Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ບັນດາໜ່ວຍພັກຮາກຖານ ທົ່ວເມືອງຊະນະຄາມ ໄດ້ຮັບການຊຸກຍູ້ຕິດຕາມທາງດ້ານວຽກກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ

1 min read

ບັນດາໜ່ວຍພັກຮາກຖານ ທົ່ວເມືອງຊະນະຄາມ
ໄດ້ຮັບການຊຸກຍູ້ຕິດຕາມທາງດ້ານວຽກກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ.


ພິທີດັ່ງກ່າວ ໄດ້ຈັດຂຶ້ນຢູ່ທີ່ສະໂມສອນໃຫຍ່ຂອງເມືອງດັ່ງກ່າວ, ໂດຍພາຍໃຕ້ການເປັນກຽດເຂົ້າຮ່ວມເປັນປະທານຂອງ ສະຫາຍ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງໆຊະນະຄາມ ແລະ ສະຫາຍ ຄໍາປອງ ຄໍາສີດາ ຮັກສາການຫົວໜ້າຄະນະຈັດຕັ້ງແຂວງວຽງຈັນ, ມີບັນດາສະຫາຍຄະນະປະຈໍາພັກເມືອງ, ກໍາມະການພັກເມືອງ, ເລຂາຄະນະພັກຮາກຖານ, ເລຂາໜ່ວຍພັກ, ບັນດາຄະນະຮັບຜິດຊອບຂັ້ນແຂວງ ແລະ ຂັ້ນເມືອງ ເຂົ້າຮ່ວມໃນພິທີດັ່ງກ່າວ ຢ່າງພ້ອມພຽງ.


ໂດຍປະຕິບັດຕາມ ຄໍາສັ່ງແນະນໍາຂອງກົມການເມືອງສູນກາງພັກ ສະບັບເລກທີ 01/ກມສພ, ລົງວັນທີ 03 ມັງກອນ 2018, ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ຄໍາແນະນໍາຂອງຄະນະຈັດຕັ້ງສູນກາງພັກ ສະບັບເລກທີ 291/ຄຈສພ, ລົງວັນທີ 26 ເມສາ 2018, ກ່ຽວກັບການຈັດຕັ້ງປະຕິບັດຄໍາສັ່ງຂອງກົມການເມືອງສູນກາງພັກ, ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ.


ຈຸດປະສົງ ຂອງພິທີໃນຄັ້ງນີ້ກໍ່ເພື່ອເປັນການຕິດຕາມ, ຊຸກຍູ້ບັນດາໜ່ວຍພັກຮາກຖານໃນທົ່ວເມືອງ ຕໍ່ກັບວຽກງານກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໃຫ້ຖືກຕ້ອງ, ສອດຄ່ອງ ແລະ ເປັນເອກະພາບໃນທົ່ວພັກ, ເຮັດໃຫ້ໜ່ວຍພັກຮູ້ສ້າງແຜນການ, ຮູ້ນໍາພາຈັດຕັ້ງປະຕິບັດແຜນການ, ຮູ້ສະຫຼຸບຕີລາຄາການຈັດຕັ້ງປະຕິບັດແຜນການ, ຕີລາຄາຄຸນນະພາບ, ສາມາດຈັດແບ່ງປະເພດຂອງສະມາຊິກພັກ, ໜ່ວຍພັກ ໄດ້ຢ່າງຈະແຈ້ງ ແລະ ຊັດເຈນ

ພ້ອມນີ້ ກໍ່ຍັງສືບຕໍ່ເສີມຂະຫາຍມູນເຊື້ອອັນດີງາມທີ່ໂດດເດັ່ນ ແລະ ດ້ານດີຂອງພັກ, ແກ້ໄຂຈຸດອ່ອນຂໍ້ຄົງຄ້າງ ແລະ ສິ່ງທ້າທາຍທົດສອບ, ຍົກສູງຄຸນນະພາບຂອງໜ່ວຍພັກ ແລະ ສະມາຊິກພັກ ໃຫ້ມີການຫັນປ່ຽນຢ່າງຕັ້ງໜ້າດ້ວຍບາດກ້າວມຸທະລຸ ສາມາດເປັນແກນນໍາທີ່ເຂັ້ມແຂງໃນລະບົບການເມືອງຢູ່ຂັ້ນຮາກຖານ, ຕອບສະໜອງໄດ້ຄວາມຮຽກຮ້ອງຕ້ອງການໃນການພັດທະນາຂອງປະເທດຊາດ ໃນເງື່ອນໄຂ ແລະ ສະພາບແວດລ້ອມອັນໃໝ່, ສາມາດນໍາພາຈັດຕັ້ງປະຕິບັດໜ້າທີ່ການເມືອງຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດວາງອອກແຕ່ລະໄລຍະໃຫ້ປະກົດຜົນເປັນຈິງ.


ໃນພິທີ ທີ່ມີຄວາມໝາຍຄວາມສໍາຄັນດັ່ງກ່າວ, ໄດ້ມີການມອບ-ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກ ແໜ້ນ ປະຈໍາປີ 2019, ໃຫ້ແກ່ບັນດາໜ່ວຍພັກຮາກຖານພາຍໃນເມືອງ ຈໍານວນ 78 ໜ່ວຍພັກ, ຈາກຈໍານວນທັງໝົດ 109 ໜ່ວຍພັກໃນທົ່ວເມືອງ, ໂດຍພາຍໃຕ້ການເປັນກຽດຂຶ້ນມອບຂອງ ສະຫາຍ ສະໝານ ວິເສດຍະພົງສ໌ ເລຂາຄະນະບໍລິຫານງານພັກເມືອງ ເຈົ້າເມືອງໆຊະນະຄາມ ໂດຍຊ້ອງໜ້າບັນດາສະຫາຍຜູ່ແທນໃນພິທີ ຢ່າງສົມກຽດ.


ໃນຕອນທ້າຍຂອງພິທີ, ໄດ້ມີການປະກອບຄໍາຄິດ-ຄໍາເຫັນ ແລະ ມີຄໍາຖາມເຈາະຈີ້ມຈາກບັນດາຜູ່ເຂົ້າຮ່ວມ ແລະ ໄດ້ຮັບຟັງການມີຄໍາເຫັນໂອ້ລົມ ແລະ ມີທິດຊີ້ນໍາຈາກຄະນະປະທານ, ເຊິ່ງໄດ້ສະແດງຄວາມຍ້ອງຍໍຊົມເຊີຍຕໍ່ບັນດາໜ່ວຍພັກທີ່ສາມາດຍາດມາໄດ້ຜົນງານອັນພົ້ນເດັ່ນ ກໍ່ຄືການຢັ້ງຢືນເປັນໜ່ວຍພັກປອດໃສ, ເຂັ້ມແຂງ , ໜັກແໜ້ນໃນຄັ້ງນີ້, ພ້ອມກັນນີ້ ຍັງໄດ້ຮຽກຮ້ອງມາຍັງບັນດາຄະນະພັກ, ຄະນະນໍາຂັ້ນເມືອງ, ບັນດາໜ່ວຍພັກຮາກຖານພາຍໃນເມືອງ ແລະ ຄະນະຮັບຜິດຊອບຈົ່ງໄດ້ເອົາໃຈໃສ່ໃນການຊີນໍາ -ນໍາພາ ຈັດຕັ້ງປະຕິບັດໜ້າທີ່ວຽກງານຕົ້ນຕໍ່ເຊັ່ນ: ດ້ານການເມືອງ-ແນວຄິດ ດ້ານການຈັດຕັ້ງປະຕິບັດ,

 

ແລະ ດ້ານການນໍາພາປະຕິບັດໜ້າທີ່ການເມືອງ, ເອົາໃຈໃສ່ຕັ້ງໜ້າປັງປຸງກໍ່ສ້າງໜ່ວຍພັກ ເຮັດໃຫ້ໜ່ວຍພັກ ແລະ ສະມາຊິກພັກມີຄວາມເຕີບໃຫຍ່ຂະຫຍາຍຕົວທາງດ້ານຈໍານວນ ແລະ ຄຸນນະພາບ, ສືບຕໍ່ສ້າງ ແລະ ຮັກສາໄດ້ມູນເຊື້ອໜ່ວຍພັກ ເປັນໜ່ວຍພັກປອດໃສ, ເຂັ້ມແຂງ , ໜັກແໜ້ນ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930