Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໂພນໂຮງ ແຂວງວຽງຈັນ ປາຖະກະຖາ 3 ວັນປະຫວັດສາດຂອງພັກຂອງຊາດ

1 min read

ເມືອງໂພນໂຮງ ແຂວງວຽງຈັນ ປາຖະກະຖາ 3 ວັນປະຫວັດສາດຂອງພັກຂອງຊາດ.


ພິີທີປາຖະກະຖາ 3 ວັນປະຫວັດສາດຂອງພັກຂອງຊາດຄື ວັນເກີດປະທານ ສຸພາ ນຸວົງ ຄົບຮອບ111 ປີ ,ວັນສ້າງຕັ້ງສະຫະພັນແມ່ຍິງລາວຄົບຮອບ 65 ປີ ,ຊົມເຊີຍ ວັນເຊັນສັນຍາ ມິດຕະພາບ-ການຮ່ວມມືແລະສ້າງຕັ້ງສາຍພົວພັນການທູດລາວ-ຫວຽດນາມ ຈັດຂື້ນໃນວັນທີ 16 ກໍລະກົດ 2020 ນີ້ ຢູ່ທີ່ສະໂມສອນຂອງເມືອງ

ພາຍໄຕ້ການເປັນປະທານຂອງ ທ່ານ ສົມປະສົ່ງ ສຸວົງຄຳຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆໂພນໂຮງ,ມີຄະນະປະຈຳພັກ,ກຳມະການພັກເມືອງ,ຫົວໜ້າຫ້ອງການ ,ກົມກອງ,ບັນດາໜ່ວຍສະຫະພັນແມ່ຍິງ ຂັ້ນບ້ານ ແລະ ພະນັກງານ ລັດຖະກອນພາຍໃນເມືອງເຂົ້າຮ່ວມ 157 ຄົນ.


ໃນການປາຖະກະຖາ 3 ປະຫວັດສາດຂອງພັກຂອງຊາດຄັ້ງນີ້ກໍ່ເພື່ອເປັນການຫວນຄືນເຖິງຊີວິດການເຄື່ອນໄຫວປະຕິວັດ ໃນພາລະກິດປົກປັກຮັກສາແລະ ສ້າງສາພັດທະນາປະເທດຊາດ ຂອງທ່ານ ປະທານ ສຸພາ ນຸວົງ ແລະ ສະເຫຼີມສະຫຼອງວັນສ້າງຕັ້ງແມ່ຍິງລາວຄົບຮອບ 65 ປີ , ຊົມເຊີຍວັນເຊັນສັນຍາມິດຕະພາບ ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ ແນ່ໃສ່ເພື່ອໃຫ້ສັງຄົມ,ພະນັກງານ,ລັດຖະກອນ,ຕະຫຼອດຮອດພໍ່ແມ່ປະຊາຊົນໄດ້ຮັບຮູ້ເຖິງມູນເຊື້ອຂອງການປະຕິວັດ,ຮູ້ໄດ້ເຖິງການກຳເນີດ,ການເຕີບໃຫຍ່ຂະຫຍາຍຕົວຂອງອົງການແມ່ຍິງລາວ

ໂດຍສະເພາະຜົນງານການເຄື່ອນໄຫວໃນພາລະກິດຕໍ່ສປົດປ່ອຍປະເທດຊາດ ແລະ ຮັບຮູ້ເຖິງຄວາມໝາຍ ຄວາມສຳຄັນຂອງການພົວພັນການຮ່ວມລາວ-ຫວຽດນາມທີ່ໄດ້ເປັນທ່າແຮງອັນດີໃນການສ້າງສາພັດທະນາປະເທດຊາດໃຫ້ເຂັ້ມແຂງ.

ໃຫ້ກຽດຂື້ນປາຖະກະຖາໂດຍທ່ານ ສົມປະສົງ ສຸວົງຄຳຈັນ ເຈົ້າເມືອງໆໂພນໂຮງ ຊຶ່ງທ່ານກໍ່ໄດ້ຍົກໃຫ້ເຫັນຜົນງານການເຄື່ອນຂອງປະທານ ສຸພາ ນຸວົງ ທີ່ໄດ້ນຳພາປະເທດຊາດຕໍ່ສູ່ກັບພວກລ່າເມືອງຂື້ນ ຢ່າງພິລະອາດຫານຈົນສາມາດນຳພາປົດປ່ອຍປະເທດຊາດຢ່າງມີໄຊ ,ຍົກໃຫ້ເຫັນການກຳເນີດ,ການເຕີບໃຫຍ່ຂະຫຍາຍຕົວຂອງສະຫະພັນແມ່ຍິງລາວທີ່ຍາມໃດກໍ່ໄດ້ຕໍ່ສູ່ຄຽງບາຄຽງໄຫຼກັບເພດ ແລະ ຍົກໃຫ້ເຫັນໝາກຜົນອັນພົ້ນເດັ່ນຂອງການພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງລາວ-ຫວຽດນາມ.

ເອກສານທີ່ນຳມາປາຖະກະຖາຄັ້ງນີ້ປະກອບມີ ເອກະສານວັນຄ້າຍວັນເກີດປະທານ ສຸພາ ນຸວົງ ຄົບຮອບ 111 (13 ກໍລະກົດ 1909 -13 ກໍລະກົດ 2020) ,ວັນສ້າງຕັ້ງສະຫະພັນແມ່ຍິງລາວຄົບຮອບ 65 ປີ (20 ກໍລະກົດ1955- 20 ກໍລະກົດ 2020)ແລະ ເອກະສານ ສັນຍາມິດຕະພາບ-ການຮ່ວມມື ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ).

ຂ່າວ: ສຸເວດ ວັນນະລິດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031