Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີ ຝຶກອົບຮົມຊາວໜຸ່ມອາສາສະໝັກ ແລະ ອາສາສະໝັກບໍລິຈາກເລືອດສຸກເສີນ

1 min read

ພິທີ ຝຶກອົບຮົມຊາວໜຸ່ມອາສາສະໝັກ ແລະ ອາສາສະໝັກບໍລິຈາກເລືອດສຸກເສີນ.


ວັນທີ 18 ກໍລະກົດ 2020 , ຢູ່ທີ່ຫ້ອງປະຊຸມສະໂມສອນເມືອງຊະນະຄາມ ແຂວງວຽງຈັນ, 

ໂດຍພາຍໃຕ້ການເປັນປະທານຮ່ວມຂອງທ່ານ ດຣ ບຸນເນົາ ພະຈອມພົນ ຫົວໜ້າອົງການກາແດງແຂວງວຽງຈັນ ແລະ ທ່ານ ວົງເພັດ ໄຊຍະສອນ ຮອງເລຂາຄະນະບໍລິຫານງານຊາວໜຸ່ມເມືອງຊະນະຄາມ, ມີບັນດາຄະນະຮັບຜິດຊອບຂັ້ນແຂວງ, ຂັ້ນເມືອງ,ພະນັກງານຫຼັກແຫຼ່ງ ແລະບັນດາຊາວໜຸ່ມນັກຮຽນເຂົ້າຮ່ວມທັງໝົດ 35 ຄົນ,ຍິງ 16 ຄົນ. 


ຈຸດປະສົງ ຂອງບັ້ນຝຶກອົບຮົມໃນຄັ້ງນີ້ ກໍ່ເພື່ອເປັນການສ້າງຄວາມຮັບຮູ້ ແລະ ເຂົ້າໃຈຕໍ່ກັບການພາລະບົດບາດ ການຈັດຕັ້ງ ແລະ ເຄື່ອນໄຫວຂອງອົງການກາແດງລາວ ໃຫ້ບັນດາອົງການຈັດຕັ້ງຂັ້ນຕ່າງໆ ຕະຫຼອດຮອດບັນດາຊາວໜຸ່ມນັກຮຽນພາຍໃນເມືອງໄດ້ມີຄວາມຮັບຮູ້ຢ່າງເລິກເຊິ່ງ ແລະ ກາຍເປັນເປົ້າໝາຍໃນການປຸກລະດົມຂົນຂວາຍໃນການປະກອບ ສ່ວນເຂົ້າໃນວຽກງານດັ່ງກ່າວໃນຕໍ່ໜ້າໃຫ້ມີບັນຍາກາດທີ່ຟົດຟື້ນ ແລະ ເປັນຂະບວນກວ້າງຂວາງ. 


ໃນບັ້ນຝຶກອົບຮົມໃນຄັ້ງນີ້ ໄດ້ມີການທົດສອບກ່ຽວກັບຄວາມຮູ້ພຶ້ນຖານເບື້ອງຕົນໃນການບໍລິຈາກເລືອດ, ການເຊື່ອມຊຶມບັນດາບົດຮຽນຕ່າງໆເຊັ່ນ: ຄວາມຮູ້ກ່ຽວກັບເລືອດ ແລະ ການບໍລິຈາກເລືອດ, ມາດຖານເງື່ອນໄຂຂອງຜູ່ບໍລິຈາກເລືອດ, ຄວາມຮັບຮູ້ ແລະ ເຂົ້າໃຈຂອງການບໍລິຈາກເລືອດແບບຕື່ນຕົວສະໝັກໃຈ ໂດຍບໍ່ຫວັງສິ່ງຕອບແທນ, ໜ້າທີ່ຂອງຊາວໜຸ່ມອາສາສະໝັກບໍລິຈາກເລືອດ ຕໍ່ກັບຂະບວນການປຸກລະດົມຜູ່ບໍລິຈາກເລືອດ ແລະ ສົ່ງເສີມສຸຂະພາບຊຸມຊົນ, ພາລະບົດບາດຂອງຜູ່ບໍລິຈາກເລືອດສຸກເສີນ, ຄວາມຮູ້ພື້ນຖານກ່ຽວກັບພະຍາດ HIV ແລະ ພະຍາດຕິດຕໍ່ທາງເພດສໍາພັນ (ພຕພ), ການປະຖົມພະຍາບານດ້ວຍວິທີການຊ່ວຍຊີວິດຂັ້ນພື້ນຖານ, ຄວາມຮູ້ພື້ນຖານກ່ຽວກັບພະຍາດ Thalasemia ( ພາລາຊີເມຍ) ແລະ ຄວາມສໍາຄັນຂອງທາດເຫຼັກຕໍ່ກັບເລືອດ ແລະ ສຸຂະພາບຂອງຄົນ. 


ໃນພິທີ ຍັງໄດ້ພ້ອມກັນກໍານົດແຜນຄາດໝາຍສູ້ຊົນພາຍໃນປີ 2020, ເພື່ອປຸກລະດົມການມີສ່ວນຮ່ວມເຂົ້າໃນການບໍລິຈາກເລືອດແບບຕື່ນຕົວສະໝັກໃຈ ໂດຍບໍ່ຫວັງສິ່ງຕອບແທນ, ໃນນີ້ ບັນດາກົມກອງ, ຫ້ອງການອ້ອມຂ້າງກໍານົດໃຫ້ມີຜູ່ປະກອບສ່ວນບໍລິຈາກທັງໝົດ 26 ຖົງ, ໂຮງຮຽນມັດທະຍົມສົມບູນຊະນະຄາມກໍານົດໃຫ້ໄດ້ 70 ຖົງ ແລະ ໂຮງຮຽນມັດທະຍົມສົມບູນນາສັກ ກໍານົດໃຫ້ໄດ້ 50 ຖົງ. 


ໃນຕອນທ້າຍ ໄດ້ພິທີມອບໃບຢັ້ງຢືນໃຫ້ແກ່ນັກຝຶກອົບຮົມ ໂດຍການເປັນກຽດຂຶ້ນມອບໂດຍທ່ານ ວົງເພັດ ໄຊຍະສອນ ຮອງເລຂາຄະນະບໍລິຫານງານຊາວໜຸ່ມເມືອງ ແລະ ຍັງໄດ້ຮັບຟັງການມີຄໍາໂອ້ລົມຈາກທ່ານ ດຣ ບຸນເນົາ ພະຈອມພົນ ຫົວໜ້າອົງການກາແດງແຂວງວຽງຈັນ, ເຊິ່ງທ່ານໄດ້ຍ້ອງຍໍຊົມເຊີຍຕໍ່ບັນດາພາກສ່ວນຕ່າງໆທີ່ໄດ້ຕັ້ງໜ້າປະກອບສ່ວນ ເຮັດໃຫ້ບັ້ນຝຶກອົບຮົມໃນຄັ້ງນີ້ໄດ້ຮັບຜົນສໍາເລັດຕາມແຜນການທີ່ວາງໄວ້, 

ພ້ອມກັນນີ້ ທ່ານຍັງໄດ້ຮຽກຮ້ອງມາຍັງການຈັດຕັ້ງທີ່ກ່ຽວຂ້ອງ ແລະ ບັນດານັກຝຶກອົບຮົມ ຈົ່ງພ້ອມກັນນໍາເອົາເນື້ອໃນຈິດໃຈຂອງພິທີໃນຄັ້ງນີ້ ນໍາໄປຈັດຕັ້ງຜັນຂະຫຍາຍໃຫ້ໄດ້ຮັບຜົນສໍາເລັດຕາມລະດັບຄາດໝາຍທີ່ວາງໄວ້.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed