Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຫີນເຫີບ ແຂວງວຽງຈັນ ປ່ອຍປາລົງແມ່ນ້ຳລີກ 13.000 ໂຕ

1 min read

ເມືອງຫີນເຫີບ ແຂວງວຽງຈັນ ປ່ອຍປາລົງແມ່ນ້ຳລີກ 13.000 ໂຕ.


ພິທີປ່ອຍປາຢູ່ເມືອງຫີນເຫີບ ເນື່ອງໃນໂອກາດວັນປ່ອຍປາ ແລະ ອານຸລັກສັດນ້ຳ-ສັດປ່າ ໄດ້ຈັດຂຶ້ນໃນວັນທີ 17 ກໍລະກົດ 2020,

 

ໂດຍການເປັນກຽດເຂົ້າຮ່ວມຂອງ ທ່ານ ຄຳຫຼ້າ ບຸນຍາສິງ ຮອງເລຂາພັກເມືອງ, ປະທານກວດກາພັກ-ລັດເມືອງຫີນເຫີບ, ທ່ານ ຄຳສາຍ ສຸມຸນທອງ ຮອງຫົວໜ້າພະແນກກະສິກຳ ແລະ ປ່າໄມ້ແຂວງວຽງຈັນ, ມີບັນດາຫົວໜ້າຫ້ອງການອ້ອມຂ້າງເມືອງ, ພ້ອມດ້ວຍພໍ່ແມ່ປະຊາຊົນ ແລະ ນ້ອງນ້ອຍນັກຮຽນເຂົ້າຮ່ວມ.


ທ່ານ ບຸນຍັງ ວົງວິລາໄຊ ຫົວໜ້າຫ້ອງການກະສິກຳ ແລະ ປ່າໄມ້ເມືອງຫີນເຫີບ ໄດ້ລາຍງານຕໍ່ພິທີວ່າ : ການຈັດຕັ້ງພິທີສະເຫຼີມສະຫຼອງວັນປ່ອຍປາ ແລະ ອານຸລັກສັດນ້ຳ-ສັດປ່າແຫ່ງຊາດຢູ່ເມືອງຫີນເຫີບ ໄດ້ຈັດຕັ້ງປະຕິບັດທຸກໆປີ ເຊິ່ງແຕ່ລະປີໄດ້ປ່ອຍລົງໃສ່ອ່າງນ້ຳ, ຫ້ວຍຮ່ອງ, ໜອງບຶງທຳມະຊາດ.

ນອກຈາກນັ້ນແລ້ວ ຢູ່ແຕ່ລະບ້ານກໍ່ໄດ້ປ່ອຍປາຄືກັນ ປີລະຫຼາຍກວ່າ 500.000 ໂຕຂຶ້ນໄປ, ພ້ອມກັນນັ້ນກໍ່ຍັງມີຫຼາຍພາກສ່ວນເສດຖະກິດ-ສັງຄົມໄດ້ພ້ອມກັນລົງທຶນແບບຄອບຄົວ, ແບບເປັນຟາມ ໃນການລ້ຽງປາໃສ່ໜອງ, ໃສ່ນາເຂົ້າ, ໃສ່ກະຊັງ, ໃສ່ບຶງ ແລະ ຮູບແບບອື່ນໆຢ່າງເປັນຂະບວນ.


ພິທີປ່ອຍປາໃນຄັ້ງນີ້ ແມ່ນການເອົາໃຈໃສ່ຊີ້ນຳ-ນຳພາຂອງຂັ້ນເທິງ, ການຫ້າງຫາກະກຽມຂອງຂະແໜງການກ່ຽວຂ້ອງ ແລະ ການປະສານສົມທົົບຮ່ວມມືຂອງບັນດາບໍລິສັດ, ລັດວິສາຫະກິດ, ພາກລັດ ແລະ ເອກະຊົນ ທີ່ໄດປະກອບສ່ວນແນວພັນປາ ແລະ ວັດຖຸຈຳນວນໜຶ່ງ.

ການປ່ອຍປາລົງສູ່ແມ່ນ້ຳລີກເຊິ່ງເປັນແມ່ນ້ຳທຳມະຊາດໃນຄັ້ງນີ້ ມິທັງໝົດ 13.000 ໂຕ, ໃນນີ້ມີປານິນ, ປາໄນ, ປາປາກ, ປາດຸກ ເຊິ່ງແມ່ນການຕອບສະໜອງລູກປາຈາກບໍລິສັດ, ຜູ້ປະກອບການ, ນັກທຸລະກິດ ແລະ ສະຖານີຜະລິດພັນປາແຂວງວຽງຈັນ.

ຂ່າວ: ບຸນມາ ແກ້ວບຸດດາ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031