Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສຳເລັດການຝຶກອົບຮົມການຂະຫຍາຍພັນໄມ້ໃຫ້ໝາກ ຢູ່ເມືອງກາສີ

1 min read

ສຳເລັດການຝຶກອົບຮົມການຂະຫຍາຍພັນໄມ້ໃຫ້ໝາກ ຢູ່ເມືອງກາສີ.

ວັັນນທີ 23 ກໍລະກົດ 2020ນີ້, ຢູ່ທີ່ຫ້ອງປະຊຸມ ຂອງຫ້ອງການກະສິກຳ ແລະ ປ່າໄມ້ເມືອງກາສີ ໄດ້ປີດຊຸດຝຶກອົບຮົມ ໂຄງການພັດທະນາສີມືແຮງງານ ສາຂາວິຊາ ເຕັກນິກການປູກ, ວິທີການຕໍ່ການກິ່ງ, ການສຽບງ່າ, ຕິດຕາ ແລະ ວິທີການບົວລະບັດໝາກກ້ຽງໃຫຍ່( ໝາກຜຸກ ) ໃຫ້ແກ່ປະຊາຊົນພາຍໃນ 08ບ້ານຂອງເມືອງກາສີ.

ໂດຍການເປັນກຽດເຂົ້າຮ່ວມ ຂອງທ່ານ ຍົມສອນ ຄຳມາສີ ຫົວໜ້າພະແນກ ຮສສ ແຂວງວຽງຈັນ, ມີທ່ານ ຄໍາອ້ວນ ສຸວັນທອງ ຮອງເຈົ້າເມືອງໆກາສີ, ມີຫົວໜ້າຫ້ອງການ-ຮອງຫ້ອງການທີ່ກ່ຽວຂ້ອງ ພ້ອມດ້ວຍຄູຝຶກ ແລະ ນັກສຳມະນາກອນເຂົ້າຮ່ວມ.

ທ່ານ ຄຽນ ແສງບົວລະພັນ ຮອງຫົວໜ້ຫ້ອງການ ຮສສ ເມືອງກາສີ ໄດ້ຂື້ນຜ່ານບົດສະຫຼຸບຜົນສໍາເລັດຂອງການຝຶກອົບຮົມ ໃນຄັ້ງນີ້ວ່າ: ການຝຶກອົບຮົມແມ່ນໄດ້ດຳເນີນມາແຕ່ວັນທີ 21-23 ກໍລະກົດ ເຊີ່ງມີຜູ້ເຂົ້າຮ່ວມທັງໝົດ 50 ທ່ານ, ຍິງ 07 ທ່ານ, ໃນນັ້ນມີຄູຝຶກ 02 ທ່ານ ແລະ ນັກສະມະນາກອນ 40 ທ່ານ, ຍິງ 04 ທ່ານ ທີ່ມາຈາກ 08 ບ້ານຂອງເມືອງ; ຜ່ານການຝຶກອົບຮົມຕະຫຼອດໄລຍະ 03 ວັນ ສາມາດຕີລາຄາປະເມີນຜົນໄດ້ ຄື: ກ່ອນການຝຶກອົບຮົມສາມາດຕີລາຄາຄວາມຮູ້ພື້ນຖານ ຂອງນັກສຳມະນາກອນ ໄດ້ປະມານ 15% ແລະ ພາຍຫຼັງຝຶກອົບຮົມແລ້ວສາມາດຕີລາຄາປະເມີນໄດ້ເກືອບ 98%; ໂອກາດນີ້ ທ່ານ ຫົວໜ້ພະແນກ ຮສສ ແຂວງ ຍັງໄດ້ກ່າວສະແດງຄວາມຂອບອົກຂອບໃຈມາຍັງການນຳຂອງເມືອງທີ່ໄດ້ອຳນວຍຄວາມສະດວກສະຖານທີ່ໃນການຝຶກອົບຮົມ ແລະ ສະແດງຄວາມຍ້ອງຍໍຊົມເຊີຍມາຍັງຄະນະຮັບຜິດຊອບ, ທີມງານຄູຝຶກ ແລະ ບັນດານັກສຳມະນາກອນ ທີ່ພ້ອມກັນເອົາໃຈໃສ່ສຶກສາຄົ້ນຄວ້າ ແລກປ່ຽນບົດຮຽນເຊີ່ງກັນແລະກັນ ເຮັດໃຫ້ການຝຶກອົບຮົມປະສົບຜົນສຳເລັດຕາມລະດັບຄາດໝາຍທີ່ວາງໃວ້. ພ້ອມນັ້ນ ທ່ານ ຍັງໄດ້ໃຫ້ກຽດມອບໃບຢັ້ງຢືນໃຫ້ແກ່ນັກສຳມະນາກອນແຕ່ລະທ່ານອີກດ້ວຍ.

ໃນຕອນທ້າຍພິທີ ທ່ານ ຮອງເຈົ້າເມືອງໆກາສີ ກໍໄດ້ໃຫ້ກຽດໂອ້ລົມ ເຊີ່ງກ່ອນອື່ນທ່ານໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຂອບອົກຂອບໃຈຕໍ່ທີມງານພະແນກ ຮສສ ແຂວງວຽງຈັນ ທີ່ໄດ້ຍາດແຍ່ງບິແບ່ງທຶນຮອນ ນຳມາພັດທະນາສີມືແຮງງານໃຫ້ແກ່ ພໍ່ແມ່ປະຊນຊົນ ພາຍໃນ 08 ໝູ່ບ້ານຂອງເມືອງກາສີ, ພ້ອມນັ້ນ ທ່ານຍັງໄດ້ຮຽກຮ້ອງໃຫ້ບັນດານັກສຳມະນາກອນ ທີ່ໄດ້ເຂົ້າຮ່ວມຝຶກອົບຮົມໃນຄັ້ງນີ້ ຈົ່ງນຳເອົາເນື້ອໃນຈິດໃຈ ກໍຄືບົດຮຽນໃນຄັ້ງນີ້ ໄປຈັດຕັ້ງປະຕິບັດໝູນໃຊ້ປະກອບອາຊີບຢູ່ພາຍໃນຄອບຄົວໃຫ້ເກີດດອກອອກຜົນ ແລະ ນຳໄປຜັນຂະຫຍາຍໃຫ້ປະຊາຊົນຢູ່ບ້ານຂອງຕົນໄດ້ຮັບຮູ້ຢ່າງກວ້າງຂວາງ.

( ຂ່າວ: ເມືອງກາສີ )

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed