Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງເຟືອງ ແຂວງວຽງຈັນ ຈັດວັນອະນຸລັກສັດນ້ຳ-ສັດປ່າ ແຫ່ງຊາດ

1 min read

ວັນທີ 20 ກໍລະກົດ 2020 ຢູ່ທີ່ໜ້າຝາຍເກັບນ້ຳ ບ້ານໂພນສະຫວ່າງ ຈຸດສຸມພັດທະນາຜາສັງເມືອງເຟືອງ ແຂວງວຽງຈັນ ໄດ້ຈັດພິທີສະເຫຼີມສະຫຼອງວັນອະນຸລັກ ສັດນ້ຳ-ສັດປ່າ ແລະວັນປ່ອຍປາແຫ່ງຊາດ ກໍ່ຄືວັນທີ 13 ກໍລະກົດຂອງທຸກໆປີ ທັງເປັນການສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວທີ່ບັນຈົບຄົບຮອບ65 ປີ ໄປພ້ອມໆກັນ.

ໃຫ້ກຽດເຂົ້າຮ່ວມມີ ທ່ານ ນາງຄໍາເມີງ ແພງວິຈິດ ຮອງເລຂາພັກເມືອງຜູ້ຊີ້ນໍາວຽກພັກ,ພະນັກງານ ແລະວຽກງານການເມືອງ-ແນວຄິດ, ທ່ານ ແກ້ວວິໄຊ ບຸນເຕີມ ຫົວໜ້າສະມາຄົບພັດທະນາບົດບາດຍິງ-ຊາຍ (gda), ມີການນໍາຂັ້ນເມືອງ, ຫົວໜ້າຄະນະຫ້ອງການ,ຄະນະຊີ້ນໍາຈຸດສຸມພັດທະນາຜາສັງ, ນາຍບ້ານ, ພໍ່ແມ່ປະຊາຊົນ ແລະອະນຸຊົນ-ເຍົາວະຊົນ, ຊາວໜຸ່ມ ພາຍໃນບ້ານໂພນສະຫວ່າງ ໄດ້ພ້ອມກັນເຂົ້າຮ່ວມຢ່າງພ້ອມພຽງ.


ໃນພິທີ ທ່ານ ນາງ ຄຳເມີງ ແພງວິຈິດ ຮອງເລຂາພັກເມືອງ ໄດ້ມີຄຳເຫັນຕໍ່ວັນດັ່ງກ່າວ ຍົກໃຫ້ເຫັນຄວາມໝາຍ ຄວາມສຳຄັນ ຕໍ່ວັນອະນຸລັກສັດນ້ຳ-ສັດປ່າ ແລະວັນປ່ອຍປາແຫ່ງຊາດທີ່ທາງພັກລັດໄດ້ກຳນົດຂື້ນມາ.

ເພຶ່ອເຮັດໃຫ້ອະນຸຊົນ-ເຍົາວະຊົນ-ຊາວໜຸ່ມ ຮຸ້ນເກີດໃໝ່ ໃຫຍ່ລຸນ ໃຫ້ຮູ້ຈັກອະນຸລັກ ສັດນ້ຳ-ສັດປ່າ ທີ່ໄກ້ຈະສູນພັນໃຫ້ມີຊີວິດຮ່ວມກັບຄົນເຮົາຕະຫຼອດໄປ ທັງເປັນການປູກຈິດສຳນຶກ ຊຸກຍູ້, ສົ່ງເສີມການປ່ອຍປາລົງສູ່ຫ້ວຍຮ່ອງ ຄອງບຶງ, ຫ້ວຍນ້ຳ ລຳທານ ຢ່າງເປັນຂະບວນ. ເຮັດໃຫ້ຈຳນວນສັດນ້ຳເພີ່ມຂື້ນ.

ຍ້ອນການຂະຫຍາຍພັນຂອງສັດຢູ່ຕາມທຳມະຊາດນັ້ນບໍ່ພຽງພໍ ໃນການຕອບສະໜອງກັບຊີວີິດການເປັນຢູ່ຂອງພໍ່ແມ່ປະຊາຊົນ, ຄຽງຄູ່ກັບການຮ່ວມແຮງຮ່ວມໃຈກັນປ່ອຍປາລົງສູ່ແຫຼ່ງນ້ຳທຳມະຊາດນີ້ແລ້ວ ຕ້ອງໄດ້ມີວິທີອະນຸລັກ ຮັກສາ ພ້ອມກັນຢຸດຕິການຫາປາແບບດັບສູນເຊັ່ນ: ການນຳໃຊ້ເຄື່ອງມືຫາປາປະເພດ ໝໍ້ຊ໋ອດ, ໝໍ້ດູດປາ, ນຳໃຊ້ລະເບີດ, ເຄມີຕ່າງໆ ທີ່ເປັນສິ່ງຫວງຫ້າມ ຖ້າຜູ້ໃດລະເມີດຕ້ອງຖືກປະຕິບັດລະບຽບກົດໝາຍຢ່າງເຂັ້ມງວດ.


ໃນໄລຍະ 1 ປີທີ່ຜ່ານມາຢູ່ເມືອງເຟືອງສາມາດປ່ອຍປາຄືນສູ່ທຳມະຊາດໄດ້ 1.153.000 ໂຕ, ຢູ່ຕາມແຕ່ລະແຫຼ່ງນ້ຳທຳມະຊາດ ແລະໃນໜອງປາຂອງປະຊາຊົນພາຍໃນເມືອງ.

ສຳລັບປີ 2020 ນີ້ ຕາມແຜນການແມ່ນຈະປ່ອຍປາໃຫ້ໄດ້ 1.550.000 ໂຕ. ຫຼັງຈາກນັ້ນຜູ້ເຂົ້າຮ່ວມກໍ່ໄດ້ນຳເອົາລູກປາ ປະເພດ: ປານິນ, ປາໃນ, ປາກິນຫຍ້າ ແລະປາປາກ ຈຳນວນ 10.000 ໂຕ ລົງປ່ອຍສູ່ໜ້າອ່າງເກັບນ້ຳຝາຍນ້ຳຊາວ ບ້ານໂພນສະຫວ່າງ. ສຳລັບທຶນຮອນໃນການຊື້ລູກປາຄັ້ງນີ້ແມ່ນສະມາຄົມພັດທະນາບົດບາດຍິງ-ຊາຍ(gda) ສົມທົບກັບຫ້ອງການກະສິກໍາ ແລະປ່າໄມ້ເມືອງເຟືອງປະກອບສ່ວນທາງດ້ານທຶນຮ່ວມກັນ.

ຂ່າວໂດຍ: ຄໍາລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031