Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພະແນກຖະແຫຼງຂ່າວ ວັດທະນາທຳ ແລະ ທ່ອງທຽ່ວແຂວງວຽງຈັນລົງຊຸກຍູ້ວຽກງານຮອດດ້ານຢູ່ຫ້ອງການຖວທ ເມືອງແກ້ວອຸດົມ

1 min read

ພະແນກຖະແຫຼງຂ່າວ ວັດທະນາທຳ ແລະ ທ່ອງທຽ່ວແຂວງວຽງຈັນລົງຊຸກຍູ້ວຽກງານຮອດດ້ານຢູ່ຫ້ອງການຖວທ ເມືອງແກ້ວອຸດົມ.


ໃນວັນທີ 23 ກໍລະກົດ 2020 ຜ່ານມານີ້ ທ່ານ ນາງ ອີນຄຳ ພັນດາລາ ກຳມະການພັກແຂວງ ຫົວໝ້າ ພະແນກຖະແຫຼງຂ່າວ ວັດທະນາທຳ ແລະ ທ່ອງທຽ່ວແຂວງວຽງຈັນ ພ້ອມດ້ວຍທີມງານໄດ້ລົງຊຸກຍູ້ວຽກງານຮອບດ້ານ ຢູ່ຫ້ອງການຖະແຫຼງຂ່າວ ວັດທະນາທຳ ແລະ ທ່ອງທຽ່ວເມືອງແກ້ວອຸດົມ


ໃນພິທີ ທ່ານ ອານຸກອນ ລາດຊະວົງ ຫົວໝ້າ ຫ້ອງການຖະແຫຼງຂ່າວ ວັດທະນາທຳ ແລະ ທ່ອງທຽ່ວເມືອງແກ້ວອຸດົມໄດ້ຂື້ນລາຍງານກຽ່ວກັບການຈັດຕັ້ງປະຕິບັດວຽກງານໂດຍຫຍໍ້ໃນຂົງເຂດຄວາມຮັບຜິດຊອບໃນໄລຍະຜ່ານມາເຊີ່ງໄດ້ຍົກໃຫ້ເຫັນຂໍ້ສະດວກ,ຂໍ້ຍຸ້ງຍາກ ໃນການເປັນເສນາທິການໃຫ້ແກ່ພະແນກຖະແຫຼງຂ່າວ ວັດທະນາທຳ ແລະ ທ່ອງທຽ່ວແຂວງ ແລະ ອົງການປົກຄອງເມືອງແກ້ວອຸດົມ,

ທ່ານ ນາງ ອີນຄຳ ພັນດາລາ ຫົວໝ້າ ພະແນກ ຖະແຫຼງຂ່າວ ວັດທະນາທຳ ແລະ ທ່ອງທຽ່ວແຂວງວຽງຈັນ ກໍ່ໄດ້ໃຫ້ກຽດໂອ້ລົມ ແລະ ຊີ້ນຳຄະນະຫ້ອງການ ແລະ ພະນັກງານ ໃຫ້ເອົາໃຈໃສ່ສືບຕໍ່ຈັດຕັ້ງປະຕິບັດຕາມພາລະບົດບາດ,ສິດ,ໝ້າທີ່ ທີ່ໄດ້ຮັບມອບໝາຍເຊັ່ນ ນຳເອົາຂໍ້ມູນຂ່າວ,ໂຄສະນາແນວທາງນະໂຍບາຍຂອງພັກ,ລະບຽບກົດໝາຍຂອງລັດໃຫ້ສັງຄົມໄດ້ຮັບຮູ້ດ້ວຍຫຼາຍຮູບແບບ,ເອົາໃຈໃສ່ປົກປັກຮັກສາມູນເຊື້ອວັດທະນາທຳ,ຮີດຄອງປະເພນີຂອງຊາດ,ຂອງເຜົ່າໄວ້ໃຫ້ໝັ້ນຄົງ,ສືບຕໍ່ປະເມີນຄອບຄົວ, ບ້ານ, ກຸ່ມບ້ານ ເປັນຕົວແບບທາງດ້ານວັດທະນາທຳ,ເອົາໃຈໃສ່ກວດກາ,ຄຸ້ມຄອງບັນດາຫົວໝ່ວຍຖຸລະກິດຕ່າງໆຢູ່ພາຍໃນເມືອງໃຫ້ເຂົາເຈົ້າເຄື່ອນໃຫວຖືກຕ້ອງຕາມລະບຽບຫຼັກການ ຄຽງຄູ່ກັນກັບວຽກງານວິຊາສະເພາະແຕ່ລະດ້ານນີ້ແມ່ນໃຫ້ຄະນະຫ້ອງການສືບຕໍ່ເຮັດວຽກງານການເມືອງ-ນຳພາແນວຄິດໃຫ້ພະນັກງານມີຄວາມສາມັກຄີ,ປືກສາຫາລື ເພື່ອພ້ອມກັນຈັດຕັ້ງປະຕິບັດວຽກງານໃຫ້ມີຜົນສຳເລັດ


ພ້ອມນີ້ທ່ານ ຍັງໄດ້ເນັ້ນໝັກໃຫ້ພະນັກງານຫ້ອງການໃຫ້ເອົາໃຈໃສ່ຊີ້ນຳ-ນຳພາແຕ່ລະໝ່ວຍງານພາຍໃນຫ້ອງການໃຫ້ຈັດຕັ້ງປະຕິບັດຕາມພາລະບົດບາດຂອບເຂດວຽກງານຂອງຕົນຮັບຜິດຊອບເປັນຕົ້ນ ວຽກຖະແຫຼງຂ່າວໃຫ້ເອົາໃຈໃສ່ວຽກງານສ້າງຂະບວນການເພື່ອຄຳນັບຮັບຕ້ອນກອງປະຊຸມໃຫຍ່ອົງຄະນະພັກແຂວງທີ່ຈະໄດ້ໄຂຂື້ນໃນມໍ່ໆນີ້,ວຽກງານວັດທະນາທຳ,ທ່ອງທຽ່ວ,ບໍລິຫານໃຫ້ເອົາໃຈໃສ່ປຸກລະດົມໃຫ້ຜູ້ທີ່ດຳເນີນຖຸລະກິດໃນການສ້າງຕັ້ງຫ້າງຮ້ານຕ່າງໆມີການອານຸຍາດ,ການສະຫຼຸບວຽກງານໃນແຕ່ລະຄົງເຂດວຽກງານໃຫ້ສອດຄອ່ງກັບຄວາມເປັນຈີງ,

ການລົງຊຸກຍູ້ວຽກງານຄັ້ງນີ້ໄດ້ເຮັດໃຫ້ພະນັກງານແຕ່ລະໝ່ວຍງານກໍ່ໄດ້ແລກປຽ່ນຄຳຄິດຄຳເຫັນກົງໄປກົງມາຢ່າງມີເຫດມີຜົນເພື່ອເປັນທິດຊີ້ນຳໃຫ້ໃນການຈັດຕັ້ງຜັນຂະຫຍາຍໃນວຽກງານຕໍ່ໝ້າຕາມທິດທາງຂອງພັກ-ລັດໃຫ້ໄດ້ຮັບຜົນດີກ່ວາເກົ່າ.

ຂ່າວ:ສຸກັນະວົງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031