Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີເປີດການສອບເສັງ ຈົບຊັ້ນມໍ4

1 min read

ເມືອງກາສີເປີດການສອບເສັງ ຈົບຊັ້ນມໍ4


ວັນທີ 21 ກໍລະກົດ 2020ນີ້, ຢູ່ທີ່ໂຮງຮຽນມໍສໍກາສີ ໄດ້ເປີດພິທີການສອບເສັງຈົບຊັ້ນມໍ4ຂື້ນຢ່າງເປັນທາງການ, ພາຍໃຕ້ການເປັນປະທານຂອງ ທ່ານ ລາຢູ ແສນໃຈວຸດ ກຳມະການພັກເມືອງ ຫົວໜ້າຫ້ອງການສຶກສາທິການ ແລະກິລາເມືອງກາສີ,

ໂດຍການເປັນໃຫ້ກຽດເຂົ້າຮ່ວມຂອງ ທ່ານ ຄຳອ້ວນ ສຸວັນທອງ ກຳມະການພັກເມືອງ ຮອງເຈົ້າເມືອງໆກາສີ, ມີຄະນະຮັບຜິດຊອບຈາກພະແນກສຶກສາທິການ ແລະກິລາແຂວງວຽງຈັນ, ຫ້ອງການສຶກສາທິການ ແລະກິລາເມືອງ, ມີຜູ້ອຳນວຍການໂຮງຮຽນ, ຄູ-ອາຈານ ພ້ອມດ້ວຍນ້ອງນັກຮຽນຊັ້ນມໍ ເຂົ້າຮ່ວມຢ່າງທັງໝົດ 400ກວ່າຄົນ.

ທ່ານ ລາຢູ ແສນໃຈວຸດ ຫົວໜ້າຫ້ອງການສຶກສາທິການ ແລະກິລາເມືອງກາສີ ໃຫ້ຮູ້ວ່າ: ການສອບເສັງຈົບຊັ້ນມໍ4 ໃນປີນີ້ແມ່ນຈະໄດ້ດຳເນີນໄປເປັນເວລາ3ວັນ ຄື: ວັນທີ 22-24 ກໍລະກົດ2020. ສະເພາະຢູ່ເມືອງກາສີ ມີ03ສູນສອບເສັງ ຄື: ສູນມໍສໍກາສີ, ສູນມໍສໍບ້ານຈຽງ ແລະ ສູນມໍສໍປຸ່ງຫຼັກ, ມີນັກຮຽນຊັ້ນມໍ4 ຂື້ນທະບຽນເຂົ້າສອບເສັງທັງໝົດ 694 ຄົນ, ສຳລັບວິຊາສອບເສັງແມ່ນມີ 06 ວິຊາຄື: ພາສາລາວ-ວັນນະຄະດີ, ຄະນິດສາດ, ວິທະຍາສາດທຳມະຊນດ, ສຶກສາພົນລະເມືອງ, ວິທະຍາສາດສັງຄົມ ແລະ ພາສາອັງກິດ, ພ້ອມນັ້ນກໍ່ໄດ້ຜ່ານກົດລະບຽບຂອງການສອບເສັງ ແລະ ຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບ ແລະ ຄະນະກຳມະການຍາມຫ້ອງສອບເສັງອີກດ້ວຍ.

ໃນໂອກາດດັ່ງກ່າວທ່ານ ນາງ ອານຸສອນ ພວງແກ້ວ ຫົວໜ້າຫ້ອງການບໍລິຫານ ພະແນກສຶກສາທິການ ແລະ ກິລາແຂວງວຽງຈັນ ໃຫ້ກຽດມອບຫົວບົດສອບເສັງໃຫ້ແກ່ເມືອງກາສີ ເຊີ່ງກ່າວຮັບໂດຍແມ່ນທ່ານ ລາຢູ ແສນໃຈວຸດ ຫົວໜ້າຫ້ອງການສຶກສາທິການ ແລະກິລາເມືອງກາສີ ໂດຍຊ້ອງໜ້າກັບການນຳຂອງເມືອງ,ຄູ-ອາຈານ ພ້ອມດ້ວຍນ້ອງນັກຮຽນເປັນສັກຂີພິຍານ.

ພ້ອມນັ້ນທ່ານ ນາງ ອານຸສອນ ພວງແກ້ວ ຕາງໜ້າພະແນກສຶກສາທິການ ແລະ ກິລາແຂວງ ກໍໄດ້ຂື້ນອະທິບາຍຊີແຈ້ງກ່ຽວກັບການສອບເສັງ ໂດຍສະເພາະແມ່ນການໃສ່ເລກລະຫັດ, ການຕອບຄຳຖາມ ເພື່ອເຮັດໃຫ້ນ້ອງນັກຮຽນໄດ້ເຂົ້າໃຈ.

ໃນໂອກາດທ້າຍພິທີ ທ່ານ ຄຳອ້ວນ ສຸວັນທອງ ກຳມະການພັກເມືອງ ຮອງເຈົ້າເມືອງໆກາສີ ໄດ້ເນັ້ນໜັກໃຫ້ຄູ-ອາຈານກໍ່ຄືຄະນະກຳມະການສອບເສັງຄັ້ງນີ້ ຈົ່ງເອົາໃຈໃສ່ເຮັດໃຫ້ລ້ອນໜ້າທີ່ຂອງຕົນທີ່ໄດ້ຮັບມອບໝາຍ ເຮັດໃຫ້ການສອບເສັງໃນຄັ້ງນີ້ ປະສົບຜົນສຳເລັດຕາມລະດັບຄາດໝາຍທີ່ວາງໄວ້.

ສ່ວນນ້ອງນັກຮຽນກໍ່ຕ້ອງໄດ້ເອົາໃຈໃສ່ ສຶກສາຄົ້ນຄວ້າຮ່ຳຮຽນ ຕັ້ງໜ້າເຂົ້າສອບເສັງສູ້ຊົນຍາດໃຫ້ໄດ້ຄະແນນດີໝົດທຸກຄົນ.

ຂ່າວ: ເມືອງກາສີ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031