Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຝຶກອົບຮົມການຂະຫຍາຍພັນໄມ້ໃຫ້ໝາກ ຢູ່ເມືອງກາສີ

1 min read

ຝຶກອົບຮົມການຂະຫຍາຍພັນໄມ້ໃຫ້ໝາກ ຢູ່ເມືອງກາສີ.


ວັນທີ 21 ກໍລະກົດ 2020ນີ້, ພະແນກແຮງງານ ແລະ ສະຫວັດດີການ ສັງຄົມ ແຂວງວຽງຈັນ ໄດ້ສົມທົບກັບ ຫ້ອງການແຮງງານ ແລະ ສະຫວັດດີການສັງຄົມ ເມືອງກາສີ ເປີດຝຶກອົບຮົມ ໂຄງການພັດທະນາສີມືແຮງງານ ສາຂາວິຊາ ເຕັກນິກການປູກ, ວິທີການຕໍ່ການກິ່ງ, ການສຽບງ່າ, ຕິດຕາ ແລະ ວິທີການບົວລະບັດໝາກກ້ຽງໃຫຍ່( ໝາກຜຸກ ) ໃຫ້ແກ່ປະຊາຊົນພາຍໃນ 08ບ້ານຂອງເມືອງກາສີ.

ຊຸດຝຶກອົບຮົມດັ່ງກ່າວ ໄດ້ຈັດຂື້ນຢູ່ທີ່ຫ້ອງປະຊຸມ ຂອງຫ້ອງການກະສິກຳ ແລະ ປ່າໄມ້ເມືອງກາສີ ໂດຍການເປັນກຽດເຂົ້າຮ່ວມເປັນປະທານ ຂອງທ່ານ ຍົມສອນ ຄຳມາສີ ຫົວໜ້າພະແນກ ຮສສ ແຂວງວຽງຈັນ, ມີທ່ານ ຄໍາອ້ວນ ສຸວັນທອງ ຮອງເຈົ້າເມືອງໆກາສີ, ມີຫົວໜ້າຫ້ອງການ-ຮອງຫ້ອງການທີ່ກ່ຽວຂ້ອງ ພ້ອມດ້ວຍຄູຝຶກ ແລະ ນັກສຳມະນາກອນເຂົ້າຮ່ວມ. ການຝຶກອົບຮົມໃນຄັ້ງນີ້ແມ່ນຈະເລີ່ມແຕ່ວັນທີ 21-24 ກໍລະກົດ, ໃນນັ້ນມີຄູຝຶກມາຈາກ ຫ້ອງການ ກະສິກຳ ແລະ ປ່າໄມ້ເມືອງ ຈຳນວນ 02ທ່ານ ແລະ ມີນັກສຳມະນາການເຂົ້າຮ່ວມ ຈຳນວນ 36 ທ່ານ, ຍິງ 04 ທ່ານ ເຊີ່ງມາຈາກ 08 ບ້ານຂອງເມືອງກາສີ ຄື: ບ້ານຈຽງ, ບ້ານນາແທ່ນ, ບ້ານ ວຽງແກ້ວ, ບ້ານພູຄຳ, ບ້ານນາມົນ, ບ້ານໂພນງາມ, ບ້ານໂພນສີດາ ແລະ ບ້ານວຽງສະໄໝ.

ສຳລັບການຝຶກອົບຮົມໃນຄັ້ງນີ້ ບັນດານັກສຳມະນາກອນຈະໄດ້ສຶກສາຮ່ຳຮຽນທາງດ້ານທິດສະດີ ແລະ ພຶດຕິກຳຕົວຈິງໄປພ້ອມໆກັນ ກ່ຽວກັບການຂະຫຍາຍພັນໝາກຜຸກ ເປັນຕົ້ນແມ່ນ ເຕັກນິກການປູກ, ວິທີການຕໍ່ການກິ່ງ, ການສຽບງ່າ, ການຕິດຕາ ແລະ ວິທີການບົວລະບັດຮັກສາ.

ໂອກາດດັ່ງກ່າວ ທ່ານ ຍົມສອນ ຄຳມາສີ ຍັງໄດ້ເນັ້ນໃຫ້ບັນດານັກສຳມະນາກອນ ຈົ່ງຕັ້ງໃຈສຸມທຸກສະຕິປັນຍາ ຂອງຕົນ ເພື່ອຄົ້ນຄວ້າສຶກສາຮໍ່າຮຽນ ມີບັນຫາໃດບໍ່ເຂົ້າໃຈໃຫ້ຊັກຖາມທີມງານຄູຝຶກ ພ້ອມກັນ ປຶກສາ ຫາລືແລກປ່ຽນບົດຮຽນເຊີ່ງກັນ ແລະກັນ ເຮັດໃຫ້ບັ້ນຝຶກອົບຮົມໃນຄັ້ງນີ້ປະສົບຜົນສຳເລັດ ຕາມລະດັບຄາດໝາຍທີ່ວາງໄວ້.

( ຂ່າວ: ເມືອງກາສີ )

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031