Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສະຫະພັນແມ່ຍິງ ແຂວງວຽງຈັນ ປະຖະກະຖາວັນສ້າງຕັ້ງແມ່ຍິງລາວ ຄົບຮອບ 65 ປີ

1 min read

ເນື່ອງໃນໂອກາດວັນສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ ໄດ້ໝູນວຽນມາຄົບຮອບອີກວາລະໜຶ່ງ ແລະ ເພື່ອເປັນການຫວນຄືນມູນເຊື້ອປະຫວັດສາດ ການເຕີບໃຫຍ່ຂະຫຍາຍຕົວຂອງອົງການຈັດຕັ້ງສະຫະພັນແມ່ຍິງລາວໃຫ້ມີເນື້ອໃນມີຄວາມໝາຍອັນເລິກເຊິ່ງຕິດພັນກັບການແຜີຍຜົນສຳເລັດກອງປະຊຸມໃຫຍ່ຄັ້ງທີ VII ຂອງສະພັນແມ່ຍີງແຂວງວຽງຈັນ ໃຫ້ເປັນຂະບວນກວ້າງຂວາງ ແລະ ຟົດຟື້ນ.

ວັນທີ 24 ກໍ່ລະກົດ 2020 ຢູ່ທີ່ໂຮງຮຽນວິທະຍາໄລເຕັກນິກແຂວງວຽງຈັນ ໄດ້ຈັດພິທີ ປະຖະກະຖາ ວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ ຄືວັນທີ 20 ກໍ່ລະກົດ 1955 ຫາວັນທີ 20 ກໍ່ລະກົດ 2020

ເຂົ້າຮ່ວມໂດຍແມ່ນທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງເຈົ້າແຂວງໆ ວຽງຈັນ ມີຫົວຫນ້າ, ຮອງຫົວໜ້າ ຄະນະ ແລະ ເອື້ອຍພະແນກການອ້ອມຂ້າງ, ສະຫະພັນແມ່ຍິງເມືອງ, ສະຫະພັນແມ່ຍິງບ້ານ ແລະ ເອື້ຶຍຍນ້ອງແມ່ຍິງຂອງໂຮງຮຽນ ວິທະຍາໄລເຕັກນິກເຂົ້າຮ່ວມ.

ທ່ານ ທ່ານ ຄຳພັນ ສິດທິດຳພາ ເຈົ້າແຂວງໆ ວຽງຈັນ ໄດ້ທົບທວນຫວນຄືນປະຫວັດມູມເຊື້ອຂອງການເຕີບໃຫຍ່ຂະຫຍາຍຕົວ ແລະ ພົນງານການເຄື່ອນໄຫວຂອງອົງການຈັດຕັ້ງ ສະຫະພັນແມ່ຍີງລາວ ກໍ່ຄືແມ່ຍິງລາວບັນດາເຜົ່າທີ່ອຸທິດຕົນເພື່ອພາລະກິດຕໍ່ສູ້ປົດປ່ອຍຊາດ, ປົກປັກຮັກສາ ແລະ ສ້າງສາພັດທະນາປະເທດຊາດ ກໍ່ຄືພາລະກິດພັດທະນາແມ່ຍິງຕະຫລອດໄລຍະ 65 ປີ.

ເຊີ່ງເອື້ອຍນ້ອງແມ່ຍິງລາວໃນເມື່ອກ່ອນ ແມ່ນໄດ້ປະກອບສ່ວນ ອຸທິດເຫື່ອແຮງ, ສະຕິປັນຍາເຂົ້າໃນພາລະກິດ ຕໍ່ສູ່ກູຊາດຄຽງບ່າຄຽງໄຫລ່ກັບເພດຊາຍ ດ້ວຍຄວາມອົງອາດກ້າຫານ.

ມາຮອດວັນທີ 20 ກໍ່ລະກົດ 1955 ພັກກໍ່ໄດ້ຈັດຕັ້ງໜ່ວຍຄົ້ນຄວ້າແມ່ຍິງຂື້ນກໍ່ຄື: ຕົ້ນກຳເນີດຂອງອົງການຈັດຕັ້ງສະຫະພັນແມ່ຍິງລາວ.

ໃນປະຈຸບັນ ເພື່ອນຳພາແມ່ຍິງລາວບັນດາເຜົ່າໃນຂອບເຂດທົ່ວປະເທດປະກອບສ່ວນເຂົ້າໃນພາລະກິດຕໍ່ສູ້ປົດປ່ອຍຊາດ, ແມ່ຍິງລາວຈຳນວນບໍ່ໜ່ອຍທີ່ຖືກສັດຕູຈັບຄຸມຂັງ, ທຸບຕີທໍລະມານ, ຖືກບັງຄັບໃຫ້ໄຂຄວາມລັບຂອງຊາດ ແຕ່ແມ່ຍິງລາວແມ່ນເດັດຂາດຂາດບໍ່ຍອມຈຳນົນ ຈິງເຮັດໃຫ້ແມ່ຍິງລາວໄດ້ຮັບນາມມະຍົດເປັນ ວິລະຊົນແຫ່ງຊາດ, ກາຍເປັນນັກຮົບແຂ່ງຂັນ ແລະ ໄດ້ຮັບການຄັດເລືອກໃຫ້ເປັນແບບຢ່າງທີ່ດີເດັ່ນ ປະກອບສ່ວນເຂົ້າໃນຂົງເຂດວຽກງານຫລາຍດ້ານ.

ພ້ອມທັງໄດ້ຮັບການຍ້ອງຍໍຈາກພັກ ແລະ ລັດຖະບານ ຫລາຍລະດັບ, ພາຍຫລັງປະເທດຊາດໄດ້ຮັບການປົດປ່ອຍ ແມ່ຍິງລາວບັນດາເຜົ່າແມ່ນໄດ້ສືບຕໍ່ຂະຫຍາຍມູມເຊື້ອອັນສະຫງ່າງາມ ແລະ ຕັ້ງໜ້າປະກອບສ່ວນເຂົ້າພາລະກິດ ປົກປັກຮັກສາ ແລະ ສ້າງສາປະເທດຊາດ ພາຍໃຕ້ການນຳພາຂອງພັກ-ລັດ.


ທ່ານ ເຈົ້າແຂວງໆວຽງຈັນ ຍັງໄດ້ຮຽກຮ້ອງມາຍັງອົງການຈັດຕັ້ງສະມາຊິກ ສະຫະພັນແມ່ຍິງເວົ້າລວມເວົົ້າສະເພາະ ສະຫະພັນແມ່ຍິງຂອງໂຮງຮຽນວິທະຍາໄລເຕັກນິກແຂວງວຽງຈັນ ກຳແໜ້ນພາລະບົດບາດ, ໜ້າທີ່ ແລະ ເສີມຂະຫຍາຍມູມເຊື້ອ ຜົນງານການເຄື່ອນໄຫວ ຂອງບັນດາແມ່ຍິງລຸ້ນກ່ອນສ້າງມາ ເຂົ້າໃນການປະດິດສ້າງ ເຮັດໃຫ້ບົດບາດຊື່ສຽງຂອງແມ່ຍິງລາວທົ່ວປະເທດກໍ່ຄືທົ່ວໂຮງຮຽນວິທະຍາໄລດັ່ງກ່າວເດັ່ນຂື້ນ.

ຂ່າວ:ຄົນທີ່ຖືກລືມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031