Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີປະກາດຮັບຮອງເອົາຜະລິດຕະພັນກາເຟຜາໂກຍເປັນສິນຄ້າໂອດ໋ອບ

1 min read

ເມືອງກາສີປະກາດຮັບຮອງເອົາຜະລິດຕະພັນກາເຟຜາໂກຍເປັນສິນຄ້າໂອດ໋ອບ

ພິທີປະກາດຮັບຮອງເອົາຜະລິດຕະພັນແຫ່ງຊາດ (ໂອດ໋ອບ) ໄດ້ມີຂຶ້ນໃນວັນທີ່ 10 ກໍລະກົດ 2020 ຜ່ານມານີ້, ຢູ່ທີ່ຫ້ອງປະຊຸມຂອງຫ້ອງການສາທາລະນະສຸກເມືອງກາສີ ແຂວງວຽງຈັນ,

ໃຫ້ກຽດເຂົ້າຮ່ວມຂອງທ່ານ ສີທົນ ແສງພະຈັນ ເລຂາພັກເມືອງ ເຈົ້າເມືອງໆກາສີ, ມີທ່ານ ໄພວັນ ປະທໍາມະວົງ ຫົວຫນ້າພະແນກອຸດສາະກໍາ ແລະ ການຄ້າແຂວງວຽງຈັນ, ມີບັນດາຫົວຫນ້າ-ຮອງຫົວຫນ້າຫ້ອງການ, ແຂກຖືກເຊີນພ້ອມດ້ວຍຜູ້ປະກອບການກຸ່ມຜູ້ຜະລິດກາເຟຜາໂກຍເຂົ້າຮ່ວມຢ່າງພ້ອມພຽງ.


ທ່ານ ແຫລວທອງ ແສງສຸລິຍາ ຫົວຫນ້າຫ້ອງການ ອຸດສາຫະກໍາ ແລະ ການຄ້າເມືອງ ໄດ້ຂຶ້ນຜ່ານບົດລາຍງານຫຍໍ້ກ່ຽວກັບການເຄື່ນໄຫວຊຸກຍູ້ສົ່ງເສີມສິນຄ້າໂອດ໋ອບຢູ່ເມືອງກາສີ ເຊີ່ງມີເນື້ອໃນບາງຕອນວ່າ: ການຄັດເລືອກສິນຄ້າຫນື່ງເມືອງຫນື່ງຜະລິດຕະພັນແຫ່ງຊາດ ( ສິນຄ້າໂອດ໋ອບ ) ແມ່ນປະຕິບັດຕາມບົດແນະນໍາ ເລກທີ 3558/ສພຄ, ລົງວັນທີ່ 26 ພະຈິກ 2012 ກ່ຽວກັບເງື່ອນໄຂ ແລະ ຂັ້ນຕອນໃນການຄັດເລືອກສິນຄ້າຫນື່ງເມືອງຫນື່ງຜະລິດຕະພັນແຫ່ງຊາດ.

 

ຜ່ານການລົງເຄື່ອນໄຫວຕົວຈິງຢູ່ເມືອງກາສີເຫັນວ່າ ຜະລິດຕະພັນສິນຄ້າທີ່ພົ້ນເດັ່ນ ແລະ ມີເງື່ອນໄຂທີ່ຈະກາຍເປັນສິນຄ້າໂອດ໋ອບໄດ້ນັ້ນມີຫນື່ງຜະລິດຕະພັນຄື: ຜະລິດຕະພັນກາເຟຜາໂກຍຂອງກຸ່ມຜະລິດກາເຟຜາໂກຍ ຂອງ ທ່ານ ບຸນມີ ສຸມຸນທອງ ຢູ່ບ້ານພູຄຳ.

ແລະ ການຄ້າເມືອງໄດ້ສົມທົບກັບຄະນະກໍາມະການຄັດເລືອກສິນຄ້າໜື່ງເມືອງໜື່ງຜະລິດຕະພັນເພື່ອປະກອບເອກະສານໃຫ້ກຸ່ມຜະລິດກາເຟຜາໂກຍ ແລະ ນໍາສະເໜີຕໍ່ຂັ້ນເທີງຕາມຂັ້ນຕອນ ເພື່ອຢັ້ງຢືນກາໝາຍສິນຄ້າໂອດ໋ອບ, ເຊີ່ງມາຮອດປະຈຸບັນຢູ່ເມືອງກາສີໄດ້ຮັບຢັ້ງຢືນກາໝາຍສິນຄ້າໂອດ໋ອບແຫ່ງຊາດແລ້ວ 02 ຫົວໜ່ວຍຄື: ຜະລິດຕະພັນນ້ຳປູກາສີຄໍາ ຂອງກຸ່ມປຸງແຕ່ງນ້ຳປູ ບ້ານນາມົນ ແລະ ຜະລິດກາເຟຜາໂກຍຂອງກຸ່ມຜະລິດກາເຟຜາໂກຍຂອງ ທ່ານ ບຸນມີ ສຸມຸນທອງ ບ້ານພູຄໍາ, ຈາກນັ້ນທ່ານ ເຈົ້າເມືອງກໍ່ໄດ້ໃຫ້ກຽດຂຶ້ນມອບກາໝາຍສິນຄ້າໂອດ໋ອບໃຫ້ແກ່ ທ່ານ ບຸນມີ ສຸມຸນທອງ ເຈົ້າຂອງຜະລິດຕະພັນກາເຟຜາໂກຍ.

ໃນພິທີ່ດັ່ງກ່າວຍັງໄດ້ມີການມອບ – ຮັບຫນ້າທີ່ລະຫວ່າງ ທ່ານ ແຫລວທອງ ແສງສຸລິຍາ ຫົວຫນ້າຫ້ອງການອຸດສາຫະກໍາ ແລະ ການຄ້າຜູ້ເກົ່າ ແລະ ທ່ານ ຈັນປະເສີດ ບຸດດາວົງ ຮັກສາການຫົວຫນ້າຫ້ອງການອຸດສາຫະກໍາ ແລະ ການຄ້າຜູ້ໃຫມ່ໂດຍຊ່ອງໜ້າກັບການນໍາຂອງແຂວງ – ຂອງເມືອງເຂົ້າຮ່ວມເປັນສັກຂີພິຍານ.

ຂ່າວ : ອໍາພອນ ນ້ອຍສິນນະລັກ
ເມືອງກາສີ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031