Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ແນວລາວສ້າງຊາດ, ອົງການຈັດຕັ້ງມະຫາຊົນ ແລະ ສະຫະພັນນັກຮົບເກົ່າແຂວງວຽງຈັນ ເຊື່ອມຊຶມ 5 ເອກະສານສຳຄັນຂອງພັກ

1 min read

ແນວລາວສ້າງຊາດ, ອົງການຈັດຕັ້ງມະຫາຊົນ ແລະ ສະຫະພັນນັກຮົບເກົ່າແຂວງວຽງຈັນ ເຊື່ອມຊຶມ 5 ເອກະສານສຳຄັນຂອງພັກ.


ໃນຕອນເຊົ້າ ວັນທີ 14 ກໍລະກົດ 2020 ນີ້, ອົງການແນວລາວສ້າງຊາດແຂວງວຽງຈັນ ພ້ອມທັງອົງການຈັດຕັ້ງມະຫາຊົນ ແລະ ສະຫະພັນນັກຮົບເກົ່າແຂວງວຽງຈັນ ຮ່ວມກັນຈັດພິທີເຊື່ອມຊຶມເອກະສານສຳຄັນຂອງພັກ ຢູ່ທີ່ຫ້ອງປະ ຊຸມອົງການດັ່ງກ່າວ.

ໂດຍໄດ້ຮັບກຽດຢ່າງສູງໃນການເຂົ້າຮ່ວມຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ, ມີບັນດາຄະນະກຳມະການພັກແຂວງ, ເລຂາ, ຮອງເລຂາ, ຄະນະພັກ ຮອງປະທານ, ຫົວໜ້າ, ຮອງຫົວໜ້າຂະແໜງການ ພ້ອມດ້ວຍພະນັກງານ-ວິຊາການ ພາຍໃນອົງການແນວລາວສ້າງຊາດແຂວງວຽງຈັນ, ອົງການຈັດຕັ້ງມະຫາຊົນ ແລະ ສະຫະພັນນັກຮົບເກົ່າ ເຂົ້າຮ່ວມຢ່າງພ້ອມພຽງ.


ເຊິ່ງເອກະສານທີ່ນຳມາເຜີຍແຜ່ເຊື່ອມຊຶມມີ: ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝທີ X, ມະຕິກົມການເມືອງສູນກາງພັກ ສະບັບເລກທີ 112 ແລະ 107 ວ່າດ້ວຍ:ການຍົກສູງຄຸນນະພາບ ການດຳເນີນຄະດີຕາມຂະບວນການຍຸດຕິທຳ ແລະ ການພັດທະນານະຄອນຫຼວງວຽງຈັນໃນໄລຍະໃໝ່, ມະຕິກົມການເມືອງສູນກາງພັກ ສະບັບເລກທີ 108, 111 ວ່າດ້ວຍ: ວຽກງານແນວໂຮມ ແລະ ວຽກງານອົງການຈັດຕັ້ງມະຫາຊົນ,ວຽກງານ ປກຊ, ປກສ ໃນສະພາບການໃໝ່ ເປັນກຽດເຜີຍແຜ່ໂດຍ ທ່ານ ນ. ຈັນທະຄອນ ສີອໍາພອນ ປະທານ ສະຫະພັນແມ່ຍິງແຂວງວຽງຈັນ, ທ່ານ ຄຳພູທອນ ເທບສຸພົມ ປະທານສະຫະພັນກຳມະບານແຂວງວຽງຈັນ ແລະ ທ່ານ ທອງສະຫວັນ ວົງສຳພັນ ປະທານ ແນວລາວສ້າງຊາດ ແຂວງວຽງຈັນ.


ຈຸດປະສົງ, ກໍ່ເພື່ອເຊື່ອມຊຶມ-ເຜີຍແຜ່ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝທີ X ແລະ ບັນດາມະຕິກົມການເມືອງສູນກາງພັກ ສະບັບເລກທີ 107, 108, 111, 112 ໃຫ້ບັນດາພະນັກງານພາຍໃນອົງແນວລາວສ້າງຊາດ, ອົງການຈັດຕັ້ງມະຫາຊົນ ແລະ ສະຫະພັນນັກຮົບເກົ່າແຂວງ ທີ່ເຂົ້າຮ່ວມ ກຳໄດ້ເນື້ອໃນຈິດໃຈດັ່ງກ່າວ ສ້າງຄວາມຮັບຮູ້, ຄວາມເຂົ້າໃຈຕໍ່ແນວທາງນະໂຍບາຍຂອງພັກ-ລັດ

ເພື່ອພ້ອມກັນຈັດຕັ້ງປະຕິບັດໃຫ້ປະກົດຜົນເປັນຈິງ ອີກດ້ານໜຶ່ງກໍ່ເປັນການປຸກລະດົມທົ່ວປວງຊົນໃນການສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ XI ຂອງພັກ ແລະ ກອງປະຊຸມໃຫຍ່ ຄັ້ງທີ VI ຜູ້ແທນອົງຄະນະພັກແຂວງວຽງຈັນ, ຕິດພັນກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນຮັກຊາດ ແລະ ພັດທະນາ,

ພ້ອມທັງຕິດພັນກັບບັນດາຂໍ້ແຂ່ງຂັນຂອງອົງການຈັດຕັ້ງມະຫາຊົນ ແລະ ສືບຕໍ່ປ້ອງກັນຄວບຄຸມການແພ່ລະບາດ ພະຍາດ ໂຄວິດ 19 ແລະ ພະຍາດຕາມລະດູການໂດຍສະເພາະແມ່ນພະຍາດໄຂ້ຍຸງລາຍ ແລະ ອື່ນໆ ໃຫ້ເປັນຂະບວນການຟົດຟື້ນ.

ຂ່າວ: ຈັນທະສອນ ສີສຸວັນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed