Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໂພນໂຮງ ແຂວງວຽງຈັນ ເຜີຍແຜ່ວຽກງານສະຫະກອນແຊມາອຶນກຶມໂກ ສສ ເກົາຫລີ ໃຫ້ແກ່ຄະນະຮັບຜິດຊອບ -ກຸ່ມບ້ານຂອງເມືອງ

1 min read

ເມືອງໂພນໂຮງ ແຂວງວຽງຈັນ ເຜີຍແຜ່ວຽກງານສະຫະກອນແຊມາອຶນກຶມໂກ ສສ ເກົາຫລີ ໃຫ້ແກ່ຄະນະຮັບຜິດຊອບ -ກຸ່ມບ້ານຂອງເມືອງ.

ຊຸດຝຶກອົບຮົມວຽກງານສະຫະກອນແຊມາອຶນກຶມໂກ ຮູບແແບບ ສສເກົາຫລີ ໃຫ້ແກ່ຄະນະຮັບຜິດຊອບກອງທຶນຂັ້ນເມືອງ-ກຸ່ມບ້ານພາຍໃນເມືອງໂພນໂຮງຈັດຂື້ນໃນວັນທີ 23 ກໍລະກົດນີ້ ຢູ່ທີ່ສະໂມສອນຂອງເມືອງພາຍໄຕ້ການເປັນປະທານຂອງທ່ານ ອຸດອນ ກິ່ງຈັນທະວົງ ຮອງເລຂາພັກເມືອງ ປະທານກວດກາ ພັກ-ລັດເມືອງ ຄະນະຊີ້ນຳກອງທຶນຂັ້ນເມືອງ ,ມີທ່ານ ພູວົງ ບຸນຊູ ຫົວໜ້າ ພະແນກກະສິກຳ-ປ່າໄມ້ແຂວງວຽງຈັນຜູ້ຊີ້ນຳກອງທຶນຂັ້ນແຂວງ,ມີຄະນະຮັບຜິດຊອບຂັ້ນເມືອງ,ບັນດາບ້ານ ແລະ ກຸ່ມບ້ານເປົ້າໝາຍເຂົ້າຮ່ວມ.


ໃນການເຜີຍແຜ່ວຽກງານສະຫະກອນແຊມາອຶນກຶມໂກ ຮູບແບບ ສສເກົຫລີ ໃຫ້ຄະນະຮັບຜິດຊອບຄັ້ງນີ້ກໍ່ເພື່ອຍົກລະດັບຄວາມຮູ້ດ້ານການບໍລິຫານໃນຮູບແບບແຊມາອຶນກຶມໂກໃຫ້ແກ່ຜູ້ບໍລິຫານກອງທຶນພາຍໃນເມືອງແນ່ໃສ່ເພື່ອຊຸກຍູ້ສົ່ງການຄຸ້ມຄອງ,ການບໍລິຫານກອງທຶນພາຍໃນເມືອງໃຫ້ເຄື່ອນໄຫວໄດ້ດີມີການເຕີບໃຫຍ່ຂະຫຍາຍຕົວ ເປັນທ່າແຮງສຳຄັນໃນການຍົກສູງ ຊີວິດການເປັນຂອງພໍ່ແມ່ປະຊາຊົນໃຫ້ນັບມືນັບດີຂື້ນ.

ໃຫ້ກຽດຂື້ນນຳພາເຜີຍແຜ່ບົດຮຽນຫລັກການໃນການບໍລິຫານສະຫະກອນໃນຮູບແບບແຊມາອຶນກຶມໂກ

ໂດຍ ທ່ານ ພູວົງ ບຸນຊູ ຫົວໜ້າພະແນກກະສິກຳ-ປ່າໄມ້ ແຂວງວຽງຈັນ ເປັນຕົ້ນ ຄະນະຮັບຜິດຊອບ ແລະ ຜູ້ບໍລິຫານ ກອງທຶນຈະໄດ້ຮຽນຮູ້ເຖິງ ປະຫວັດຄວາມເປັນມາຂອງສະຫະກອນແຊມາອຶນກຶມໂກ,ຫລັກການ,ຮູບແບບການຈັດຕັ້ງປະຕິບັດ,ບົດບາດວຽກງານສະຫະກອນແຊມາອຶນກຶມໂກຕໍ່ກັບການພັດທະນາດ້ານກະສິກຳຢູ່ ສປປລາວ ແລະ ບົດຮຽນອື່ນໆ ພ້ອມນີ້ ທີ່ປະຊຸມຍັງໄດ້ແລກປ່ຽນບົດບົດໃນການບໍລິຫານກອງທຶນຢູ່ແຕ່ລະບ້ານ ແລະ ວາງ ແຜນໂດຍກຳນົດເອົາ 6 ບ້ານຂອງເມືອງ ເພື່ອທົດລອງຈັດຕັ້ງປະຕິບັດວຽກງານສະຫະກອນ ຮູບແບບແຊມາອຶນກຶມໂກ ເພື່ອນຳເອົາບົດຮຽນດັ່ງກ່າວໜູນໃຊ້ເຂົ້າໃນການຄຸ້ມຄອງ ກອງທຶນຂອງເມືອງໃຫ້ມີການເຕີບໃຫຍ່ເຂັ້ມແຂງຂື້ນເລື້ອຍໆ.

ຂ່າວ: ສຸເວດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031