Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມຊຸກຍູ້ວຽກງານກໍ່ສ້າງໜ່ວຍພັກ, ປອດໃສ, ເຂັ້ມແຂງ, ໜັກແໜ້ນ

1 min read

ກອງປະຊຸມຊຸກຍູ້ວຽກງານກໍ່ສ້າງໜ່ວຍພັກ, ປອດໃສ, ເຂັ້ມແຂງ, ໜັກແໜ້ນ


ວັນທີ 23 ກໍລະກົດ 2020 ໄດ້ເປີດກອງປະຊຸມຊຸກຍູ້ວຽກງານ ກໍ່ສ້າງໜ່ວຍພັກປອດໃສ, ເຂັ້ງແຂງ, ໜັກແໜ້ນຢູ່ທີ່ສະໂມສອນເມືອງເຟືອງ

ໂດຍການເປັນປະທານຂອງສະຫາຍ ຄຳເພັດ ຈັນສົມພູ ເລຂາຄະນະບໍລິຫານງານພັກເມືອງ ເຈົ້າເມືອງໆເຟືອງ ແລະການໃຫ້ກຽດເຂົ້າຮ່ວມຂອງສະຫາຍ ຄຳປອງ ຄຳສີດາ ເລຂາໜ່ວຍພັກຄະນະຈັດຕັ້ງແຂວງ ຮັກສາການຫົວໜ້າຄະນະຈັດຕັ້ງແຂວງວຽງຈັນ, ມີບັນດາຄະນະປະຈໍາ, ກໍາມະການພັັກເມືອງ, ເລຂາຄະນະພັກຮາກຖານ, ເລຂາໜ່ວຍພັກ ສໍານັກງານ, ກົມກອງ, ຫົວໜ້າ, ຄະນະຫ້ອງການ, ເລຂາພັກບ້ານ ເທດສະບານເມືອງ ເຂົ້າຮ່ວມທັງໝົດ 47 ສະຫາຍ, ຍິງ 7 ສະຫາຍ.


ໃນວາລະກອງປະຊຸມ ສະຫາຍ ຄຳເພັດ ຈັນສົມພູ ເລຂາພັກເມືອງ, ເຈົ້າເມືອງໆເຟືອງ ໄດ້ຂຶ້ນຜ່ານມະຕິຂອງກົມການເມືອງສູນກາງພັກເລກທີ 072 ວ່າດ້ວຍລະບອບການຮໍ່າຮຽນທິດສະດີການເມືອງ; ມະຕິກົມການເມືອງສູນກາງພັກເລກທີ 073 ວ່າດ້ວຍການສ້າງແຜນກໍ່ສ້າງ-ບໍາລຸງພະນັກງານນໍາພາຄູ້ມຄອງ ແລະຜູ້ແທນທີ່ເຂົ້າຮ່ວມຄັ້ງນີ້ຍັງໄດ້ຮັບການເຊື່ອມຊຶມເອກະສານທີ່ສໍາຄັນຈຳນວນໜຶ່ງອີກ ເຊັ່ນ: ຄໍາສັ່ງຂອງຄະນະເລຂາທິການສູນກາງພັກ ເລກທີ 03 ວ່າດ້ວຍ ການປັບປຸງຫຼັກສູດການຮຽນ-ການສອນທິດສະດີການເມືອງໃນລະບົບໂຮງຮຽນພັກ ແລະລະບົບການສຶກສາແຫ່ງຊາດ; ຂໍ້ກໍານົດຂອງຄະນະເລຂາທິການສູນກາງພັກເລກທີ 01 ວ່າດ້ວຍ ການຢັ້ງຢືນລະດັບທິດສະດີການເມືອງ; ຄຳສັ່ງແນະນໍາຂອງຄະນະຈັດຕັ້ງສູນກາງພັກເລກທີ 204 ກ່ຽວກັບການຈັດຕັ້ງປະຕິບັດມະຕິຂອງກົມການເມືອງສູນກາງພັັກ ວ່າດ້ວຍ ລະບອບຮໍ່າຮຽນທິດສະດີການເມືອງ, ການສ້າງແຜນກໍ່ສ້າງ-ບຳລຸງພະນັກງານນຳພາ – ຄຸ້ມຄອງ ແລະຂໍ້ກຳນົດຂອງເລຂາທິການສູນກາງພັກ ວ່າດ້ວຍ ການຢັ້ງຢືນທິດສະດີການເມືອງ.

ຫຼັງຈາກນັ້ນກໍ່ໄດ້ຮັບຟັງບົດສະຫຼູບການກໍ່ສ້າງ ໜ່ວຍພັກປອດໃສ, ເຂັ້ມແຂງ, ໜັກແໜ້ນຂອງໜ່ວຍພັກ ຈັດຕັ້ງ, ກວດກາ, ໂຄສະນາ ປະຈຳປີ 2019 ແລະທິດທາງແຜນການປີ 2020 ເຊີ່ງຕາງໜ້າໃຫ້ແກ່ 14 ໜ່ວຍພັກ ທີ່ໄດ້ຖືກຮັບຮອງເປັນໜ່ວຍພັກ ປອດໃສ, ເຂັ້ມແຂງ,ໜັກແໜ້ນ ປະຈຳປີ 2019 ພ້ອມທັງ ມອບໃບຢັ້ງຢືນໃຫ້ 14 ໜ່ວຍພັກທີ່ໄດ້ຮັບຮອງ ຄື: ໜ່ວຍພັກຈັດຕັ້ງ, ກວດກາ, ໂຄສະນາ; ໜ່ວຍພັກຫ້ອງການແນວລາວສ້າງຊາດ ແລະອົງການຈັດຕັ້ງມະຫາຊົນ; ໜ່ວຍພັກພະແນກການເມືອງກອງບັນຊາການ ປກຊ ເມືອງ; ໜ່ວຍພັກພະແນກເສນາກອງບັນຊາການ ປກຊ ເມືອງ; ໜ່ວຍພັກພະແນກພາລາກອງບັນຊາການ ປກຊ ເມືອງ; ໜ່ວຍພັກໂຮງຮຽນ ມ.ຕົ້ນນາມົນ-ໂພນແຍງ; ໜ່ວຍພັກໂຮງຮຽນປະຖົມບ້ານນາກາງ; ໜ່ວຍພັກໂຮງຮຽນ ມ.ຕົ້ນ ບ້ານດອນ; ໜ່ວຍພັກໂຮງຮຽນ ມສ ເມືອງ ທີ 1; 2; 4 ແລະໜ່ວຍພັກຈາກກອງບັນຊາການ ປກສ ເມືອງ ຄື: ພະແນກຫ້ອງການພາລາ; ພະແນກຕໍາຫຼວດ; ພະແນກການເມືອງ, ສັນຕິບານ ແລະຄຸ້ມຄອງສຳມະໂນຄົວ ກອງບັນຊາການ ປກສ ເມືອງເຟືອງ.


ໃນຕອນທ້າຍ ຄະນະປະທານກໍມີຄໍາເຫັນຊີ້ນໍາຜູ້ແທນທີ່ເຂົ້າຮ່ວມ ໃຫ້ເອົາໃຈໃສ່ສືບຕໍ່ຈັດຕັ້ງປະຕິບັດຕາມແຜນການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ໃຫ້ໄດ້ປະລິມານຄຽງຄູ່ກັບຄຸນນະພາບ ແລະເຮັດໃຫ້ບັນດາຜູ້ແທນກອງປະຊຸມໄດ້ຮັບຮູ້ກ່ຽວກັບວຽກງານກໍ່ສ້າງພັກໃນໄລຍະໃໝ່.

#ຂ່າວໂດຍ: ສົມຄິດ ຈິດດາວົງ .

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031