Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງເຟືອງຈັດພິທີປາຖະກະຖາ 2 ວັນປະຫວັດສາດ

1 min read

ເມືອງເຟືອງຈັດພິທີປາຖະກະຖາ 2 ວັນປະຫວັດສາດ


ວັນທີ 21 ກໍລະກົດ 2020 ເມືອງເຟືອງ ໄດ້ຈັດພິທີປາຖະກະຖາ 2 ວັນປະຫວັດສາດ ຄື: ວັນຄ້າຍວັນເກີດປະທານ ສຸພານຸວົງ ຄົບຮອບ 111 ປີ (ວັນທີ 13 ກໍລະກົດ ປີ 1909 ຫາ ວັນທີ 20 ກໍລະກົດ ປີ2020) ແລະວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ (ວັນທີ 20 ກໍລະກົດ ປີ1955 ຫາ ວັນທີ 20 ກໍລະກົດ ປີ2020).


ທ່ານ ຄຳເພັດ ຈັນສົມພູ ເລຂາຄະນະບໍລິຫານງານພັກເມືອງ, ເຈົ້າເມືອງໆເຟືອງ ໄດ້ໃຫ້ກຽດຂຶ້ນປາຖະກະ ຖາ ວັນຄ້າຍວັນເກີດຂອງ ປະທານ ສຸພານຸວົງ ເຊີ່ງໄດ້ຍົກໃຫ້ເຫັນຊີວິດ ແລະການເຄື່ອນໄຫວ ພ້ອມທັງ ລະນຶກເຖິງຜົນງານ ແລະຄຸນງາມ, ຄວາມດີ ຂອງປະທານສຸພານຸວົງ ຫຼາຍດ້ານ.

 

ທ່ານເປັນຜູ້ນໍາທີ່ມີຄວາມຈົ່ງຮັກ ພັກດີ ຕໍ່ອຸດົມການປະຕິວັດຢ່າງເດັດຂາດ, ຕໍ່ສູ້ຢ່າງກ້າແກ່ນ, ພິລະອາດຫານ, ດໍາລົງຊີວິດຢ່າງສັດຊື່ ສຸຈະລິດ ແລະແບບງ່າຍດາຍ, ແມ່ນປັນຍາຊົນຜູ້ຫຍິ່ງໃຫຍ່ ທີ່ມີນໍ້າໃຈຮັກຊາດອັນດູດດື່ມ, ມີຈິດໃຈຕໍ່ສູ້ທີ່ອາດຫານກ້າແກ່ນ, ມີທັດສະນະຫຼັກໝັ້ນອັນໜັກແໜ້ນ ແລະມີນໍ້າໃຈເສຍສະຫຼະອັນສູງສົ່ງ ເພື່ອຊາດ, ເພື່ອປະຊາຊົນ, ເປັນຄົນດຸໝັ່ນ, ຫ້າວຫັນ ປະຢັດມັດທະຍັດ, ເປັນຄົນອອກແຮງງານເກັ່ງ ທາງດ້ານມັນສະໝອງ ແລະຮ່າງກາຍ, ເປັນກໍາມະກອນຂົວທາງ, ວິທະຍາກອນທີ່ເກັ່ງອັນດັບໜຶ່ງຂອງລາວ, ເປັນໜຶ່ງໃນບັນດາຜູ້ນໍາທີ່ດີເດັ່ນ ແລະເຄົາລົບຮັກຂອງປະຊາຊົນລາວບັນດາເຜົ່າ.


ຫຼັງຈາກນັ້ນ, ໃນພິທີ ທ່ານ ນ.ຄໍາເມິງ ແພງວິຈິດ ຮອງເລຂາພັກເມືອງ, ຜູ້ຊີ້ນໍາວຽກພັກ, ພະນັກງານ ແລະວຽງານການເມືອງແນວຄິດ ກໍໄດ້ໃຫ້ກຽດຂຶ້ນປາຖະກະຖາ ວັນສ້າງຕັ້ງສະຫະພັນແມ່ຍິງລາວ ເພື່ອທົບທວນ ຫວນຄືນປະຫວັດມູນເຊື້ອການກໍາເນີດ, ເຕີບໃຫຍ່ຂະຫຍາຍຕົວ ແລະຜົນງານການເຄື່ອນໄຫວຂອງອົງການຈັດຕັ້ງສະຫະພັນແມ່ຍິງລາວ ບັນດາເຜົ່າທີ່ໄດ້ອຸທິດຕົນ ເພື່ອພາລະກິດຕໍ່ສູ້ປົດປ່ອຍຊາດ, ປົກປັກຮັກສາ ແລະສ້າງສາພັດທະນາປະເທດຊາດ ກໍຄືພັດທະນາແມ່ຍິງຕະຫຼອດໄລຍະ 65 ປີທີ່ຜ່ານມາ ໂດຍແມ່ຍິງບັນດາເຜົ່າໄດ້ມີມູນເຊື້ອຕໍ່ສູ້ອົງອາດກ້າຫານ, ມີນໍ້າໃຈໂອບເອື້ອອາລີ, ມີນໍ້າໃຈຮັກເຊື້ອ ແພງຊາດ, ມີມູນເຊື້ອທີ່ເປັນເອກະລັກທາງດ້ານວັດທະນະທໍາ ແລະຮີດຄອງປະເພນີ.


ພິທີດັ່ງກ່າວຄັ້ງນີ້ ຜູ້ເຂົ້າຮ່ວມຮັບຟັງມີ ຄະນະປະຈໍາ,ກໍາມະການພັັກເມືອງ, ຫົວໜ້າ, ຄະນະຫ້ອງການ ຕະຫຼອດຮອດພະນັກງານວິຊາການ ທີ່ມາຈາກສຳນັກງານ, ກົມກອງ, ຫ້ອງການ, ໂຮງຮຽນ, ໂຮງໝໍ ລວມທັງໝົດ 104 ທ່ານ, ຍິງ 61 ທ່ານ.

ຜ່ານການໄດ້ຈັດຕັ້ງພິທີປາຖະກະຖາ 2 ວັນສໍາຄັນດັ່ງກ່າວນີ້ ເຮັດໃຫ້ຜູ້ເຂົ້າຮ່ວມໄດ້ຮັບຮູ້ ເຖິງການ ເຄື່ອນໄຫວທີ່ພົ້ນເດັ່ນ, ເຫັນໄດ້ການເຕີບໃຫຍ່ຂະຫຍາຍຕົວ ແລະບົດຮຽນອັນລໍ້າຄ່າ ເພື່ອໄປໝູນໃຊ້ເຂົ້າໃນການດໍາຊີວິດປະຈໍາວັນ ແລະເຂົ້າໃນການເຄື່ອນໄຫວໜ້າທີ່ວຽກງານ ເພື່ອພາລະກິດປົກປັກຮັກສາ ແລະສ້າງສາພັດທະນາບ້ານເມືອງໃຫ້ມີຄວາມຈະເລີນກ້າວໜ້າ.

ຂ່າວໂດຍ: ສົມຄິດ ຈິດດາວົງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031