Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໂພນໂຮງສຳເລັດທາບທາມເປົ້າໝາຍຄັດເລືອກຮັບເລືອກຕັ້ງເຂົ້າໃນຄະນະບໍລິຫານງານພັກແຂວງໆວຽງຈັນ ຮອບທີ I

1 min read

ເມືອງໂພນໂຮງສຳເລັດທາບທາມເປົ້າໝາຍຄັດເລືອກຮັບເລືອກຕັ້ງເຂົ້າໃນຄະນະບໍລິຫານງານພັກແຂວງໆວຽງຈັນ ຮອບທີ I.

ກອງປະຊຸມທາບທາມເປົ້າໝາຍຄັດເລືອກຮັບເລືອກຕັ້ງເຂົ້າໃນຄະນະບໍລິຫານງານພັກແຂວງໆວຽງຈັນຈັດຂື້ນໃນວັນທີ 24 ກໍລະກົດ 2020 ນີ້ ຢູ່ທີສະໂມສອນຂອງເມືອງ

ໂດຍພາຍໃຕ້ການປະທານ ຂອງ ສະຫາຍ ສົມປະສົງ ສຸວົງຄຳຈັນ ກຳມະການພັກແຂວງ ເລຂາພັກເມືອງເຈົ້າເມືອງໂພນໂຮງ,ມີບັນດາຄະນະປະຈຳພັກ,ກຳມະການພັກເມືອງ,ຫົວໜ້າຫ້ອງການ,ກົມກອງ,ມີພະນັກງານອາວຸໂສບຳນານ ,ຄະນະຮັບຜິດຊອບຂັ້ນແຂວງ ແລະ ບັນດາຫົວໜ້າໜ່ວຍງານພາຍໃນເມືອງເຂົ້າຮ່ວມ 130 ສະຫາຍ.


ໃນພິທີ ທ່ານ ກອງແພງ ແກ້ວພູທອນ ຫົວໜ້າຂະແໜ່ງກວດກາພັກ ຄະນະຮັບຜິດຊອບ ການທາບທາມ ເປົ້າໝາຍຮັບເລືອກຕັ້ງເຂົ້າໃນຄະນະບໍລິຫານງານພັກແຂວງໆວຽງຈັນໄດ້ໃຫ້ກຽດຂື້ນຜ່ານມາດຖານ ແລະ ເງື່ອນໄຂຂອງຜູ້ສະໝັກ ເປັນຕົ້ນ : ດ້ານຄຸນທາດການເມືອງ,ຄຸນສົມບັດສິນທຳປະຕິວັດ ,ແບບແຜນການດຳລົງຊີວິດ,ຄວາມຮູ້,ຄວາມສາມາດ,ແບບແຜນການນຳພາ ມີ ຄວາມຮູ້ທາງດ້ານທິດສະດີມາກ-ເລນິນ ແລະ ກຳແໜ້ນແນວທາງນະໂຍບາຍຂອງພັກ-ລັດ ເປັນຜູ້ທີ່ສາມາດນຳພາຈັດຕັ້ງຜັນຂະຫຍາຍແນວທາງຂອງພັກ ຈັດຕັ້ງຜັນຂະຫຍາຍນະໂຍບາຍຂອງລັດໃຫ້ ປະກົດຜົນເປັນຈິງ .


ໂອກາດດັ່ງກ່າວນີ້ ສະຫາຍ ສົມປະສົງ ສຸວົງຄຳຈັນ ເຈົ້າເມືອງໆໂພນໂຮງກໍ່ໄດ້ມີຄຳເຫັນຕໍ່ບັ້ນທາບທາມເປົ້າໝາຍຄັດເລືອກ ຮັບເລືອກຕັ້ງເຂົ້າໃນຄະນະບໍລິຫານພັກແຂວງ ທີ່ຈະໄຂຂື້ນໃນຕໍ່ໜ້ານີ້ ຊຶ່ງທ່ານກໍ່ຍົກໃຫ້ເຫັນຄວາມໝາຍຄວາມສຳຄັນພາລະບົດບາດການນຳພາຂອງພັກ,ຍົກໃຫ້ເຫັນການສືບທອດປ່ຽນແທນ ຕ້ອງຮັບປະກັນ ພະນັກງານ 3 ຮຸ່ນ ຄືຮຸ່ນອາວຸໂສ ,ຮຸ່ນກາງ ແລະ ຮຸ່ນໜຸ່ມ ເພື່ອໃຫ້ລະບົບການຈັດຕັ້ງມີຄວາມເຂັ້ມແຂງໜັກແໜ້ນ.


ຕອນທ້າຍພິທີ ຜູ້ເຂົ້າຮ່ວມປະຊຸມ ຍັງໄດ້ໃຊ້ສິດຂອງຕົນເລືອກເອົາຜູ້ສະໜັກ ຄະນະພັກແຂວງ ແບບປິດລັບ ຕາມກົດລະບຽບ ກອງປະຊຸມໄດ້ປິດລົງຢ່າງສຳເລັດຜົນ.

ຂ່າວ: ສຸເວດ ວັນນະລິດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031