Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຮອງຫົວໜ້າພະແນກຖະແຫຼງຂ່າວ ວັດທະນະທຳ ແລະທ່ອງທ່ຽວແຂວງວຽງຈັນ ລົງຊຸກຍູ້ວຽກງານຢູ່ເມືອງເຟືອງ 

1 min read

ຮອງຫົວໜ້າພະແນກຖະແຫຼງຂ່າວ ວັດທະນະທຳ ແລະທ່ອງທ່ຽວແຂວງວຽງຈັນ ລົງຊຸກຍູ້ວຽກງານຢູ່ເມືອງເຟືອງ.


ວັນທີ 22 ກໍລະກົດ 2020 ຜ່ານມານີ້ ນຳໂດຍ ທ່ານ ແສງແກ້ວ ສູນທະວົງສາ ຮອງຫົວໜ້າພະແນກ ຖະແຫຼງຂ່າວ ວັດທະນະທຳ ແລະທ່ອງທ່ຽວ ແຂວງວຽງຈັນ ພ້ອມດ້ວຍຄະນະ ໄດ້ລົງເຄື່ອນໄຫວ ຍຸກຍູ້ວຽກງານ ວິຊາສະເພາະ ການຄຸ້ມຄອງການເຄື່ອນໄຫວ ຈັດຕັ້ງປະຕິບັດວຽກງານຂອງຫ້ອງການ ຖະແຫຼງຂ່າວ ວັດທະນະທຳ ແລະທ່ອງທ່ຽວເມືອງເຟືອງ.


ທ່ານ ນາງ ສົມຄິດ ຈິດດາວົງ ກໍາມະການພັກເມືອງ ຫົວໜ້າຫ້ອງການຖະແຫຼງຂ່າວ ວັດທະນະທໍາ ແລະທ່ອງທ່ຽວເມືອງເຟືອງ ໄດ້ຂຶ້ນລາຍງານການຈັດຕັ້ງປະຕິບັດວຽກງານໂດຍຫຍໍ້ໃນຂົງເຂດຄວາມຮັບຜິດຊອບ ໃນໄລຍະຜ່ານມາ ເຊີ່ງໄດ້ຍົກໃຫ້ເຫັນຂໍ້ສະດວກ , ຂໍ້ຫຍຸ້ງຍາກ ໃນນາມເປັນເສນາທິການໃຫ້ແກ່ພະແນກຖະແຫຼງຂ່າວ ວັດທະນະທໍາ ແລະທ່ອງທ່ຽວແຂວງ , ອົງການປົກຄອງເມືອງ.


ທ່ານ ແສງແກ້ວ ສູນທະວົງສາ ຮອງຫົວໜ້າພະແນກຖະແຫຼງຂ່າວ ວັດທະນະທໍາ ແລະທ່ອງທ່ຽວກໍ່ໄດ້ໃຫ້ກຽດໂອ້ລົມ ແລະຊີ້ນໍາຄະນະຫ້ອງການ ແລະພະນັກງານ ໃຫ້ເອົາໃຈໃສ່ສືບຕໍ່ຈັດຕັ້ງປະຕິບັດຕາມພາລະບົດບາດ, ສິດ, ໜ້າທີ່ ທີ່ໄດ້ຮັບມອບໝາຍ ເຊັ່ນ: ນໍາເອົາຂໍ້ມູນຂ່າວ,ໂຄສະນາແນວທາງນະໂຍບາຍຂອງພັກ, ລະບຽບກົດໝາຍຂອງລັດໃຫ້ສັງຄົມໄດ້ຮັບຮູ້ດ້ວຍຫຼາຍຮູບແບບ, ເອົາໃຈໃສ່ປົກປັກຮັກສາມູນເຊື້ອວັດທະນະທໍາ, ຮີດຄອງປະເພນີ ຂອງຊາດ, ຂອງເຜົ່າໄວ້ໃຫ້ໝັ້ນຄົງ, ສືບຕໍ່ປະເມີນຄອບຄົວ, ບ້ານ, ສຳນັກງານ, ກົມກອງ, ກຸ່ມບ້ານ ເປັນຕົວແບບທາງດ້ານວັດທະນະທໍາ, ເອົາໃຈໃສ່ກວດກາ, ຄຸ້ມຄອງບັນດາຫົວໜ່ວຍທຸລະກິດຕ່າງໆຢູ່ພາຍໃນເມືອງ

ໃຫ້ເຂົາເຈົ້າ ເຄື່ອນໄຫວຖືກຕ້ອງຕາມລະບຽບຫຼັກການ ຄຽງຄູ່ກັນກັບວຽກງານວິຊາສະເພາະແຕ່ລະດ້ານນີ້ແລ້ວ ແມ່ນໃຫ້ຄະນະຫ້ອງການສຶບຕໍ່ເຮັດວຽກງານການເມືອງ-ນໍາພາແນວຄິດ ໃຫ້ພະນັກງານມີຄວາມສາມັກຄີ, ປຶກສາຫາລື ເພື່ອພ້ອມກັນຈັດຕັ້ງປະຕິບັດວຽກງານໃຫ້ມີຜົນສໍາເລັດ.


ໃນການລົງມາຊຸກຍູ້ຂອງຄະນະນໍາຈາກພະແນກຖະແຫຼງຂ່າວ ວັດທະນະທໍາ ແລະທ່ອງທ່ຽວແຂວງວຽງຈັນເທື່ອນີ້ ກໍຍັງໄດ້ລົງໄປເບີ່ງສະຖານທີ່ບາງບ່ອນ ທີ່ມີເງື່ອນພັດທະນາເປັນແຫຼ່ງທ່ອງທ່ຽວ ຄື: ຫໍສີລາຈາລຶກກົກແຕ້ຈາລຶກຄວາມແຄ້ນ, ວັດສິນໄຊຍະຣາມບ້ານໂນນຫິນແຮ່, ນໍ້າລີກວີວຣີສອດກາເດັນ (ຫາດຜາຕຶ້ງ), ສາຍນໍ້າລີກ ແລະອື່ນໆ ທີ່ເປັນທ່າແຮງສ້າງຄວາມສົນໃຈໃຫ້ແກ່ນັກທ່ອງທ່ຽວທັງພາຍໃນ ແລະຕ່າງປະເທດ ເຂົ້າມທ່ຽວເມືອງເຟືອງຫຼາຍຂຶ້ນໃນອະນາຄົດ.

#ຂ່າວໂດຍ:ຄໍາລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031