃຫ້ພາລະບົດບາດຄວາມສຳຄັນການລ້ຽງປາ, ເປັນການຊຸກຍູ້ ສົ່ງເສີ່ມເປັນແຫຼ່ງອາຫານທີ່ສົມບູນ.

ພ້ອມທັງປະກາດເປັນວັງສະຫງວນຂອງ ບ້ານໂພໄຊ ເມືອງວັງວຽງ ແຂວງວຽງຈັນ ແລະ ທ່ານຍັງໄດ້ຮຽກຮ້ອງໃຫ້ຂະແໜງການ, ພາກສ່ວນທີ່ກ່ຽວຂ້ອງໃຫ້ເອົາໃຈໃສ່ສືບຕໍ່ ວຽກງານທີ່ວາງໄວ້ໃຫ້ສຳເລັດ, ສະກັດກັ້ນປະກົດການຫຍໍ້ທໍ້ກ່ຽວກັບການລ່າສັດ, ການຫາປາແບບບໍ່ສອດຄ່ອງ, ການຄ້າຂາຍສັດນ້ຳ – ສັດປ່າ ທີ່ບໍຖືກຕ້ອງກັບລະບຽບ ກົດໝາຍໃຫ້ໝົດໄປ.


ໃນໂອກາດດຽວກັນນີ້ທາງອົງການຈັດຕັ້ງເມືອງກໍ່ໄດ້ມອບໃບສົມມະນາຄຸນໃຫ້ບັນດາບໍລິສັດ,ຜູ້ປະກອບການທຸລະກິດທີ່ສະໜອງລູກປາ ອິກດ້ວຍ.

ຂ່າວ: ໝອນແກ້ວ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed